[الوردة الظامية]

[QUOTE=نايف الشمري;29296]

يسعد مسائكم
ياهلا والله

عندي كم سؤال سفري ..
أنا قلت أنك طيب بس من يوم خاويت حسين ماعينت خير

وأنا اللي كنت مستحيه ماسألتك يومك سجين بس وش أقول < الصيف ضيعت اللبن >

* ليش الحين إذا جيتي تأخذي من المطعم يقول سفري او محلي ؟ شمعنى كلمة سفري .. ليش مايقول خارجي ؟
عشان يحطون مع الطلب سفره لو حطوا كيس بيقولون كيسي ..

* والحين الناس تكره الظلام .. طيب ليش إذا جينا ننام لازم نسكر النور ؟ وبعد ليش الواحد مايسمع شخيره ؟
لأننا نسكر عيوننا ويصير حولنا ظلام غصب حتى لو النور مو طافي .. لأنك نايم كيف تسمع ؟

* من الأماكن اللي تجعل البعض يضحك هي الجنب وأسفل القدم والإبطين .. يعني لو بغينا نضحك شخص ندغدغه مع المناطق هذه ويضحك .. طيب ليش إذا الواحد دغدغ نفسه مايضحك ؟
الحين أنت لما تسولف مع نفسك تضحك ؟
أكيد من الغير بيصير أحلى .. بس أنتبه من سوالف حسين :qtrat (2):

* على حسب تخيلك لبعض الأعضاء وإشكالهم ..
أوصفي لي كل من ..

/ رونق .. طويله
/ الصوت المسموع ملتحي
/ حسين عصقووول
/ توته مملوحه
/ الوجيه شخصيه
/ مشاعر مغطيه وجهها ماشفتها
/ المنى جذااااابه
/ الكنز طويل
/ أنيس رياضي
/ أنا دوووبا



* بما انك شاعره فـا لابد أن يكون لكي أبيات يتيمة بودي أن تعطينا بعضهم ..

1 - علمتني كيف أحبك حيل وأوله عليك ...
ليتك بعد علمتني لا غبت عني كيف أجيك ؟؟
عودتني لا من بكيت تمسح دموعي بيديك ...
بس ماعلمتني لا احتجت لك في غربتي وين ألاقيك ؟؟

2 -لو تطلب عيوني فداك وحلالك ...

مدام تسكن وسط قلبي لحالك ...

3- روح يانسيم الصبح عانق حبيبي ..

قل له حبيبك وده يكون ويااااك ..

ما يحتمل غيبتك عنه دقيقة ..

وده يمينه دوووم في كف يمناااك ..

تكفى تضمه حييييل وتبووس عينه ..

وتقول له ماأبي حيااتي بلياااك ..

4 - يسعد صبااح اللي بروحي أنا أفديه ..
.. ويسعد حياته مثل ما أسعد حياتي ..

5 - كثير أضحك على نفسي وأقول إن ضيــقتي ...
بتزول ..

وهي صــارت في كل لحـــظة تزيد وتقتـــل ...
آمـــــالي !!.

* ماذا تعرفين عن الأكلات الشعبية التالية :
/ الجمرية .. قرص على الجمر دقيق ومويه وملح تعجنها وتحطها على الجمر ..
/ المرقوق .. نفس العجينة اللي قبل بس تكون مفروده زياده وتحط على المرق وتقلب لين تتقطع صغار < أحس أني حضريه >> مدري كيف أوصل الطريقة ..
/ المطازيز .. مرقوق الحضر وبالخضار ..هع
/ الثريده ..مااعرفها بس أكيد أكله :qtrat (1):
/ مريسه .. ولا ذي
/ الرغيف ..ولا ذي مدري تقصد الخبز ولا الفطير .. أكيد لها اسم غير عندنا .




* كيف أهدك للمقادير وأنتي راس مال ... راس مال ومال والمال مايعطى السفيه
هذا بيت من قصيده ياوجودي لضيدان القضعان .. ومعجبني مره .. ودي تشرحي لي هالبيت
يعني كيف أتركك وأنت رأس مالي ورأس المال والمال مايعطى السفيه مايأخذك مني أحد ومابعطيك أحد ..


