حائطي
سجل دخولك او إضغط هنا للتسجيل
[ALIGN=CENTER][TABLETEXT="width0%;"][CELL="filter:;"][ALIGN=center] طبعاً الحديث هنا لو بأفتح له مجال يبيلنا حلقات اضافية علشان كذا انا اوعدكم اني اخصص له حلقات خاصة لأني بتكلم عن اجمل لحظات الأنتظار بعد اللي قلته لكم في الأعلى حلقات الكرتون وما ادراك ماالكرتون الرسوم المتحركة طبعاً يوم يخلص المذيع يطل علينا المذيع بأحلى اعلان وهو بدء الرسوم المتحركه الي تجلس تشوفها ساعه او ساعتين مو اكثر ,, مره في الصباح ومره العصر مو مثل الحين طوووووووووول اليوم وافلام كرتون سامجة واشكال تجيب الغثا مالكم بالطويلة .. كنا نجلس على الرسوم ونتابع بشغف وكل واحد يسنتر في مكان والمركي تحت راسة والرجل فوق الرجل والفنيلة الشباحي الي نص البطن من شدة التركيز ويطل علينا اخيراً بطل الجماهير جريندايز .. دوق فليد .. ورزتة المزدوجة اللي يقطع بها الأعداء انا بصراحة اكثر شي كنت انتظر هيكارو .. صديقتي ياحليلها وش حلاتها وعقبها يجي كرتون ابو خشيم هو وسيارته اللي مثل الدتسن حق جدي الله يرحمة زمان كان كل شي له وقت محدد يجي البرنامج وانت مشتاق له ويروح وانت مازلت مشتاق ,, كان التلفزيون عباره عن سله فواكه تقدم كل ماهو متنوع والاهم انها تقدمه بسمه معينه وهي الرقّي زمان كان يفتح التلفزيون الصباح ويسكر في الليل .. كان جهاز محترم وجنتل ,, مو مثل تلفزيون هالوقت الي يبث كل شي في الليل والنهار كنه ابليس لاينام ولايخلي الناس تنام طبعا التلفزيون القديم كنا نسميه ( الي يطقطق ) نظرا لصوته المزعج اثناء تغيير القنوات ( هذا وهي قانتينو مزعجنا تخيلوا عاد لو انه 8000 قناه مثل هالايام ) وماكان له ريموت كنترول , ويالله كل شوي يارايحين ياراجعين تغيير في هالقنوات ( من كثرهم عاد كلها قناتين ) وكان مصدر بث هالقنوات الارضيه هو جهاز رشيق طويل عريض المنكبين يرتز رافعا هامته في سطوح خلق الله ويقف في وجه الرياح والبرد والامطار ويتحدى حراره شمسنا المشاكسه بكل ثقه , وهو ذو ساق حديده واحده وغالبا يكون لونه [ سيلفر] او اورنج <-- ياعقلي ياورنج وله مهمه انسانيه ونبيله اخرى وهي انه مدرج للحمام الذين يصطفون على اكتافه يصطفون وكأنهم يتفرجون على احدى مباريات دوري زين الممتع << ايه هين خخخخخخخخ كأني شايفة قدامي الحين وانا اترصد لها بالنبيطة من ورا الخزان المشكلة ان عمري ماصدت ولا واحده بالنبطة مالكم بالطويلة هذا الجهاز يسمى الارياال او الانتل الي هو .. هالجهاز مرتبط بسلك ينزل من اعلى السطوح الى ان يدخل من نافذه احدى الغرف وهذا السلك يرتبط بجهاز مربع صغير فيه حلقه تدور وكأنها بوصله ( حتى هي صوتها مزعج ).. وهذا الجهاز يخرج منه سلك للتلفزيون ولما نغير اتجاه هالبوصله تبدأ القنوات تصير صافيه شوي شوي ويبدأ التشويش يقل عن القناه الي نبيها <-- ياليل مطولك اذكر يوم كنا نوزنه لازم نكون ثلاث اشخاص واحد فوق على السطح واحد عند الطاقة اللي ينزل من عندها السلك وواحد عند التلفزيون وخذ عاد ((( .. خلاص خلاص .. ارجع يمين .. شوي يسار .. فوق فوق .. لا لا راحت مرة .. ايووووووه اثبت على كذا ..))) وياشين لا جات هبة ريح صغيرة وانت تطالع احد البرامج المهمة احيانا كنا نحط معلاق الملابس في فتحه التلفزيون بدل الانتل حق التلفزيون الي غالبا يكون مكسور ويافرحتنا لما تصفى القنوات حقة الدول المجاورة مثل اليمن ومصر والصومال .. اما من ناحيه غصب واحد هين هذي طالعه طالعه من فوق خشمك [/ALIGN][/CELL][/TABLETEXT][/ALIGN]