حياك الله اخت صمت المشاعر ..
وبما ان حسين مااتوقع انه يدخل الليله ..
راح اعطيك كم سؤال لجل تحلي فيهم ..
اسئله بسيطه وخفيفه ..
/ * / القرن العشرين والقرن الواحد والعشرين .. برأيك لما سمي بالقرن ؟ وهل لقرن وحيد القرن دخل ؟ وكم عدد اسنان وحيد القرن ؟ ولما سمي بوحيد القرن ؟ وليش ماسموا الفيل بوحيد القرنين ؟
/ * / سؤال دائما يتردد في مخيلتي .. لم اجد اجابه كافيه ومقنعه .. اكيد تعرفين الضب .. وبما ان الضب يخاف الماء ويخشى منه والماء احد الطرق التي يستخدمها الصيادين لإصطياده .. فأين يذهب الضب في المطر ؟ واذا جاء مطر قوي وغرق جحره .. اين يذهب ؟ وهل يشرب ؟ وكم لتر يشرب باليوم ؟ وماهي اكلته المفضله ؟
/ * / اكيد بيدك ساعه او عندك بالجدار .. المهم .. ليش اختاروا ان اليوم اربع وعشرين ساعه ؟ وليش الساعه فقط 12 ليش ماهي 24 .. وممكن تفهميني ليش كل عقارب الساعات تتجه لليمين ؟ يعني مافيه ساعه عقاربها تروح لليسار ؟ وش الحكمه من هالشي ؟ وماهي نوع ساعتك ؟ وبكم شريتيها ؟ وهل يدخلها الماء ؟ وماهي صناعتها ؟
/ * / فيه برامج بالتلفزيون واحيان نسمعها بالراديو .. يقولون حدث في مثل هذا اليوم .. فماذا حدث في مثل هذا اليوم ؟
/ * / كم يبلغ طول الذيب ؟ وكم عدد اسنانه وانيابه ؟ وهل له ضروس ؟ وليش ماعمرنا شفنا ذيب منتفخ خده لان ضرسه فيه التهاب ؟ هل تتوقعي انه يفرش اسنانه ؟ ومتى ينام ؟ وكم ساعه يستغرقها بالنوم ؟ وليش مايتجمد في البرد ؟ هل عنده بطانية ؟ او دفايه ؟ وبالصيف بالحر ليش مايذبحه الحر ؟ هل عنده مكيف ؟ وكم يبلغ وزنه ؟ وهل يلد ام يبيض ؟
/ * / كم مضى من عمرك بالايام ؟ واين انتي في اليوم 2374 من عمرك ؟
/ * / بما انك شخصيه تسيري على جدول دقيق .. وبما انك شخصيه متطلعه ومتعلمه ومتثقفه .. بودي اعرف هل هذا الشهر كامل ؟ وماسبب ارتفاع الاسعار ؟ واين تكوني في الساعه الـ 5,55 عصرا ً في يوم الاحد ؟ وهل تفكرين عند النوم ؟ وهل تأكلي الكبسه بيدك او بملعقه ؟
/ * / في ظل هذا التضخم الهائل والاعداد المتزايده وتزايد العمران وغلاء الاسعار وتقلبات الاجواء والتطور والتكنلوجيا والجيولوجيا وعلم الاحياء والفيزياء والفلك .. سؤالي .. هل القنفذ من الثديات ؟وهل فيه قنفذ ياباني ؟ وهل تتوقعي ان قنفذ اليابان عيونه صغيره وطويله واجسامهم صغار مثل اليابانيين ؟ وماهو اسم القنفذ باليابان ؟
/ * / اذا الواحد مر بموقف وكان بلشان .. كثير مانراه يحك راسه .. ليش هذا التصرف ؟ وهل تتوقعي انه يحك راسه لجل يفكر ؟ ودي اعرف وش الفايده المتوقعه من هذه الحكه ؟
هذا مايحظرني الان ..