[الوردة الظامية]

-














تعبنا من سفرنا والمواني موحشه و أغراب ..
تهجّانا الوجيه بريبه ..
وتركل ملامحنا ..

ونغنّي نقطع أميال المسافه في أغانينا ..
ونغنّينا غناءٍ ما يسلينا ..
ونضحك في وجيه أمواج هالدنيا بليّا أحباب..
بليّا أصحاب ..
بليّا أقراب ..
بلا أي شي ..

ونستسقي مواجعنا شويّة آه ..
عشان نعيش زي الناس ..
ولو حتى بدون أحساس ..
مجرد آه تسعفنا ..
عشان نحس في نبض الحياة ونقتنع بأنّا من الأحياء ..
بلا أحباب
بلا أصحاب
ولا حتى أغاني تقدر تعيد العمر فينا ...


ونغنّينا ..
كذا نضحك على أنفسنا ..
نغنينا..
ونمشي في دروبٍ ما توصّلنا أمانينا ..
ونمشي في متاهات العمر تبكي ..

خطاوينا ..
خطى .. فينا

يمنينا
خُطى فينا ..
تمشينا...

ولا أحلى من كذا نحرق بقايا عمرنا فينا..

ولا أحلى من كذا نحرق بقايا عمرنا فينا

ولا أحلى من كذا نحرق بقايا عمرنا فينا



-