[نايف الشمري]

المشاركة الأصلية كتبت بواسطة صمت المشاعر

احم احم

بدون مقدمات
استعد
مستعد ومتهيء وجاهز


1_ يقال ان للنوم مراحل وانه يتكون من خمس مراحل برأئك في اي مرحله يكون الانسان قد استغرق في النوم
؟
دايم اسمع يقولون ان فلان بسابع نومه .. لذلك المرحلة السابعه هذي هي اعمق مراحل النوم اللي فيها لو تنفجر قنبله مايحس فيها .. لكن من المراحل الخمس اتوقع انها الثالثه لانهم دايم يقولون خير الامور الوسط .. عاد انا اسمع واطبق اللي يقولون خخخخخخخخ
2_ متى يتحدث نايف الشمري بلغة العقل ومتى يتحدث بلغة العاطفه ؟
دايم اتحدث بلغة العقل .. <<== مسوي فيه انه ماشاءالله عليه
اما لغة العاطفه .. أتحدث عندما يضعف قلبي من حب او رحمه او شفقه

3_مالكلمه اللى سمعتها يوم ولم تستطع نسيانها
اني ميت .. وكان ذلك قبل اكثر من عشر سنوات عندما توفي اخي الاكبر الله يرحمه وبعده بأسبوع وصل الخبر الى احد اصدقائي خارج المدينه ولكن وصله الخبر انه انا المتوفي فأتصل على واحد من الاصدقاء وكاني يبكي ويقول نايف مات .. واخبره صديقي بكل شي .. عندها شاهدت من حولي يبكيني على اني ميت ..

4_ يقال انه لا بيت بدون باب ولا باب بدون بيت فكم باب في بيتك ؟
سؤال صعب ومتعب بنفس الوقت .. لاني لازم اروح اعد الابواب .. مافيه اختيارات ؟
لكن بقول لك هم 21 باب .. الواحد هذا لجل تصدقين اني رحت عديتهم خخخخخخخخ

5_ بما ننا ما زلنا في البيت ما رأيك في حمله لا مطبخ في البيت يعنى بيتك بدون مطبخ احلى ؟
اجل من وين ناكل ونسوي الشاهي والقهوه لايكون من المطاعم .. يعني ليه نتزوج اجل ؟ نعيين من الله خير ونقعد على هالمطاعم .. لكن لابيت بدون مطبخ .. والله انتن يالحريم مايعجبكن العجب .. ماباقي الا حنا نسوي لكن الغدا والعشاء .. اقول البنت مالها الا المطبخ .. خخخخخخخخخخخ

6_
هل تحب السفر والى اين واكثر دوله تحب تروح لها اواكثر مدينه ؟
ايه احب السفر .. ودي كل دوله اسافر لها وكل مدينه اجيها ..
<<== يبي يصير ابن بطوطه زمانه على غفله خخخخخخ

7_ كنت رايح للمسجد وصليت وانتهت الصلاه وبيتك بعيد عن المسجد واكتشفت انو جزمتك( وانتو بكرامه) انسرقت ايس بتسوى وكان عندك موعد مهم جدا وما في سوق قريب ايش بتسوى

تبين الجد بختار لي جزمه حلوه وباخذها وبمشي .. خخخخخخخخ
لكن برجعها اذا صليت الفرض الثاني واجيب معي جزمه ثانيه لجل اطلع فيها ...

صمت المشاعر ..

اسعدني هذا الحظور .. واسئلتك الخفيفه .. بس عاد لاتعودين لها خخخخخخخخخخخخخ

وبنتظار أسئله جديده منك