[شادي الثريا]

المشاركة الأصلية كتبت بواسطة الوردة الظامية

السلام عليكم ورحمة الله
وعليكم السلام ورحمة الله وبركاته

طبعاً واجب الضيافة ماقصرت فيه المنى الله يعطيها العافية يعني ماعلي غير
إني امارس طقوس البيزنطة فبسم الله نبدأ
فيها الخير والله وما قصرت اللي من دخلت السجن وهى تزورني كل يوم مو مثل بعض الناس
1 - ليش العروق اللي فاجسامنا لونها أخضر أو موف مع إن الدم أحمر
ليش لونها مو أحمر ؟
طيب وش لون عروق اللي بشرتهم سمراء
2- الحمار الوحشي هل هو أسود مخطط بأبيض ولا أبيض مخطط بأسود ؟
سلطان ولدي يقول لأنة يشجع فريق الشباب
3- دولة المغرب تتوقع سموها المغرب ليش ؟
الجواب الصحيح لأن المسلمين اللي افتتحوها كانوا يعتقدون بأن الشمس تشرق من عندهم وتغرب من ارض المغرب وهذا السبب الحقيقي في تسميتها المغرب

وهل عندهم فجر ؟
على بالك ان الفجر مايجي الا عندكم في ينبع
4- ليش أغلب الرسامين يتفلسفون على الفاضي يعني يوم يجي يشرح لوحته تحس انه يقول كلام هو أساساً مو فاهمه
يعني خرطط مرطط طقها والحقها كذا قصدك ..؟؟
هكذا هم الفانين الأشخاص العادين لا يدركونهم << ياروحي يافنان

5- عبر عن الأعضاء التاليه ببيت شعر -مو شرط كتابتك -
1- حسين الشمري
راعي الوقفات والكرم والطيب
......... وحاتم الطي وفزعات بني شمر ...؟؟

2- نايف الشمري
أن قلت احبك فأنا بالحيل اغليك
...... .....وان قلت أغليك فأنا تجنيت على حبك
3-غاده
غاده ياغاده يامال الركاده
.......... وجودك بيننا مطلب وعاده
ياعل ايامك فرح وسعاده
......... تدمح الزعل وتطوي النكاده
4- المنى

هذي يبيلها قصيده بلحالها لكن اقول
قدرُ الأخوة فيكِ لا يعلى عليه وإن بعدتِِ
.................. فمكانكِ بين الحنايا والشغاف فأنتِ أختي
أدعو الإلهَ يصونكِ أنىّ رحلتِ أو أقمتِ
.................ويقيمُ فيكِ مراكبي أنْ هاج بحركِ أو سكنتِِ

5- الوجيه
أصحاب الرجوله ماهم اصحاب غي أحباب
........... لهم رفقة بحروف الأمجاد مكتوبه

6- الوردة الظامية

لا حشا في ذمتي ماهي بظاميه
............. يزهر شذاها في كل وقت وكل حين

7 - توته
لا طريتك افتخر والله بطاريك
.............. لا هان اللي على الطيب رباك

8- نمط سهل
لو ضاقت الدنيا على راعي الطيب
.............. يبقى شذى طيبه على الناس طايب

9- خالد العبدالله
الجود شيخ تملكة عدة اطراف
............... بس المراجل حالفه انك ولدها

10- شادي الثريا .
انا اللي حربي سلام وسلامي غصن زيتون
....................صدري وسيع اضم باغية كني وطن
11- جزل المعاني
سلام ياعريب جهنة والعرب عزها فيك
...................يامالك زمان المراجل بتلة يمينك


5- أمنية يتمنى الشادي تحقيقها ولم تتحقق ؟
تمنيت اني ماأفقد نصفي الثاني
وليش ماتحققت ووش السبب اللي ماحقهها ؟
اقدار مكتوبه
6- لو رأيت أحد ابنائك- الله يحفظهم- يدخن وأنت طبعاً مدخن كيف تنصحه وأنت مثله ؟
باخذه على المستشفي وأوريه الأشعه الخاصة برأتي وأوريه ان التدخين بلا وأبتلينا فيه عن جهل وقلة معرفة
7- طبع في الشادي حاول تغييره وماقدر للحين ..
طيبتي الزايده
8- كلمة قالها شادي وندم على قولها
الحمد لله عمري ماندمت على شي قلته او سويته

9- لو ظلمك شخص وظن فيك ظن سيء وأنت بريء هل تحاول اقناعه أم تسكت وتترك الأيام تبرهن صدقك ؟
وما ضير السماء أن نبحت الكلاب ..؟؟
تبقى السماء سماءٌ والكلاب كلاب ..!!
10- الباب اللي يجيك منه الريح سده واستريح مامدى صحة هالمثل في حياة الشادي مدعماً اجابتك بمثال واقعي ..>>لغه عربيه
اكيد بسده وأستريح ..

بس عاد أنا مااحب ازيد على العشره ولي عوده إن كتب الله في العمر بقيه
لكل العابرين ..

حياك الله في اي وقت ياأم طحيمر ومشكورة على التميس