لا تذكرني بماضي ** يا سيدي جروحي طريه
نحنا افترقنا بالتراضي ** ما عاد لي فيني في الحب نيه
ولا عاد يجدي الاعتذار
يا سيدي صار اللي صار
ان كنت يا المزيون فاضي ** ارجوك لا تلعب عليه
ما لي امل في الحب يا ضي ** وما عدت انا اتحمل اسيه
ولا عدت لي جنة و لا نار
يا سيدي صار اللي صار
لو كان للعشاق قاضي **عليك انا برفع قضيه
وان جبت برهان اعتراضي **ما اظن بي تلقى خطيه
ولا اظن تتوصل قرار
يا سيدي صار اللي صار
مليت كم تزعل و اراضي **ما عشت انا عيشه هنيه
هديتني هم و غياظي ** و اليوم انا ارد الهدية
هذا كلامي باختصار
يا سيدي صار اللي صار
عبدالرحمن بن حاشر