[الوردة الظامية]

المشاركة الأصلية كتبت بواسطة حسين الشمري

لفيت بالمنتدى وخذيت جوله ورجعت لك
وقبل ما أسألك ودي توضحين لماريا وش معنى خوش ؟؟
خش يعني ادخل بس أنت حطيت واو مدري ليش

وهذي اسئلتي على الطاير

لو طلب منك تعبير بكلمات قليله عن حياتك إلى الآن وش راح تقولين ؟
أنا حياتي مالها إلا لون واحد واجهله ** خليط من لون الهواء والنار والماء والسراب

الصديق وقت الضيق هل تؤمنين بهذه المقوله ، وهل جربتيها ؟؟
أكيد
وجربتها كثير مع صديقتي ورفيقة دربي

هل تعتقدين أن حظك سيئ؟
أحياناً

هل هزمك حزنك في يوم من الأيام؟وكم كانت النتيجه ؟؟
هزمني كثييييييير والنتيجة كم دمعه

(( اللي راح راح وماتفيد كلمة ياريت ))
إذا أردت أن توجهي هذه العباره لنفسك, فماذا تقصدين بها ؟
أقصد بها أيام الطفولة

متى اخر مره بكيت؟وعلى طاري البكاء سمعت مره أحدهم يقول
دموع حاره ، يعني فيه دموع حاره وبارده ؟؟ شلون فهميني ؟؟
آخرها البارح
دموع حاره فالنهار من الشمس بس البارده يوم تكون قدام المكيف

اذا تم تعيينك ملكه لجميع البلاد العربيه فما اول قرار ستتخذينه ؟
اقدم استقالتي

هل تكرهين شخص بشده في حياتك ؟
لا لا والله وعسى مايجي هالاحساس أبد


ما هو اقتراحك الذي تتمنى ان يحدث في هذا المنتدى ولم يحدث الى الآن ؟
اقترح تعطون شادي وسام الخنبقة >> والله مااعرف معناها

هل تؤيدين قول كل ما يعجبك وإلبس ما يعجب الناس ؟؟مع ذكر السبب ؟؟
لا لأني البس اللي يعجبني وماعلي فأحد حتى أختي

يقولون ما بعد العداوه إلاّ الصداقه ، كثير ما نمر بمواقف تنطبق على هالكلام
مريتي بالمنتدى بموقف ينطبق عليه هالكلام ووش لون ومع منو ؟؟
المنتدى لا فالحياة ايه بس مو عداوه لا مشكله

عاده تفعلينها دائما وتتمنين أن تتركيها ؟
كتابة الشعر وإن شاء الله أتركها

ماهو أجمل اسم لولد واجمل اسم لبنت عندك ؟؟
ولد مهاب بنت وريف
ووش رايك باللي يسمي
إسم ولده على إسم أبوه أو أمه ؟؟
يقهرني إذا الاسم مو حلو ولا اخوانه اللي قبله اسمائهم حلوه وآخر واحد يروح فيها
وخاصة لو كان أبوه يستاهل أو أمه ؟؟
مو مسألة يستاهل بس فيه اسماء شينه وش ذنب الورع
حتى لو الإسم
يعني ما عليه زوين لاهو زين ولا شين يعني عادي ، بس عشان أبوه سماه أو أمه؟؟
على عيني بس اسم زين
ولا الولد وش دخله فيه وفي أبوه أو أمه هههههههه؟؟اتحداك تعرفين وش ضحكني بهالسؤال ؟؟
أحس إنه أنت اللي تبي تسمي على اسم أبوك

ماذا تفعلين أول شيء إذا ربحت مليون ؟؟
اشتري سياره

هل أنت ممن لديهم رغبة حب التملك وإذا تملكت الشيء أصابك الملل منه ؟
بس فالملابس

اعتذار من هنا لمن تريد الوردة أن تقدمه بالمنتدى؟وخارجه ؟
فالمنتدى بصراحه اعتذر لنايف الشمري لأني أحس إني مصختها فردودي عليه وأنا صراحه احترمه>>> ولا أنت وشادي تستاهلون

طيب وش تقولين لأخوك خالد بيت شعر ؟؟
خالد اللي لاطلبته قال جاك *** وش تبي مني ترى كلي فداك

وللوالده ؟؟
يمه عسى ربي يحفظك ويبقيك ** ويجعل حياتك دايم الدوم طاعه

ولقطرات ؟؟
قطرات أهل الشعر والآداب ** فيها الجميع أحبه وصحاب


هل هناك شخص لا ترفضين له طلباً ؟؟
بعد أمي بنت اخوي ايلاف

من هو العضو اللي تعتقدين إنه محبوب بين الأعضاء ؟
خالد العبدالله



على حسب المزاج ، ربما سأعود ، تحيتي لك .

الله مير يحيييك