[أوتار الحزن]

حزن


حزن


حزن





فيني كآبة حزن هزت الكون بأراضيه
وفيني هموم تحرق كل خافي وظاهـر
كل ما قلت يا قلب ملزوم أجافيــه
صاح قلبي ويلاه يا أوتار من باجر
أنا بحبه صرت يا ناس مسحور فيه
بدون وعي أجي دربه ولخطاه أساير
كل ما زقر قلت يا عون قلبك لبيه
ألبي لنداك لو دربك كان كله مخاطر
يا سيدي حتى الحزن انت تحليه
شفني فيك سارح ومغرم بك وحاير
لبيه ثم لبيه يا حلم أنا احتريه....
عايش فيه ومن فرحتي به طاير
وانكسر حلمي وأنا بين أياديه
واهداني جرح تنتفض منه المشاعر
جرح صارت عيني بالدمع تداريه
وأنا بزود جرحه صرت أكابر!!
علمني القسوه بعد ما كنت أراعيه
واحضنه بدفا عاطفه ما توصفها دفاتر
كم بقول عن صاحب بالروح افديه
ولو يبا عمري لجل عينه قلت تامر
خساره لا صار قلبي لليوم يناجيه
والاشواق تهد قلب بحبه يجاهر
ربي حسيبه ماقدر العهد يوفيه
وما قدرت أبلع الهم وأنا صابر
روح قلتها له وروحي متعلقه فيه
مثل اليتيم لا تعلق بحلم به يسافر