توك تجي
وش عندنا لك ترتجي
لا نا أنا
ولا الزمان هو زماني
ولا المكان هو مكاني
ولا القلوب ذيك القلوب
اللي توقد لك شبوب
تقدر تعود
ترجع تولع أو تذوب
توك تجي
فوق الغيوم غابت نجوم
تركت على عمري رسوم
تحكي لطلاب الهوى
قصة نوى
قصة كتبناها سوا
أنت بجفا وأنا بعذاب
توك تجي !
***
توك تجي
لا..لا تجي
خلك شذا
من غير زهور
موجه على ظلمة بحور
خلك على مر الزمان
لحن وشجن
عشته معاك
ساعة هواك
أحسن تروح عني بعيد
أخاف تجيني وأجرحك
لا... لا تجي
الشاعر الأمير خالد الفيصل