[حسين الشمري]

المنى والجميع ما قصرتوا ولا تنسون باقي يومين أستلموه
ورونق ما قصرتي ما عليك من كلام نايف يسوي نفسه عادي
لكن هو كذا يجني على نفسه ياويلك من رونق .
يا حليلك يابو ياسر أبي أسألك سؤال يا أخي ليش تضحكني غصب
وتخليني أقهبد كالمجنون لحالي ليه تسوي نفسك عادي وإنت منها
سمعت إنك متضارب مع ناس عند الإشاره البارح والسبب الأسئله
البيزنطيه ، ويقولون إنك كاتب ورقه وتجاوب على الأسئله بالسياره
واللي يسلم عليك ويسألك عن أحوالك ترد وتقوله والله لو إنك بيزنطي
صارت حياتك بيزنطيه متزنبطه .

المهم خذ هالكم سؤال تبرد بهن هالظهريه :

1- الحين لما تصحى من النوم وتغسل وجهك ليه وجه الواحد وارم منتفخ ؟ ليه ما يارم وهو صاحي؟وليه العيون تنتفخ ؟ مع إن الواحد مريح ؟وليه العيون تصير حمر إذا ما نمت وكنت سهران ؟ ليه ما تصير لون ثاني ؟ زرق مثلا! .
2- القنفذ حيوان لا يأكله الإنسان ، طيب لماذا يخاف من الإنسان ؟ مع إنه يعرف إن الإنسان لا يأكله ؟ طيب يا أخي حالته حاله هو وهالشوك وشلون ينام وشلون يضم عياله ويحضنهم ؟ وش تتوقع هو مكروه من الحيوانات ؟ طيب يقال إنه يقذف شوك ، طيب دايم نلعب عليه أول بالقريه ما يقول شيء ولا يطلق علين شوك ، تقدر تقول دابة سليمه ؟ وما أدري ليش أحس إنه حيوان غبي ، إنت مثل إحساسي ؟ وليه ؟
3- طيب ما رأيك بجائزة نوبل للسلام ؟ ولمن تعطى ؟ وهل لها معنى ؟ وهل أنت مقتنع بمن يحصل عليها كل سنه ؟ وشلون طلعت ؟ ووش قصتها يعني ؟
4- ممكن تصف لي شعورك بعد ما تضربه بالخمس كبسة غداء وبعدها طاسة لبن بارده والمكيف منزل على خشتك وتشوف كل شيء حولك فراش ؟طيب بعد ما توصفلي شعورك بتلك اللحظه أرجع وأوصف لي شعورك بعد ما تخلص الغداء وتطبح سمكه على الفراش يجيك ياسر مروق توه صاحي من النوم يبيك تقص عليه قصه ؟
5- طيب إذا صحيت العصر وإنت شبعان نوم ما هو شعورك ؟ طيب ولو ما كنت شبعان نوم؟
6- منذو مبطي ونحن نسمع بأن هالوقت أقشر ، بإعتقادك لماذا كل جيل يسب الجيل الذي بعده ويعتقد ان أول أحسن ؟
7- أبو ياسر سألتك ورحت تغديت وجيت بس حسيت إني ماش عقب الغدوه تقل هه ماش ، بإعتقادك ومن وجهة نظرك السيبوروكوليه لماذا الواحد بعد ما يضرب بها ماش يقفل ويحس بخمول ويقل النشاط مع أن من المفروض الأكل ينشط ويقوي ؟ لا وبعد قيلت ونمت ؟ ليه الواحد لما يقعد من نومة الظهر مروق ويتقبل كل شيء؟ يعني الاغلبيه ؟ وإذا قام من نومة الليل ماش أخلاقه وسط ؟

هذا وتقبل سعادتي التي لا توصف على وضعك المزري :qtrat (15):.