[الباهيه]

ليتك بقيت اللي عن الكل مخفيه
استر وجودك لا بغوا يقربونك

لاكن حسافه خبرتي هيه يا هيه
ماهي شرات اللي بدو يوصلونك







أول اشوفك شخص يفرق عن الغير
واغليك من قلبن تمنى ، تشيّله
:
كنت الثقيل اللي عليه المسايير
ويشوم عن طبع الردى و الفشيله
:
لين اكتشفت انك مع الريح يا طير
طاير وكل للي يوده تجيله..!
:
اعجابي الزايد..تخطى طوابير
واللي وقف دونه تحدى يزيله
:
قلب الوفي لا ميزك دون تفكير
يعاملك بطبوع ناس(ن) اصيله
:
لاكن خطاي اكبر من ايات تبرير
وانا انسحب ,وياليت نلقى بديله
:
بيني و بينك معرفة خير وبالخير
يا اجمل بدايات الخيال الجميله