[شادي الثريا]

المشاركة الأصلية كتبت بواسطة إحساس صادق

مرحبا

عاد ((البو)) تاخرت واجد يأستاذي

الذاكرة حافلة بالذكريات طبعا لكن هذي القصة قررت تكون الاولى


كنت في الصف الخامس لابتدائي وكنت سهرانه وتعبانه

وش اللي مسهرك الي ذاك الوقت وانتي في خامس ابتدائي

قومتنا أمي أنا وأخواني نصلي ونتيسر على مدارسنا

كنت تعبانه مره ومافيني حيل أروح المدرسة

طبعاً .. النوم سلطان والسهر شين

فكرت كيف أكمل نومي واسحب على أم الدوام ما لقيت غير الدولاب قدامي

هههههههههه دولاب

كان عندنا دولاب أبوابه سحابة كبير دخلت داخلة وسكرته وهاتك يا نوم <<<< احس اني فار

ولا عندها في احد والنوم مسيطر على كل خلايا التفكير

بعد ساعتين من النوم المتواصل قمت على كف جامد

خلاني أوقف من حرارته كان شكلي كذا وقتها)) شفت أمي وأبوي وعيونه مولعة شرار

هههههههههههههههههههههههه
زين اللي جات على كذا كف يفوت ولا حد يموت

طلعت من الدولاب الساعة كانت ثمانية يعني راح على الدوام

والشيء الغريب كل أخواني موجودين

بصراحة استغربت وش السالفة ليش الكل غايب

هههههههههههههههه.. طبعاً ماعليك شرهه العرب يدورون عليك
وانتي في احلى نومه اتخيل اشكالهم وهم متجمعين حولك يوم الوالد لخك كف خلاك تصحصحين

قال ايش قال وش وش السالفه

اتاريهم الله يحفظهم مستنفرين يدورون علي يحسبوني انخطفت ولا شيء

اللي يدور علي في البقالة واللي في السطح واللي في الحوش

وأنا في سبات عميق وصار ذاك اليوم إجازة رسمية من عندي للكل

الله يجزاك الخير كسبت فيهم اجر

وعلى هذي الحركة أخذت لي عقاب محترم انحرمت من الطلعة الخميس والجمعة ورحت المدرسة بدون مصروف يومين استاهل والله

وسلامتكم

الله يسلمك

صدقاً لم اضحك منذ زمن كما ضحكت هذا اليوم جميله هي البراءة عندما تتحكم بالأنسان
هذا جل ماأردته من خلال طرح هذا الموضوع .. الأستذكار لتلك الأحداث هو وحده من يجعل
من الذكريات واحه تزرع الأبتسام على شفاهنا

أحساس صادق

انرت صفحة الهرطقات بهرطقة كانت هي الأجمل هذا الصباح