[هيــام]

.
.
موضوع جميل جدًا صراحة
عمري ما فكرت أقتني حيوان أليف بالرغم من حبي الشديد لهم
بس خلص بحب لهم الحرية
أخص بالذكر الـِ ( قطط / الأرانب ! )
ما تصدقي لو أحكي أني أعشقهم لدرجة لا توصف
وربيت قطة و أرانب كتييييير
بصراحة زوجي عندو هوس بشي أسمو حيوانات أليفة
والله ما خلى شي يعتب عليه إلا و جابلي إياه بالمنزل
ومن طريقة حبو لها و تربيتو لها عجبني و انتقلت العدوى إليّ
الآن بالمنزل عندي سمك يلي بخطر ع بالك و يلي ما بخطر
كمان ربينا أرانب و قطط و عصافير الكناري
و خيل يوم كنت بغزة و حمام
والله قبل شهر تقريبًا اتفاجأت بزوجي و يمكن تحكي كذب
بس وربي حصل جاب معه قارورة و فيه شي بتحرك
طبعًا أنا ما انتبهت ع شو فيها و لا كان بديّ أنتبه
بعرفو بحب المغامرات و هالشغلات
لكن الطامة الكبرى يوم قرب نحوي وحكالي هيام شوفي شو جبت
أنفجعت يوم شفت وربي ثعبان يمكن نصف متر طولو
و عم بيهز فيه و بيضحك و أنا هاتيلك صراخ و حالة
يعني يربي بس ما يجيبلي نكبة للبيت
ما هديت إلا يوم حلفتو بالله يطلعو من البيت صارت معي حساسية
و المسلسل لا يتوقف و المغامرات لا تتوقف
آسفة على الأطالة بس عجبني الموضوع والله
الحين في مخطط ببالو يجيب غزال بشوف ألو يومين مستلمني
ربنا يستر من أفكارو الجايه
تسلمي يا رونق