بسم الله الرحمن الرحيم
لي مده طويلهَ ما كتبت و اتمنى اكون وفقت
في هالقصيده
انا اللي ما هقيت انك تضيع / بالشقى وقتي
ترسم حلمي في اخر طموحك وسنين اطوف
احبك/بس ماتعشق حروفي /تعشقه صمتي
وتجبرني اعيشك حب ابكم فاللقا/.. مكفوف!!
ضجيجي اللي وسط ضلع الحنايا هد / اوردتي
و افيض من الوله حبٍ على سطر العتاب احروف
تغيب اشهور و الدنيا تضيق / تفيض محجرتي
و اطيح من الاسى قلبٍ على وقت اللقا ملهوف
غيابك موْت احساس المحبه قبل / مشنقتي
غيابك ما رحم صدق احتاجٍ ../ للملا مكشوف
تصدق لو اقول اني احاكي وجه منظرتي!!
بوجهٍ من كثر ضيق احتياجي صاحبي/مخطوف
تخيلتك خيالٍ , , عابرٍ و اعطيه اسألتي !!
وش اللي ماخذك عني!/تغلي او شوي اظروف
من اول هالشتا وانته غيابك داخلي / يْشتي!!
حرمت اضلاعي من حضنك ودفاني قميص الصوف
ادفيني عسى تدفا ضلوعي قبل../ {بعثرتي }
قبل تغريني الدنيا/اخونك لو تراك اتشوف
صبر كله صبر نشفت عروقي/ملني بختي
صبر حب و صبر وصلٍ اسلي هالصبر بطيوف
البآهيهَ
أَول طَرحَ