[نايف الشمري]

المشاركة الأصلية كتبت بواسطة حسين الشمري

المنى والجميع ما قصرتوا ولا تنسون باقي يومين أستلموه

ورونق ما قصرتي ما عليك من كلام نايف يسوي نفسه عادي
لكن هو كذا يجني على نفسه ياويلك من رونق .
يا حليلك يابو ياسر أبي أسألك سؤال يا أخي ليش تضحكني غصب
وتخليني أقهبد كالمجنون لحالي ليه تسوي نفسك عادي وإنت منها
سمعت إنك متضارب مع ناس عند الإشاره البارح والسبب الأسئله
البيزنطيه ، ويقولون إنك كاتب ورقه وتجاوب على الأسئله بالسياره
واللي يسلم عليك ويسألك عن أحوالك ترد وتقوله والله لو إنك بيزنطي
صارت حياتك بيزنطيه متزنبطه .

لاأنظر الى تلك الشائعات ومايقوله الاعلام ..

لان الميدان هو الحكم ..

المهم خذ هالكم سؤال تبرد بهن هالظهريه :

1- الحين لما تصحى من النوم وتغسل وجهك ليه وجه الواحد وارم منتفخ ؟
ماهو الكل .. انا اقوم واشوف وجهي عادي ماهو منتفخ .. حتى اني قريت اسئلتك اليوم الظهر وماجاوبت قلت خلني اتأكد اذا قمت العصر من النوم .. وفعلا ً حطيت المرايه تحت مخدتي واول ماصحيت طلعتها وشفت وجهي الا انه عادي

ليه ما يارم وهو صاحي؟
يمكن يارم بس مايدري


وليه العيون تنتفخ ؟
مع إن الواحد مريح ؟
لانها تكون شبعانه .. هالحين اذا اكلت وشبعت ينتفخ بطنك .. فاللعيون مثلها

وليه العيون تصير حمر إذا ما نمت وكنت سهران ؟ ليه ما تصير لون ثاني ؟ زرق مثلا! .
هذا الدم يكون مجتمع بالعين .. لجل يقول لك انه يبي ينام

2- القنفذ حيوان لا يأكله الإنسان ، طيب لماذا يخاف من الإنسان ؟
لان الانسان حجمه كبير وفيه نوع من الناس عندهم حب الطرد ويحبون اللقافه
مع إنه يعرف إن الإنسان لا يأكله ؟
ياحاول انه يسوي قدام الحيوان انه مهم والناس تبحث عنه

طيب يا أخي حالته حاله هو وهالشوك وشلون ينام وشلون يضم عياله ويحضنهم ؟
يقولون ان معه سرير وينام عليه
ضم من بعيد يعني ضم نظر

وش تتوقع هو مكروه من الحيوانات ؟
مااعتقد .. لانه ماعمره قال لي شي

طيب يقال إنه يقذف شوك ،
اللي قايل لك ماعنده سالفه

طيب دايم نلعب عليه أول بالقريه ما يقول شيء ولا يطلق علين شوك ، تقدر تقول دابة سليمه ؟
هو دابه سليمه .. وبنفس الوقت مايوذي
وما أدري ليش أحس إنه حيوان غبي ، إنت مثل إحساسي ؟ وليه ؟
ايه احس انه غبي حيل .. لانه دايم تلاقي بالشارع يتمشى ولاينحاش من السيارات واثق من نفسه بقوه هو وشوكه

3- طيب ما رأيك بجائزة نوبل للسلام ؟ ولمن تعطى ؟ وهل لها معنى ؟
من اسمها تحس انها حلوه .. وتعطى على حسب الشغل .. ومعناها انها للسلام
وهل أنت مقتنع بمن يحصل عليها كل سنه ؟ وشلون طلعت ؟ ووش قصتها يعني ؟
احيان واحيان .. طلعت هذي قبل الف وخمسمائة سنه تقريبا ..
ابد مالها قصة .. كذا فكره جت وسووها

4- ممكن تصف لي شعورك بعد ما تضربه بالخمس كبسة غداء وبعدها طاسة لبن بارده والمكيف منزل على خشتك وتشوف كل شيء حولك فراش ؟
احس ان الفراش يدعيني .. وبنفس الوقت احس اني امشي له بلا شعور خخخخخخ

طيب بعد ما توصفلي شعورك بتلك اللحظه أرجع وأوصف لي شعورك بعد ما تخلص الغداء وتطبح سمكه على الفراش يجيك ياسر مروق توه صاحي من النوم يبيك تقص عليه قصه ؟
حلوه يجي ويبي مني اقص له صقه .. خخخخخخخخخخ

مايعرف وش السالفه ولا عمره جاني يبي قصه

5- طيب إذا صحيت العصر وإنت شبعان نوم ما هو شعورك ؟ طيب ولو ما كنت شبعان نوم؟
اذا انا شبعان نوم اكون مبسوط
واذا لا اقوم اتلفت واحك عيوني


6- منذو مبطي ونحن نسمع بأن هالوقت أقشر ، بإعتقادك لماذا كل جيل يسب الجيل الذي بعده ويعتقد ان أول أحسن ؟
لان العادت نفقدها مع الوقت والاجيال يتناسونها ويتركونها

7- أبو ياسر سألتك ورحت تغديت وجيت بس حسيت إني ماش عقب الغدوه تقل هه ماش ، بإعتقادك ومن وجهة نظرك السيبوروكوليه لماذا الواحد بعد ما يضرب بها ماش يقفل ويحس بخمول ويقل النشاط مع أن من المفروض الأكل ينشط ويقوي ؟ لا وبعد قيلت ونمت ؟ ليه الواحد لما يقعد من نومة الظهر مروق ويتقبل كل شيء؟ يعني الاغلبيه ؟ وإذا قام من نومة الليل ماش أخلاقه وسط ؟

لان النشاط يروح للمعده
لانه شبعان نوم لذلك يتقبل كل شي
اما اذا قام بالليل فالمزاج يكون ماهو مروق

هذا وتقبل سعادتي التي لا توصف على وضعك المزري :qtrat (15):.

شكرا ابو غلا على هذه المقتطفات الحلوه مثلك