ليش لما بقعد مع غيرك بصير بحكي شي بيضحك وبسب ع ناس كتير وبحكي بالمسرح والشعر والسينما، بس معك بحس أنو ما عم أقدر أحكي عن كل هـ الأشياء، بحس حالي قاعد مع حالي وساعتها إذا حكيت بحكي عن شي كئيب، إذا ما حكيت بتقري على وجهي الحزن والكآبة، أنا هيك بكون مع حالي، وأنتِ ما بحسك غير حالي . بتعرفي؟!
وقت اللي بكون قاعد مع الناس وعم أضحك وأحكي وفجأة بتدخلي أنتِ، بكتئب . . بحس أنو في حدا بيعرفني منيح، بيعرف حقيقتي، مشان هيك بكتئب . . بخاف أطلع قدامه كذاب.