[بشرى]

المشاركة الأصلية كتبت بواسطة نمط سهل

تبين الحق تبين اكون صادق ...؟ ودي اخنق كل الحريم لين
انيح منهم ... ونفتك من شرهم

رونق معليش ..دخلت عرض بس عاد ماأقدر اسكت ..

يانمط دايم أقول " الله يعين الرجال على غثى الحريم " طبعاً مو كل الحريم أو البنات مغثه
في منهم من تنحط ع الجرح يبرى ووتعرف كيف تكون زوجة وَ أم ..وهذول قليل مرة

ولكن حال اغلب النساء اليوم في بيوت أزواجهن مُزري
هنا لا اتكلم عن هيئة أو لباس .. أتكلم عَن عقليتها وَتعاملها مع هذا الزوج
لما كل هذا الكبرياء وشوفة النفس ..لما كل هذه طلبات تعجيزية .. لما كثرة الخروج والمناسبات
ليه داخله الحياة الزوجية عّ أساس إنها حرب ولابد من الإنتصار
ليه الدلع الزايد وثقالة الدم وهذا الزوج اللي ياما انتظرتيه بفارغ الصبر
يريدن أن يعيشن كَـ الأميرات
دلال + فلوس + راحة
الزوج يافاضله لايريد أميرة في بيته يريد زوجه تحتويه وتخدمه وتُحبه تُنجب له وتُربي

تعلمون
أعرف منهن التي لا تَطبخ وجالسه ع آكل السوق ..أكثر من عشر سنوات
ومنهن التي تمتلك خادمة وهي توها عروس ..
ومنهن من في بيت ابوها عشان زوجها مااعطها " مرضاة النفاس " > يعني هدية لما خلصت الاربعين
ومنهن مَن تُرغم زوجها عّ شراء فستان بثلاث آلالف ونص
ومنهن من تتمن على الزوج باإنجاب الأطفال ..
ومنهن تفتعل المشاكل تعلمون ليه تقول أبي اسوي أكشن >> ودي الطشها والله

وأكثر مايُغيض أنهن يتفاخرن بأفعالهن المُشينه ويزعجون راسي بِـ سواليف
لا تدل إلاّ ع شخصية مريضة

الحياة الزوجية ياناس
مودة ورحمة وشراكه وتفاهم وإحتواء للطرف الآخر ...
وأجمل تعامل بين الزوجين حين يكون بينهم شعرة معاوية
" إذا شد طرف أرخى الآخر " مو نشد إحنا الإثنين
في دا الزمن دايم الرجل هو يرخي الله المستعان بس

وأخيراً ..
بطلوكم من دلع البنات >> لاعت كبدها منهم