صباح الخير ..
وبما ان السجين يصفنا بالمهايطيين
وبما ان المنتدى مافيه الا انا ..
وطالع بدري من الدوام
حبيت احط كم سؤال ..
تتوقعي ليه طالع بدري من الدوام ؟
ايهم ادفاء .. دفاية القاز او الكهرباء .. وايهم اقل صرف في الاستهلاك ؟ وليه مافيه دفاية بانزين او ديزل ؟
العصفور له صوت .. يسمونه زقزقة العصافير .. ابي تكتبين صوته !!
ماهي الفروه ؟ ومتى نلبسها ؟ وكم سعرها ؟ وهل يختلف سعرها في الشتاء عن الصيف ؟
انا في الاستراحه الآن وفيه فاره غاثتني من اليوم ابغى تسوين لي مخطط حتى اقتل هذه الفاره ؟
وليه سميت فاره ؟
الحين اصابع اليد نكتب فيها .. ونمسك فيها الاشياء .. ونؤشر فيه .. واحيان نجعلها تشاركنا في الحديث .. طيب وش فايدة اصابع الارجل ؟
احيان وحنا جالسين نسمع قرقرة البطن يعني صوت البطن .. فهل البطن يتكلم ؟ ولماذا يقرقر ؟
ابغى شرح وتعريف للكلمات التاليه ..
* عوباء
* رفلا
* متنح
* رضمه
* شفايه
الحين انا اذا دخلت المنتدى لازم اروح لصفحة المتواجدين الآن .. فما هو السبب الذي يجعل الكثير يهوون التواجد في هذه الصفحه ؟
لو تم انقلاب في المنتدى .. وتم اختيارك مديرة المنتدى والمنتدى صار مثل الشركه .. من يكون نائبك ؟ ومن هو اللي يستقبل المكالمات التي تصلك اللي هو سكرتيرك .ز ومن هو اللي اذا جيتي يشيل شنطتك ويمشي قدامك يفتح لك الباب ؟
وخالد العبدالله وماريا و مريم وش تكون مناصبهم بالشركه ؟
ليه سمي ابن بطوطه بـ إبن بطوطه ؟ ليه ماسمي ابن سفونه نسبه للسفينه ؟
مالحكمه من انهم اختاروا اللون الاسود للزفلت ؟ ليه ماخلوه ازرق او احمر او اصفر ؟
ليه عيون البعير ماتولع مثل باقي الحيوانات بالليل ؟
ماهو الشي الرئيسي اللي دايم معك ؟ وهل تحبين الاكل ؟
كم عدد اعواد الكبريت ؟ وليه يكتبون عليه قديمك نديمك ؟
ماذا تعرفين عن حسن كراني ؟
ماهو فريقك اللي تشجعينه او تميلين معه ؟ ولماذا ؟ وماهو ترتيبه في الدوري ؟
كم فاتورة كهرباء بيتكم الشهر هذا ؟
هل انتي من المستفيدين من حافز ؟ واذا الاجابه بلا .. لماذا ؟
وانا اكتب هالحين جاني شد عضلي برقبتي .. ماهو العلاج ؟ ولماذا جاني الشد ؟ وبما تنصحيني ؟
الحين بروح للبيت .. وش تتوقعي بسوي اذا جيت البيت ؟
تتوقعين انتهت اسئلتي او لا ؟
مارأيك بأسئلتي هل هي حلوه او من جنبها ؟
هل ترغبين بمزيد من الاسئله ؟
بودي ان تقيمي اسئلتي البيزنطيه تقييم دقيق وبالنسبه المئويه
( تمت الاسئله
بالتوفيق للجميع )
وش يذكرك به هالكلام اللي بين الاقواس ؟
بعض المعلمين والمعلمات يجيب اسئله صعبه وبالاخير يقول بالتوفيق للجميع وش الحكمه ؟
وهذا مالدي الان