انا اسمي تهاني حبوبه واحب الحياه واهتم في كل شي
احب الزين واحرص على الترتيب والبس المرتب واهتم بالنظافه
خطبني ولد عمي راعي الغنم !! وافق جميع اهلي عليه وفرحو انه خطبني !! وانا قايلتن لهم مابيه راعي غنم ومايهتم في نفسه كذا مره المحه لبسه مبهدل و شماغه مهوب نظيف
طبعا هو تاجر في سوق الغنم وكل اسبوع شاري حملة غنم ويبيع واغلب المطاعم تشتري من عنده
...المهم ما اطول عليكم استخرت الله وتزوجته
ليلة الدخله اول ماشفته ��
وشذا الزين وشذا الزين فيه ��
من الخقه بغيت اتغطى عنه يمه يازينه وزين طلته
بعد ماخلص شهرنا !! رجع لغنمه وعدم الاهتمام في نفسه
غرفة نومنا كلها ريحة غنم ��������
ثيابه مايهتم فيها يلبس اي ثوب مكوي معفوس وسخ نظيف ماااشي ثوب والسلام !!
وشماغ يربط فيها راسه����
مايحلق شعر راسه ولا وجهه رجع حالته حاله مثل قبل اخذه يخوف !!
صرت احاول معه واوريه صورنا ايام العرس
وانه شحلوه يهبل ومن هالكلام !!
صح هو مو مقصر علي في شي بس مقرفني موضوع الغنم هذا ،،
قال هذا حلالنا وزعل علي قال لو كل مارحت للغنم لابس ومتكشخ برجع وهي معتفسه
تعبت منه ورحت لاهلي وانا زعلانه منه وجلست اسبوع زعلانه جا للبيت وقال امشي معي ومالك الا الي يرضيك
رحت معه وماراح بي للبيت طلع فيني بر
الا وحاطلي شبك غنم وقال هذي لك رضاوتك وقعد يعلمني شغلته طبعا معطيني خمسين راس من الغنم بعد سبعه شهور الخمسين صارن حدود الثمانين ولدن بناتي الغنمات وبعت نصها ������������واستحليت الفلوس وجبت شغالتين وسواق وراعي كل فتره يودي الغنم للسوق ويبيع
زوجي كان مخصص لي الفين مصروف شهري الحين احلف ماخذ منه شي
الحين كل عطور باريس ماتسوى ريحة الغنم عند الفجر ����
ولا ارتاح الا لافيت شيلتي على راسي وحلبت بناتي الغنمات
وصرت تاااجره وابيع سمن واقط والخير وااجد
يا الله لك الحمد
الحين قاعده الح عليه يحط لنا خيمه في البر نسكن فيها ونصير الشيخ والشيخه ابي اقابل غنمي مابيها تفارق عيوني
وندمت في كل لحظه كنت ازعل فيها عشان الغنم
����������������
مسائكم ابتسامة