[الوردة الظامية]

المشاركة الأصلية كتبت بواسطة حسين الشمري

عاشوا البيزنطيين ، إجرام على أصوله
بدون رحمه إستمروا عشان تعرف الورده
تتحدى البيزنطيين ، قلت لك بدى الشغل
وكانت الإجازه مساعدتك ، المهم في سؤال
بيزنطي خطير حق السعابيل ههههههههه
ومازلت اتحدى


طيب الورده الكوره الأرضيه تدور حول نفسها صح ، فيه واحد
من الشيبان عقدنا يقول كلامكم خرطي وما عندكم سالفه يقول شلون
تدور وأنا أنام بغرفتي وأقعد بغرفتي لو تدور ليه لا نمت بالغرفه
ما أقعد عند شبك الغنم اللي بجنب بيتهم يقصد ؟؟ نبي إجابه واضحه
وشافيه ومقنعه ؟؟
ياخيي أنت قلت الكورة تدور يعني البيت يدور معها كيف يبي ينقز الغرفة الثانيه ؟ولا عند الشباك ؟
وهالشايب صاحبنا مره تلقفت وكان فيه عج وكانوا يشتكون من العج
وزعلانيين فقلت يالربع العج له فوائد كثير مثل نقل اللقاح بين النباتات
والأمراض بالعج ... وماكملت السالفه إلاّ هالشايب يقاطعني ويقول
وينوووو ووين الفايده وناقد علي ، فسكت ؟؟>>>> ليتني شفت وجهك وقتها
الورده وش السوات معه
ووش لون نقنع هالشايب بهالأمور مثل اللي ذكرة من دوران الكوره
الأرضيه وفوائد الغبار ؟؟ قوله فوايد الغبار يجيب العطاس والعطاس جراثيم تطلع من الجسم بس>>أسأل مجرب
طيب الورده على طاري الشيبان كبار السن ، لو وحده من العجز
وأنتي تسولفين وفيه ناس واجد فشلتك وش تسوين لها وشلون تتصرفين
وترقعين السالفه ؟؟ والله ماعمري قعدت مع عجايز لأن جداتي الله يرحمهن بس لو قعدت بكلمهم على قد عقولهم مثلك ودوران الكوره

بعدين قصتك مو حلوه حقت الورده اللي قلتيها لي أبي قصه حلوه قبل
النوم حقت صغار ، آمل أن تكتبي لي قصه على ذوقك ؟؟
والله أنا شايفتها حلوة مو ذنبي إنها ماعجبتك

وعلى طاري القصص ، ما هي أصغر قصه مرة عليك ؟؟
قصة البوي >> يعني البنت تقص شعرها طول شعر الولد

وعلى طاري القصر ، قولي لي ثلاث نكت ؟؟ نبي نكت مو تجاوبين
خازي بازي على قولة شادي ؟؟
1طيب فيه 2محششين راحوا لمحطة القطار يوم وصلوا القطار حرك وصاروا يجرون وراه واحد لحقه وتعلق والثاني لا وقف وقام يضحك .. ليش ؟
يقول هذاك خويي اللي جاي يودعني ..
2 غبي شاف 2 توأم قال ماتمشي علي حركات الفوتوشوب
3 غبي يعاكس غبيه على الجوال غيرت رقمها ارسلت له غيرت الشريحه ياحقير
رد عليها والله لا اجيب رقمك لو من تحت الأرض
خلاص ترى والله مااحب اقول نكت بس الله يسامحك

ووشو خازي بازي ، وما مرادف هالجمله عندكم ؟؟

خرط مرط