[نايف الشمري]

المشاركة الأصلية كتبت بواسطة حسين الشمري

صف شعورك في الآتي :

فاصل وتبي النومه وكلمك واحد عزيز عليك ويستاهل ويبيك تحول له فلوس ضروري الحين .....
اقوم واحوله

وعد أحدهم لك بأن يأتيك وتؤجل شغلك ولا يأتي ولا يتصل وعندما تتصل يخبرك بأنه لن يأتي .......
كثيره هالايام هذي مثل هالسوالف ..
أكتب نبذه مختصره عن الآتي : (ملحوظه وضح عليك كلمة ما أدري ما عندنا ما أدري)

مقدمة إبن خلدون
بما انك ماتبيني اقول ماادري .. اجل ابي اخربط .. يقول ابن خلدون في مقدمته .. السلام عليكم ورحمة الله وبركاته .. والصلاة والسلام على من لانبي بعده واتمنى ان تنال مقدمتي كل ماهو مرضي للجميع وصلي اللهم وصلي على محمد ..

المرحله الفميه لدي فرويد
يعني لما توصل المرحله عند الاكل وتفتح فمك هنا تكون مرحله فميه

تجربة بن فرناس
هذا يبي يصير عصفور .. ويبي يطير .. وركب جنحان وطلع فوق جبل ونط النطة القشرا ..

هالمثقفين عليهم كلمات ودي تشرحلي معنى كم كلمه :

سقطت ورقة التوت وش معنى عاد التوت
التوت شجره لها طلع ناكله .. اسمه التوت .. واختار التوت لان ثمر التوت شكله حلو وورقها شكله حلو وبعدين اذا طاحت ورقة التوت تكون طيحتها بهداوه

ارستقراطي
يعني من جماعة سقراط

ما بين المطرقة والسندان سألت عنها سابقا ولم أقتنع بالإجابه
يعني الخشب .. والله اعلم رغم انك يوم تكتب السؤال السابق لأحد الاعضاء كنت عندك ولاني فاهم شي

جوقه
هذي اول مره اسمع بها .. انت من وين تجيب هالكلمات ؟؟

نخبويون في برج عاجي
هذا ياطويل العمر يعني مثل قول اول انا اخو يعني ينتخي .. وكان ينتخي في برج عاجي

الإقطاعيون
قطاعين الطرق

المحافظون الجدد
يعني اللي توه صار يحافظ على الدوام ولا يتغيب وتوه جديد

ليبرالي
هذا يمكن عاشر مره تسألني عن هالكلمه خخخخخخخخخخخخ

سفسطائي
هذي اختصارها سفه .. بتشديدي السين وهي كلمه مأخوذه من ابو بدر .. وهي اختصار لـ سفسطائي


أكتب رسالة إلى كل من :

شاب مغتر بقوته وشبابه
اذا انت قوي فناك اقوى منك

شاب عاطل عن العمل
كمل دراستك .. اشتغل هنا هناك .. اهم شي لاتجلس

إلى إنسان أبتلي بمرض مزمن
ان الله اذا احب عبدا ابتلاه .. وان شاءالله تكفير ذنوب

إلى من يهمه الأمرعندك بنظرك
مساك الله بالخير .. مافهمت وش المقصد خخخخخخخخخ


أكمل الفراغ بما يناسب

من فوائد الركبه
هي اللي تثني الرجل واحيان تستخدم للضرب

الإنسان عباره عن
ابن ادم

فروة الرأس تشبه
فروة القنفذ الا انها انعم

أجمل أوقات اليوم
القايله خخخخخخخخخخخ

ما سبب تسمية ما يأتي :

سيارة مرسيدس
يقولون ان اللي صنعه اسمه مرسي وزجته اجنبيه اسمها دس

عطر شانيل
هذا يعني شين بالليل .. وتعطر فيه بس بالنهار

مالبورو
يعني مال .. بورو .. يعني مثل ماتقول مال سايب

كفر السياره
لانه كفر سموه كفر ..


