[الــمُــنـــى]

[align=center][tabletext="width0%;background-color:black;borderpx inset silver;"][cell="filter:;"][align=center]

::::

ليه أنا ..؟؟!!
من بد خلق الله .. أنا ؟؟
وش جمعنا والمصير
بيني وبينك يصير
والكلام وما جرى
والمسافة ,,
والطريق ,,
وشيء .. يسلبني الكرى
هيه والمعنى صبي
والسنين وما تبي
والهوى ..
وأشياء من عمري وأنا
عودّ .. وأعياه الحبي ..
خالفه وقته ونام
في متاهات الغرام
لو يفيق .. الروح تذبل
لو يضيق .. الغم يقبـل
والعمر كله عنا
بس .. في لحظة وأنا
عايش بلحظة سراب
وباقي سنيني ضباب
سولفي .. وإلا بسولف
من سمح لليل يسري
من عطاه رداه بدري
جاوبيني .. ليه أنا ؟؟
وشلون .. مدري ..؟؟
جاوبيني
خلي الحيرة تسافر
عن حشى بالحيل طافر
قولي إني .. كنت أحبك
قولي إني .. كنت أودك
قولي إني ..
قولي إني ..
أي كلمة .. بس قولي
خلي الحيرة تسافر
وقتها ..
مدري ولكن ..
يمكن إني .. لك أسافر ..

للرائع .. عبدالله الضبعان



[/align][/cell][/tabletext][/align]