[نايف الشمري]

يسعد مسائكم

عندي كم سؤال سفري ..

* ليش الحين إذا جيتي تأخذي من المطعم يقول سفري او محلي ؟ شمعنى كلمة سفري .. ليش مايقول خارجي ؟

* والحين الناس تكره الظلام .. طيب ليش إذا جينا ننام لازم نسكر النور ؟ وبعد ليش الواحد مايسمع شخيره ؟

* من الأماكن اللي تجعل البعض يضحك هي الجنب وأسفل القدم والإبطين .. يعني لو بغينا نضحك شخص ندغدغه مع المناطق هذه ويضحك .. طيب ليش إذا الواحد دغدغ نفسه مايضحك ؟

* على حسب تخيلك لبعض الأعضاء وإشكالهم ..
أوصفي لي كل من ..

/ رونق ..
/ الصوت المسموع
/ حسين
/ توته
/ الوجيه
/ مشاعر
/ المنى
/ الكنز
/ أنيس
/ أنا



* بما انك شاعره فـا لابد أن يكون لكي أبيات يتيمة بودي أن تعطينا بعضهم ..


* ماذا تعرفين عن الأكلات الشعبية التالية :
/ الجمرية ..
/ المرقوق ..
/ المطازيز ..
/ الثريده ..
/ مريسه ..
/ الرغيف ..




* كيف أهدك للمقادير وأنتي راس مال ... راس مال ومال والمال مايعطى السفيه
هذا بيت من قصيده ياوجودي لضيدان القضعان .. ومعجبني مره .. ودي تشرحي لي هالبيت


* ماهي فوائد كل من :
/ المره
/ العنزروت
/ الزاجه
/ الشيح



* ماهو الحل السليم الذي ترينه في المواقف التالية :

/ عازمة وحده على عشاء في مطعم وبعد ماخلصتوا من العشاء رحتي بتحاسبي وتذكرتي انك ناسيه فلوسك ؟

/ كنتي معزومة على حفلة زواج في قصر .. ورحتي ونزلتي ودخلتي القصر وجلستي وبعدين طلع الزواج لناس ماتعرفينهم وان الزواج المعزومة له بقصر ثاني ؟

/ كنتي بالسوق ومعك أكياس وبأحد الأكياس عصيرات .. وكنتي نازله من الدرج وطحتي وطاحت الأكياس والعصيرات راح كل واحد بصوب ؟


/ أنتي معزومه على عشاء .. وكنتي جيعانه .. وبعد ماحطوا العشاء وجيتي بتتعشي تفاجأتي ان الكل يأكل بشوكه وملعقه وسكين وانتي ماسبق لك ان اكلتي بهذه الادوات ؟


/ كنتي تأكلي علك وبفراشك وفجأة نمتي ولما صحيتي كان العلك لازق في شعرك ؟



/ كنتي جايه من العمل .. تعبانه وداايخه مره والبارح مانمتي عدل .. وأنتي في الطريق من التعب كنت تغفي وتقومي .. وأول ماوصلتي البيت وكنتي تمشي بخطوات سريعة لجل تنامي .. إلا فيه عندكم عزومه وفيه صاحباتك جايين من خارج المنطقة ؟





* ماهو سبب تسمية الريال ريال ؟ والدينار دينار ؟ والليرة ليره ؟ والجنيه جنيه ؟ والدرهم درهم ؟


* في بعض الطرق يكتبون أمامك منعطف خطر .. طيب دام انه خطر ليش يسوونه منعطف ؟




* هل للعيون لغة ؟ وهل لها سهام تصيب ؟ وهل تبكي القلوب ؟

* اكتبي لي عن ( حلم وأمنيه أن تلتقي بشخص يستحيل لقائه )


وأخيرا ً أرجو ان تكون أسئلتي خفيفة وسهله

على طاري خفيفة وسهله .. بعض المدرسين والمدرسات يختار اسئله صعبه وتعجيزيه للاختبارات النهائية للطلاب .. وآخر شي يكتب تمنياتي لكم بالتوفيق .. طيب ليش يصعبها وبالأخير يقول تمنياتي لكم بالتوفيق ؟

وسلامتك