[مــنــــــآل]

المشاركة الأصلية كتبت بواسطة الوردة الظامية

والله ماعندي سالفة بس طرت علي حكاية من وأنا عمري 5 سنين للحين شايلتها فقلبي


ومالقيت غير هالهرطقة والحكاية إني من يوم أنا صغيرة والكل يعرف إني بنت أبوها


الله يرحمه أبوي ماكان يروح مكان إلا يأخذني ومره كان فيه زواج فالديرة وطبعاً كنت أنا


مااعرف مكان الحريم غير لانزلنا أمي الله يحفظها ولاجينا تالي الليل نأخذها وباقي

الزواج مع أبويولا أتحرك من عنده لو وش مايصير حتى أحيان أخليه يتربع وأنام على

رجله بوسط الناس وأصحى فبيتنا


اللي حصل إن فيه ورع الله لايعيد شره ناداني برا الخيمة يبينا نلعب فـ ( اطناب الخيمة )


وطلعت معه ولعبت ويوم رجعت إلا يقابلني خال أبوي -الله يرحمه - وهو وقتها شايب

كبير شوي ويمسكني ويقول أنتي ليش ماتروحين عند أمك ؟ وأنا أقوله وأنا ماجيت عندك

جيت عند أبوي وش دخلك ؟ >>> طبعاً ماخلصت كلمتي غير الكف واصل خدي


وعناد مابكيت سويت نفسي ماتعورت وأنا الكف دوخني بس رجعت عند أبوي وشاف

إني زعلانه وسألني وسكتت ونمت ويوم صحيت الصبح علمته - الله يرحمه - واعجبه

ردي وقال ماعليك منه عاد أنا كبر رأسي ودارت السنين ونقلنا لينبع وجات معاي فنفس

المدرسة حفيدة ذاك الشايب وأنا طبعاً للحين شايله الحقد فقلبي برغم السنين اللي مرت


والله وأنا أجيها وأقولها صح جدك فلان ؟


وهي تقول إيه >> عباطه ادري بس أبي مدخل


وأنا أضربها وأقولها ليش جدك يضربني فالزواج وقدام الرجال والله ويوم رجعت البيت

لقيت الشكوى قدامي بس الحمد لله أخذت حقي ..


وهذا اللي طرى علي مدري وش جاب هالسالفة بس مشي حالكم ..

ههههههههههههههههههههه
أعجبني هالشايب يوم لخك بكف
وأعجبتيني يوم قلتي له وش دخلك ولابكيتي
صدق والله شدخله الله يرحمه جاي يناشب بزر ليه جايه وليه ماتروحين عند امك
ياويلي الورد حقدت على الرجال وهو ميت أستغفر الله
الله يرحمه ويرحم ابوك وأبوي وكل موتى المسلمين
بس لا عاد يتعودها ..