ابوه وامه صاروا اسباب بلواه **
نقطة سواد في غترة المنصب العود
وحدّعقب ذاك الزمن لي قضيناه
نسقيه عمر ونطعم سنينه اليود
بادر عقب ما اشتدت اطراف يمناه
قام ورمانا بعيد والعالم شهود
صار السكن دار المسنين ويلاه
عقب الونس صار الصدى جملة وفود
وحدّحفظنا في سويدا عويناه
حافظ عليه اللي به الظهر مشدود
سداد دين ويطلب ارضاه مولاه
الخير فيه وفي نواصيه معقود
يا زرعنا اللي في الخصيبة بذرناه
بالرّوف ظللناه ترى العمر محدود
واللي عطيته اليوم باكر بتلقاه
دنياك دواره وما ضيك بيعود