[مــنــــــآل]

المشاركة الأصلية كتبت بواسطة نايف الشمري

صباح الخير ..

أهلين ..صباح الورد ياهلا والله

وبما ان السجين يصفنا بالمهايطيين

أيه وأكبر مهايطيين

وبما ان المنتدى مافيه الا انا ..

من الفضاوة

وطالع بدري من الدوام

حبيت احط كم سؤال ..



تتوقعي ليه طالع بدري من الدوام ؟

على شان تمرني بالسجن


ايهم ادفاء .. دفاية القاز او الكهرباء .. وايهم اقل صرف في الاستهلاك ؟ وليه مافيه دفاية بانزين او ديزل ؟

كلهم بس أتوقع القاز أكثر .. واقل صرف اتوقع الكهربائية
اممممممم يبي لنا نرفع لليابان طلب بإختراع هذه الدفاية البانزينية أو الديزلية ..


العصفور له صوت .. يسمونه زقزقة العصافير .. ابي تكتبين صوته !!
بسبسبسبسبسبسبسبسبسبسبسبسبسبسبسبسبسب

ببشبشبشبشبشبشبشبشبشبشبشبشبشبشبشبشبشب

بقبقبقبقبقبقبقبقبقبقبقبقبقبقبقبقبقببقبقبقبقبقببقبق بقبقبقبق

ويق ويق ويق ويق ويق ويق ويق ويق ويق ويق

وناسة نايف أعجبتني اللعبة ..حسيت نفسي من جد عصفورة أغرد ..
بس بالله شرايك بتغريدي .. ؟؟!!


ماهي الفروه ؟ ومتى نلبسها ؟ وكم سعرها ؟ وهل يختلف سعرها في الشتاء عن الصيف ؟
اممممممم مثل العباية ثقيل مرة تدفي الجسم
مادري عن اسعارها بس هالايام كل شي غالي يمكن من الميتن وفوق ..
واكيد بيختلف سعرها بالشتاء ..


انا في الاستراحه الآن وفيه فاره غاثتني من اليوم ابغى تسوين لي مخطط حتى اقتل هذه الفاره ؟

بالله وكيف جالس تكتب ومروق وانت خابر ان يمك فارة ..
وربي ماعرف اخطط لقتل .. بس اعرف اهج عن المكان ...


وليه سميت فاره ؟

ما احد سأل ليش سموك نايف ..وأنا ليش سموني منـــآل .
كل شي له أسم ..اسمها كذا


الحين اصابع اليد نكتب فيها .. ونمسك فيها الاشياء .. ونؤشر فيه .. واحيان نجعلها تشاركنا في الحديث .. طيب وش فايدة اصابع الارجل ؟

على شان المرأة تحط عليها مناكير ويطلع شكلها مرة حلو يخقق
والرجال يجلس يحركها لما يكون بفراشه بينام ..



احيان وحنا جالسين نسمع قرقرة البطن يعني صوت البطن .. فهل البطن يتكلم ؟ ولماذا يقرقر ؟
ايه يتكلم يقول لك انا جايع يالله متى بتتغدى ..



ابغى شرح وتعريف للكلمات التاليه ..

* عوباء / لسانها طووويل


* رفلا/ ماتدبر شي بالبيت


* متنح/ صافن مايدري عن شي


* رضمه/ مادري والله نايف بس احس مصيبة يدعون بها للظالم


* شفايه/ لقافة ..





الحين انا اذا دخلت المنتدى لازم اروح لصفحة المتواجدين الآن .. فما هو السبب الذي يجعل الكثير يهوون التواجد في هذه الصفحه ؟

امممممم هذا سؤالي ابو خميس..
أول مافتحت الديوانية سألتك هالسؤال وجاوبتني وقلت لي انها لقافة




لو تم انقلاب في المنتدى .. وتم اختيارك مديرة المنتدى والمنتدى صار مثل الشركه .. من يكون نائبك ؟ ومن هو اللي يستقبل المكالمات التي تصلك اللي هو سكرتيرك .ز ومن هو اللي اذا جيتي يشيل شنطتك ويمشي قدامك يفتح لك الباب ؟
وخالد العبدالله وماريا و مريم وش تكون مناصبهم بالشركه ؟

اممممممم كلهم من النواعم
نائبتي بتكون مريومة
وسكرتيرتي بتكون هيومة
بس شنطتي انا بشيلها والباب انا بفتحه
بس انت اللي بتسوق السيارة ..
وخالد العبدالله بخليه حارس العمارة ههههههههههههه
ومريم نائبتي قلت لك
ومرمر بخليها عند الأستقبال
احس امكانياتها بالعلاقات العامة حلوة ...