ماذا تتوقع للآتي والعلم عند الله ولكن من خلال رؤيتك وتحليلك نرجوا إظافة تفسيرك لتوقعاتك كيف بنيت توقعك تحليلك :
ما القوه القادمه التي ستسيطر على العالم
الدين

الحرب القادمه بين من ومن
شايفني كاهن او اعلم الغيب خخخخخخخخخخ

هل سيجف النفط ومتي
اكيد بيجف وشكله قريب يعني بعد كم سنه

ما الطاقة البديلة للنفط
الغنم والبعارين

من سيحقق الدوري السعودي هذه السنه
شكله الاتفاق او الوطني

من سيحقق كأس الخليج القادمه في اليمن
اليمن


والآن سأختم معك بهذا السوال الخفيف أيهما تفضل ولماذا :

وجبة الغداء أو العشاء
كلهم .. لاني اذا مااكلت وحده منهم اجوع ههههههههههه

الفطور ولا السحور
الفطور .. لانك تنتظر

كبسة اللحم ولا الدجاج
لحم .. لان اللحم احسن عندي

الصيف ولا الشتاء
الشتاء .. ياخي تفتك من الحر

البر أم البحر
لكل واحد وقته .. احيان يكون البحر واحيان يكون البر

الليل أم النهار
كلهم حلو يعني مافيه واحد يختلف عن الثاني

الحل أم الترحال
الحل .. لان مافيه ترحال

الببسي أم السفن أب
لا هذا ولا ذاك .. لانهم غازات

الكلام أم السكوت
احيان الكلام يكون ضروري واحيان يكون الصمت ابلغ ..

بور هورس أو بايسن
بور هورس لانه اغلى من البايسن خخخخخخخ

البرازيل أم الأرجنتين
النصر ..

أفريقيا أم أوروبا
اكيد افريقيا .. لان اغلبهم عرب

السمع أو القراءة
على حسب الموضوع

الجوع أم العطش
كلهم ماافضلهم

مكيف شباك أم سبلت
سبلت لانه ابرد

دفاية كهرب أم قاز
كهرب لان مالها ريح
الفروه أو البجامه
الفروه لجل اذا جيت بنام اتغطى فيها بعد

الطاسه أو القلاص
الطاسه .. لانها اكبر و الخشم مايدقر

البرتقال أم التفاح
التفاح لاني على طول اكله
الشوربه أم السنبوسه
كلهم
القهوه او الشاي
الشاهي .. والقهوه كلهم
الحلا أو التمر
التمر .. لانه افود
الهندي أم البنغالي
الهندي لانهم حليلين
الجزمه أو النعال يكرم الجميع
النعال .. اسرع باللبس

الشماغ أو الغتره
على حسب الطارف منهم خخخخخخخخخ

التسجيل أو المباشر
المباشر .. لانك تعيش الحدث بلحظته خخخخخخ

مباراة بالملعب أو بالتلفزيون
بالملعب .. حلو صوت الجمهور

مرادونا أو بيليه
بيليه .. لانه برازيلي

توم أو جيري
توم لانه ابو تومي

سبستون أو إم بي سي ٣
ام بي سي 3 لانها تعرض توم وجيري اكثر

الجزيره أم العربيه
كلهم مااتابعهم

السمك أم اللحم
على حسب .. يقولون الشهوه تحت الضرس
اليوم أو بكرى
اليوم .. بكرى الخير معه
بيت الشعر أو الخيمه
بيت الشعر .. لانك تتذكر البداوه فيه
السفر بالطياره أو بالسياره
السياره .. الموت بالارض ولا بالسماء
الطول أم العرض
الطول .. لان اللي ماله طول ماله عرض
الإرتفاع أم الإنخفاض
الارتفاع .. لجل تشوف بمد النظر
الملح أم السكر
كل في مجاله
تويكس ولا سنيكر
تويكس .. لانه يجي اثنين .. ومافيه فول سوداني
أنا أو أنت
انا لانه انا
أنت أو أنا هههههههه
انت لانه انت وماابي اكون اناني
ولك التحيه تارترترتارتا تارترترتارتااااااا خخخخخخخخخخ

الله يبارك فيك على هالاسئله المتنوعه من كل مجال بحر وبر وسماء وارض كل شي ماشاءالله خخخخخخخخخخخخخخخ