[مــنــــــآل]

المشاركة الأصلية كتبت بواسطة صمت المشاعر

ديوانيه وحركات حسيت نفسي من عصر قريش منذو مبطي عن المنتدي
قريت في احد الردود انو عادي الواحد يسولف مع نفسه
ف قررت اقولكم وش يدور في مخيلتي الان
الساعه 5 : 5 م بتوقيت لاب توبي العزيز
وابو الشباب نايم وانا جالسه من الظهر اتصفح الانترنت وما صلحت قهوه ولا حلا ولا شئ
وزدت الطين بله معاها غدا ما بوه يعني اليوم ما سويت شئ
تهقون تهقون ابو الشباب بيزعل يا ناااس ما اعرف لمزاجه احسه يحب الطبخ كثير وانا
ما اعرف اطبخ كثير يعني حاجات تمشي الحال على قدي مره سويت له مندى بقدر الضغط
ضحك علي ومره سويت له معكرونه بالجبنه قال ما تنكل ومره سويت له كفته واكلها حمدلله
عاد تعرفون السعوديين ما يكيف راسه الا الرز وهذا الشئ انا وياه مو اصحاب اذا سويته يقول
انتى متأكده رز والا جريش
ياربي يا حلو امي كانت تطبخ وانا كانت لى مهمه الاكل
تدرون بناااات اكتشفت انو الزواج مسؤليه يومااااااه تعبت
الحين اعود لمحور الحديث ياربي وش اسوي حلا
اتصل ع البقاله واجيب والا اروح المطبخ واصير بنت سنعه واطبخ
والا وش اسوى بعمري
والا اسحب عليه واروح عن بيت خوالى والا انام
الظاهر ان الثانيه هي اللى بتصير
ياربي
يلا تمسو على خير

اممممممممممممممممممممممممممم

طيب انا بسوي حالي فوزية الدريع ..

شوفي ياعيوني ..
قولي له تقول لك منــــال ..
لا تقعد تصجنـا الله يعافيك .. تبي حلا هالحين أجيب لك خبز وشكولاته سائلة
وادهن لك الخبزة فيها ويتحلا ريقك فيها ..
لاتقعد تنفش ريشك علينــــا ..
قولي له ياصمت .. لاتحسب أني فاضية لك ولاعندي شغلـة إلا أنت وطلباتك اللي ماتخلص
أنا بعد عندي مسؤولية منتديات وديوانيات تنتظرني وطق حنك وسوالف
ماني فاضية لك ولخرابيطك ومطبخك ..

وربي هالزواج ماله داعي استغفر الله
وجعت راس على الفاضي ..
اخ بس لو يرجع الزمن لوراء
وربي ما اعرس لو يقطعووووني ما اعرس