[شادي الثريا]

المشاركة الأصلية كتبت بواسطة رونــــق

كان في بيتنا جدي ابو ابوي الله يرحمهم هو وياه

وكان يجي يزورنا جدي ابو امي ايضا الله يرحمه وياهم
وكنت احب أجلس معهم واشب بينهم الفتنة ..
كنت أتعمد أجيب طاري العرس لجدي ابو أمي
وأقول له ليه ماتعرس .. كان يرد يقول لي على يدك الله عرسيني وشوفي بنت الحلال
قلت هي موجودة وجاهزة تنتظر بس سعيد الحظ يتقدم لها
يرد جدي ابو ابوي يقول حتى انا وياه .. اقول له انت اسكت الله يخليك
شايب تعبان ومريض وعاطل عن العمل وحالتك حاله ماتصلح ومؤهلاتك ماتأهلك للعرس
كان ينقهر يقول عادي اتعالج واشوف لي وظيفة ..
قلت لا العروس مستعجله ماعندها وقت
ومن يومها صار مايطيقني ويسميني ( العوبــــا) يعني ام لسان طويل
وكبرت وتزوجت وجبت عيال وهو كل شوي يسألني هاه بتعرسيني ؟؟
اقول له مالك أمـــل بالعرس .. يرد يقول عوبا مامنها رجـــــا أبـــد
عاد كان على فراش الموت ياعمري ..وكان ولدي صغير يلعب بغرفته
يقوله ابوي اجلس عاقل على شان العصر اوديك البقالة
ويجلس ولدي دقيقة ويجي يسأل ابوي .. ( أنـــا عاقل صح ..؟)
يرد جدي عليه يقول منين يجيك العقل والخبلة العوبا امك
هههههههههههههههههههههههههههههه

رحمة الله عليهم وربي يجمعنا معهك في جنات النعيم

ههههههههههههههههههه
وهو صادق الله برحمة ويرحم موتانا وموتى المسلمين
يعني ماجيتي تلعبين علية الا في ذا الوتر الحساس
ما علية شرهه ذا الشايب يوم انه يقول عنك الــــــعوبا هههههههههههه

يالله لا تبلانا بشر الحريم تلاقطو الشيبان بسبتها ونقزت بلوفهم وهي تهذري لهم بالزواج

::

ام سمير

ربي يسعدك دنيا واخرة ويفرح قلبك بعيالك
وتشوفين عيال عيالك وينقزون بلوفك مثل ماسويتي في ذا الشيبان