ليه سمي ابن بطوطه بـ إبن بطوطه ؟ ليه ماسمي ابن سفونه نسبه للسفينه ؟

ليه سموك انت ابن فلان ولاسموك ابن قطرات ادبية نسبة لقطرات ..؟



مالحكمه من انهم اختاروا اللون الاسود للزفلت ؟ ليه ماخلوه ازرق او احمر او اصفر ؟
الأسود أكشخ وأفخم مناسب لكبار الشخصيات مثلك وشرواك..
لو انه ملون بيصير حق مبرزة ماهو حلو


ليه عيون البعير ماتولع مثل باقي الحيوانات بالليل ؟
الله خلقه كذا ..


ماهو الشي الرئيسي اللي دايم معك ؟ وهل تحبين الاكل ؟
جوالي .. الاكل نعمة فيه احد يعاف النعمة ويكرهها ..؟؟!!!!!!



كم عدد اعواد الكبريت ؟ وليه يكتبون عليه قديمك نديمك ؟
مدري بالضبط يمكن 30 عود ..
على شان ماتنسون الكبريت وتروحون للولاعات ..


ماذا تعرفين عن حسن كراني ؟
رجال ..



ماهو فريقك اللي تشجعينه او تميلين معه ؟ ولماذا ؟ وماهو ترتيبه في الدوري ؟
ما احب الرياضة لااشجع احد والله .. بس النصر اذا لعب احب اتابع على شان اضحك
احس اني اتابع مسرحية فكاهية .. هههههههههههه اللهم لاشماته



كم فاتورة كهرباء بيتكم الشهر هذا ؟

شكلك ناوي تسددها .. ماتقصر والله
خلاص أرسل رم حساب زوجي برسالة خاصة
والمبلغ 688 ريال


هل انتي من المستفيدين من حافز ؟ واذا الاجابه بلا .. لماذا ؟
والله كل يوم أطر من هالحفاز ولا شفت شي
ماوصلني شي



وانا اكتب هالحين جاني شد عضلي برقبتي .. ماهو العلاج ؟ ولماذا جاني الشد ؟ وبما تنصحيني ؟
من الكتابة .. العلاج انك ماتدخل في ذا
وانصح انك تتعوذ من ابليس كل ماوسوس لك بالدخول الى هنا


الحين بروح للبيت .. وش تتوقعي بسوي اذا جيت البيت ؟
امممممممم سبات .. بــ تتسبت


تتوقعين انتهت اسئلتي او لا ؟

مادري.. انت أدرى بنواياك ..



مارأيك بأسئلتي هل هي حلوه او من جنبها ؟
اممممممم زي وجه اللي بصورتك الرمزية
مدري عاد هذا انت والا ... وانت عاد شف الصورة وأحكم على الاسئلة



هل ترغبين بمزيد من الاسئله ؟
كيفك والله تبي تحط حط ماتبي براحتك


بودي ان تقيمي اسئلتي البيزنطيه تقييم دقيق وبالنسبه المئويه
اقيمها شلون ومن اي ناحية ..؟؟!!



( تمت الاسئله
بالتوفيق للجميع )

وش يذكرك به هالكلام اللي بين الاقواس ؟

أختبارات نهائية



بعض المعلمين والمعلمات يجيب اسئله صعبه وبالاخير يقول بالتوفيق للجميع وش الحكمه ؟

زين يسووون والله يعجبوني المدرسات والمدرسين
اللي يجيبون اسئلة ماهي سهلة .. وهذا مايعني انهم مايتمنون التوفيق لهم




وهذا مالدي الان

بس ذا هذا اللي عندك توقعت أكثر والله
هههههههههه نايف امانة بلاش تهايط على روسنا مرة ثانية