[نايف الشمري]

المشاركة الأصلية كتبت بواسطة حسين الشمري

يعني ما تتوب فورة ببسي ها طيب إستلم

أولاً عطني تعبير لا يقل عن عشر أسطر أختر أحد المواضيع التاليه وأكتب عنه التعبير ؟
1- الأم 2- الجمل 3- الوطن
زين بعد حاط اختيارات وكأن التعب اكتساك .. اذا ودك تستسلم اعلنها وريح حالك وجسمك وتفكيرك خخخخخخ طيب بختار الوطن ..
الوطن هو الام والاب ففيه ولدت وعشت وترعرعت واكلت وشربت من خيراته وعشت فيه اوقات حلوه وقد عاش فيه حمود وفهد وخالد وسعد وياسر وحسين وجمال وصالح ووليد وعبدالله وعبالعزيز وعبدالحكيم وعبد المنعم وفيصل ووائل وسالم وسلمان وسليمان وابو يعقوب وابو صالح وام صالح وام يعقوب وولدهم صالح وولدهم يعقوب وبناتهم هند وساره وماجده ونوف وامل ومنال وخديجه ويسرى وفاتن وليلى والعنود ووفاء وغاده وتهاني وحنان وهيفاء وفوزيه وحصه وفاطمه ومريم ومرام وبنات جيراننا وعيالهم وابوهم وامهم ويتزوجون فيه ويجيبون اولاد وبنات وبعضهم يجيه توم وش بعد ايه وعندهم غنم وعندهم بعارين ودجاج وحمام وارانب وبط ويجيبون لهم الماء من ارض الوطن وبعد يجيبون لهم الاكل من ارض الوطن ويجينا مطر بعد بالوطن وعندنا سيارت بالوطن واسعارهم مختلفه وبعد ازيدك من الشعر بيت ان لوحات السيارات تحمل اسم الوطن وهي مصنوعه لجل تتكيف مع المناخ الوطني ويجينا رمضان بالوطن ونصوم اذا اذن الفجر ونبقى صايمين طول اليوم ومانفطر الا اذا اذن المغرب وعندنا تلفزيونات وكهربا بالوطن وعندنا بعد محلات واسواق نروح نشتري ملابس من الاسواق ونشتري قشطه وجبن وزيتون وعسل وشاهي وسكر وبيبسي وميرندا وايس كريم من البقاله اللي في الوطن وعندنا بعد بالوطن مخبز نشتري منه خبز اذا جيتهم بعد المغرب تاخذ خبز ساخن بس دايم يصير زحمه ويبي لك تمسك دور مع اللي ماسكين دور لجل تاخذ الخبز وتروح للبيت وتتعشاء ..ونروح نتمشى ونسوي رياضه بعد العشاء وننام في الوطن ونصحى وحنا بالوطن .وفيه ملاعب كوره اللي وده يلعب يروح يلعب وفيه جلسات وفيه بر وفيه شعبان واوديه وفيه بعد تلفونات دق التلفون عندي وتذكرت خخخخ .
الكلام كثير عن الوطن ولو عندي وقت كان عبرت لك اكثر خخخخخخخ


أريد منك ان تجري حواراً مع نمله ويكون الحوار راقي وممتع ومفيد أي مستوفي لشروط الحوار الصحيح؟
حاولت يابو غلا لكن المشكله النمله تقرصني كل ماجيت بسوي معها حوار وتهز راسها وتمشي وماخلتني اجري معاها الحوار


أذكر لي مميزات وسلبيات المعتقل لكي نركز على السلبيات ونحجم ونقلل الإيجابيات لك ؟
السبليات مافيه سلبيات هناك سلبيات لكن احتفظ بها لنفسي لجل اصححها في المعتقل القادم .. والايجابيات ان الطيبين شرواك وشروا من يقراء استفدنا من اسئلتهم الشي الكثير




* للاسف معزوم على عشى ولا كان وريتك الشغل لكن البيزنطيين والله مو مقصرين وبيضو الوجه .

بالعافيه يارب تروح وترجع بالسلامه