حائطي
سجل دخولك او إضغط هنا للتسجيل
صبحتوا ومسيتوا بالخير الجميع الله يعينكم علي كالعاده لما أكون مروق مشكله والضحية أنتم شكلكم تجون طايرين تقولون وش يبي يتحفنا فيه أبو الشباب تجون تلقوني قاعد أخربط ، لكن من جد طرت علي هالفكره البسيطه أقول أخلص علينا وش موضوعك الحين <<< لسان حال الأعضاء معليش فيه واحد من الشباب تو صحى يبي يروح لسوق الحمام يقول فيه طيور مع أني كسول بس شكلها رحله حلوه بالله بروح وأرجع لكم بس وش رايكم بالموضوع (أوووه صحيح ما قلت لكم وش السالفه ) معليش يالربع ، الظاهر شيبنا قمنا نفوت ، السالفه بكل بساطة وإختصار : نبي نستضيف كل كم يوم واحد من الشله يحط لنا صوره يحس أنها تعبر عنه سواء منظر طبيعي أو صورة وجه أو أي شيء وإذا يبي أكثر من صوره يحط عادي ، ونجي حنا مدرعمين نحلل بشخصيته (الكلام ببلاش مو بفلوس) ونشوف بعدها رد العضو على كل واحد فيها هل هو قريب ولا صح ولا من جنبها ما عندك أحد ، وآخر شيء يقول لنا أقرب واحد جابه ، وهكذا دواليك وراكم شيء ، اللي ما وراه شيء يسجل أسمه من المشاركين معنا . أقول لا روقت حاول ما تدخل المنتدى <<< صح هذا تفكيركم عادي قولوها لي لو برساله ، لا تفشلوني قدام الناس بيني وبينكم ، وهذه لكم عشان ما تفشلوني .