* ماهي فوائد كل من :
/ المره تلم الجروح ويعطونها البزران عشان يتعودون على مرارة الدنيا اللي بيذوقونها ..
/ العنزروت يجبر الكسور ..
/ الزاجه مااعرفها
/ الشيح مااعرفه بس شكله للصدر والكتمه ..ههههه فلسفه



* ماهو الحل السليم الذي ترينه في المواقف التالية :

/ عازمة وحده على عشاء في مطعم وبعد ماخلصتوا من العشاء رحتي بتحاسبي وتذكرتي انك ناسيه فلوسك ؟
والله ماأطلقوني أهلي لحالي فالمطاعم لو تنطبق السماء على الأرض ..

/ كنتي معزومة على حفلة زواج في قصر .. ورحتي ونزلتي ودخلتي القصر وجلستي وبعدين طلع الزواج لناس ماتعرفينهم وان الزواج المعزومة له بقصر ثاني ؟
أدق على أخوي وأروح الزواج الثاني ..

/ كنتي بالسوق ومعك أكياس وبأحد الأكياس عصيرات .. وكنتي نازله من الدرج وطحتي وطاحت الأكياس والعصيرات راح كل واحد بصوب ؟
أناديك تلم معي :qtrat (8):


/ أنتي معزومه على عشاء .. وكنتي جيعانه .. وبعد ماحطوا العشاء وجيتي بتتعشي تفاجأتي ان الكل يأكل بشوكه وملعقه وسكين وانتي ماسبق لك ان اكلتي بهذه الادوات ؟
ماعلي فيهم الله يخلي لي يدي ..


/ كنتي تأكلي علك وبفراشك وفجأة نمتي ولما صحيتي كان العلك لازق في شعرك ؟
أقص شعرررري تجيني من الله



/ كنتي جايه من العمل .. تعبانه وداايخه مره والبارح مانمتي عدل .. وأنتي في الطريق من التعب كنت تغفي وتقومي .. وأول ماوصلتي البيت وكنتي تمشي بخطوات سريعة لجل تنامي .. إلا فيه عندكم عزومه وفيه صاحباتك جايين من خارج المنطقة ؟

الله يحيهم أنا آخر ماأدور عليه فالحياة النوم يعني لو أقعد معهم للصبح الثاني عادي :qtrat (8):





* ماهو سبب تسمية الريال ريال ؟ والدينار دينار ؟ والليرة ليره ؟ والجنيه جنيه ؟ والدرهم درهم ؟
على أسماء جدانهم الأولين مايبون اسم الجد يندثر ..


* في بعض الطرق يكتبون أمامك منعطف خطر .. طيب دام انه خطر ليش يسوونه منعطف ؟
عشان يسوون حركااات يدربون السيارات ..




* هل للعيون لغة ؟ وهل لها سهام تصيب ؟ وهل تبكي القلوب ؟

لغة العيون لغه فااارهه قليل اللي يفهمها وسهام العيون تقتل ماسمعت هذاك اللي يقول قتلننا ثم لم يحيين قتلانا .. يقصد العيون << ترى أعرف البيت بس مافيني اكتبه << كسلانه

* اكتبي لي عن ( حلم وأمنيه أن تلتقي بشخص يستحيل لقائه )
أيها البعيد عن عيني القريب من قلبي متى سأراك ؟
وأرتوي برؤيتك بعد أن أظماني البعد وأضناني الأنتظار
لا زال في القلب بعض الأمل أن نلتقي في زمن شح فيه الحلم وتعذر اللقاء لكن سأظل على يقين أن الضيق سيعقبه الفرج وليس على الله ببعيد ..
.


وأخيرا ً أرجو ان تكون أسئلتي خفيفة وسهله خفيفه يامديرنا تمون مع أن قلبي يقول نص الأسئلة من عند حسين :qtrat (3):

على طاري خفيفة وسهله .. بعض المدرسين والمدرسات يختار اسئله صعبه وتعجيزيه للاختبارات النهائية للطلاب .. وآخر شي يكتب تمنياتي لكم بالتوفيق .. طيب ليش يصعبها وبالأخير يقول تمنياتي لكم بالتوفيق ؟
عشان لما يقرونها الطلاب ويعجزون عن حلها يقولون الله لايوفقك

ههههههه ..

وسلامتك
سلمك الله ..