[الوردة الظامية]

المشاركة الأصلية كتبت بواسطة حسين الشمري

هالمره بخش دغري بدون مقدمات لأن شكلك مستعجله
لا مو مستعجله ماوراي شيء
الظاهر الأشغال الشاقه اللي عليك صعبه ، مبين عليك التعب ..
مدري من اللي تعب ويحسبني مثله

ياسر ولد نايف كثير قرقره بإعتقادك ما السبب في كثرة سوالف الوغدان (الأطفال)
وما شاء الله عليهم ما يتعبون على طول صجه ولجه ، وش السبب ؟؟
الله لايلومه ياسر أكيد أبوه كابت عليه خله يعبر عن اللي فنفسه ويأخذ راحته والأكيد إنه جايب كثر الهذره بالوراثة منك
طيب عند بزوغ شمس صباح يوم السبت القادم ، وما بعد البزوغ طلوع الصبح ، وش أول حصه
عندك الأولى ولا الثانيه أو .... ؟؟
ماعندي حصص بس هالوقت أكيد بكون أفطر مع أمي
وكيف تستقبلين أول يوم دراسي وخاصة أن المدارس تخلوا من الطلاب ؟؟
دا كان زمااااان
وهل ستغيبين مثلي أول يوم ؟؟ ولا حاشرينكم ؟؟ وعلى طاري الحشر والله من التعقيد عندكم يالحريم ليه ؟؟
لا بغيب كل السنه وبالنسبة للحشرة والله صح الحريم معقدات بس اللي في رأسي اسويه والله
وبعد العودة من العمل كل يوم ودخولك للبيت وش تسوين بعد ما تضربين بالكبسه ؟؟
كنت أنام لأني غالباً أكون مواصله
وهل تكونين بعد ذلك مستعده للنقاش بأي موضوع ؟؟ وكيف تكون حالتك النفسيه والفسيولوجيه حينذاك ؟؟
لا عادي رايقه بالذات السوالف عن مغامراتي مع المديره

وعلى طاري الطلاب والمدرسه وبما انك دايم تصححين لي بخصوص الضاء والظاء وكثيراً ما إستفدت منك بودي أن أستفيد منك أكثر وخاصة بالإعراب فهناك بعض الجمل التي أود أن تعرفيها لي تعريفاً صحيحاً :
لا والله غسلت يدي منك وشلون اعراب وأبيك تعرفينها ؟؟
انّ الطفلُ كَريم يعني يعطيني حلاوه من حلاوته
لازال الطالبُ يُذاكر دُروسه ليتك تذاكر وتعرف الفرق بين الظاء والضااااااد
إذَا جاءَ أخوكَ فأكرِمْهُ اي والله اكرمته وسويت الغداء اليوم
مَنْ يعملْ خيراُ يُجْزَ بهِ سو خير وفكنا من اسئلتك

طيب الحين نبي حل وأجوبه مقنعه لهالكم سؤال :
الحين الصمغ (الشمع ) مادة لاصقه طيب ليش ما يلصق بالعلبه اللي هو فيها ؟؟
ماعمري دخلت وشفت بس اشوفه من برا
فيه سؤال مر علي بس مدري وين عن الطياريين اليابانيين الإنتحاريين في الحرب العالميه
يقولك ليش يلبسون الطيارين وهم إنتحاريين خوذه راس ؟؟
عشان يعرفونهم من بعض بعدين


والآن إكملي الفراغات التاليه :
أطول قمة في العالم هي قمة .... افرست
أطول قمه في المملكه تقع على جبل ..... عندنا جبل رضوى
أطول رجل بالمنتدى .... خالد أخووووي ماشاء الله
يبلغ وزن الوجيه جائعاً ..67ووزنه وهو شبعان .......69
توته يا بعدي .... وخلصت الحتوته بالنسبه للفراغات .


عاد الحين أبيك توصفين لي ما يلي بكلمه وحده مانبي كثر قرقره
قطرات أدبيه : يازينها بدون اسئلتك
الذبابه : بنت أختي الصغيره لين >> مسمينها الذبانه
حسني مبارك : ليته يرتاح ويريح
الجوع : كافر
السفر: مااحبه
العطله: لقاء الأحبه



عبري عن الآتي بجمله مفيده
نايف الشمري : توي اعرفه والله صدق جدي >> الساكت ...... كمل
الطاسه : اللبن عند جدي
مشاعر أنثى : حضورك ينعشنا لا تغيبين
إحساس صادق : ربي يسعدها
البر : أحبه بس فالنهار
نمط سهل : الله يذكره بالخير ويجيبه بالسلامه
البحر : مستودع الاسرار



طيب الحين نغير الموجه شوي
الورده تخيلي إنك جالسه بشعيب (بالبر) والجو رايق وشبة نار وشاي وقهوه
والماء يمشي من جنبك في هاللحظه من تتمنين معك ، ووقتها تتوقعين بتكتبين قصيده
عن إيش ؟؟؟
عن فقد الحبايب









لحين أن أعود آمل أن أكون وأنتي والجميع بخير .

الله مير يسلمك