ياسمين الحزين
خلينا على القمر نزرع ياسمين
هنيك بنبني بلدنا على مر السنين
ونسمي ياسمينا: ياسمين الحزين
-----------
بتصير على القمر شامنا
ونعلم ونربي فيها ولادنا
على الخير وحب بلادنا
ونزرعها زيتونا ورمانا
ونزرع ورد وياسمين
-------------------
وترجع عامرة بيوتنا وحاراتنا
لا صوت مدفع ولا بارود
لا جنايز شباب وأطفال بعمر الورود
وبتصير حلوة بلدنا متل القمر
أو القمر بيحلى من بلادنا
من حمصنا من حلبنا من شامنا
--------------
ولما بهل هلال الشهر
بتنور شامنا على أرضنا وجبالنا
وبتضوي ليالي السهارى
بيقولوا شام القمر شاع نورها على ديارنا
نور معطر بالياسمين
مسافة بيقطعها بأشهر وسنين
بيفوح بكل بيت عطرو الحزين
أزهر وفتح بغير أرضو
ياسمين الحزين
وصارت شام القمرمضرب كل متل
وعلى لسان كل شاعر غزل
وبتطوي الشام صفحات الأيام
وبتبدا من جديد
-----------------
ولما بيطل العيد
بيقول القمر لا تختلفوا
أنا قمر شامي جديد
أنا الكم كلكم
وبوقت واحد حيكون العيد
بوقت واحد حيكون العيد
-------------------------------