[نيفين عبدالله]

[ALIGN=CENTER][TABLETEXT="width:60%;background-color:black;"][CELL="filter:;"][ALIGN=center]




وكتب ساهر الطرف

..
..





ضايقٍ(ن) من حرّ همومي
مثل ماضاق الهواء
ف ضلع الرياض
ماصبرت
ادمعت ثم البست اجوائها ثوب الحداد ,
يالرياض
يالرياض


ماسألتي ليه غيمك جف ريقه
واختنق بين ضلعين السواد
ماسالتي ليه مامر بسلام
احتواك في عز نورك
لين ارتماك في ظلام

يكسر الشمس بغروب
ويبعثرك بلحظة هبوب
ومايروم
ومايروم

يروي ضلوعك بديم
ثم يهاجر وانتي عطشى .
مثل غيمي يكسر انوار اللقاء
وينبت بضلعي حنين
واتبعثر من اساي
وينتشي فيني حزن
من حنين وذكريات
واتعوذ من شيطان الهوى
في كل ليلة


ياعسى اغفى بسلام
ياعسى اغفى بسلام
واتمنى ليتني أظل انام
وما انام
وما انام

السهر واقف على اعتاب الجفون
والدموع تعانق اطراف العيون
خوفي دمعي بي يخون

كان غيمي يالرياض
وكنت طيره
كنت في قلبه اسير
كان يمطرني بخيره
حتــــــــى عشقتها للجنون
شوفي حالي يالرياض
اختنق فيني البياض
ضقت
وضاق فيني الفضا
وينها دروب اللقا
احترق غيض واثور
وصرت أتعب
في مدار الشوق ادور
في مدار الشوق ادور

كل فصوله احرقت فيني الشعور
الحنين والقسى
وانتظاري والبكا
يالرياض
ماسالتي ليه غيمك
جف ريقه واختنق
بين ضلعين السواد
شوفي مستوطن وريدك ,
كيف عنك ماسلى
رغم حبه وفي ضلوعك هو سكن


لكن في ذنوبه طغى
لكن في ذنوبه طغى
لكن في ذنوبه طغى



اظلمونا يالرياض
نشرّع ابواب المحبة
ونكون لهم سكنى ووطن
والمقابل
يخنقون فينا البياض
يخنقون فينا البياض
يخنقون فينا البياض


[/ALIGN]

[/CELL][/TABLETEXT][/ALIGN]