وعليكم السلام والرحمة يا أخوي / ويسعد صباحك وجمعة مباركة عليك وين ما كنت
طائر بالسماء او ماشي على الأرض وعلى كل من سيمر منها
أما بخصوص كسر القوانين ... فانا ما أعتبرها كسر بقدر ما أعتبرها رغبة بالتعرف على الضيف أكثر وإذا كان في كسر فرح يكون من طرف ( الضيف ) لو تجاوز مدة الإقامة المقررة له وهي حتى الساعة 12 ليلا من يوم الجمعة ، والحمد لله باقي مشاركة وحدة وأخلص الواجبات اللي عليّ وبجذي لا أنت ولا أنا ولا الصوت المسموع خالفنا القوانين
أنا حينما أنوي السفر لمكان ما .. تأتي دعوات لطيفة السلامه عليها السلام
( الله يرزقك على قد نيتك يا خويلد )
تلك الدعوات تحملني إلى حيث طهر السماء
المنى ماذا تحب أن تسمع حينما تسافر .. ومن من !!
ربي يخليلك الوالدة ( لطيفة ) ويا عسى عينها تقر بشوفتك وبشوفة عيالك يا رب ، وما في أحلى وأنقى وأطهر من دعوات الأم ، لأنها الوحيدة اللي بهالدنيا تعطي وتحب بدون مقابل فديتها
بالنسبة لمنى / ما عمرها سافرت بروحها وبالتالي ما عمرها سمعت دعوات الأم لبنتها وهي مسافرة ، بس أسمعها من أمي وأنا رايحة الشغل ودورات العمل
وخاصة لو كانت هالدورات بالمساء مثل :
( ربي يبعد عنج عيال الحرام ويحفظج ويعطيج على قد نيتج ... )
ودعوات الأم وايدة ومتنوعة والله وتحسها طالعة من القلب ويقشعر جسمك بيها من صدقها وعفويتها .
في خضم المعارك الأهليه في السودان .. وقبلها في اليمن
أين تجد المنى نفسها من تلك الصراعات !!
( من لم يهتم بأمر المسلمين ليس منهم ) اللي يستوي بأي دولة أسلامية من قتل وتشريد وأعتداءات ... شيء يعور القلب والله ومهما حاولت توجد له أسباب ما تلقى غير سبب واحد ( التكالب على الدنيا وزهائدها )
ليتهم يدركون أنها لا تدوم لأحد وليتهم يدركون ان الدين نهى عن ترويع المسلم لأخيه المسلم فما بالك بقتل المسلم لأخيه المسلم دون وجه حق .
يوم أشوف هالأشياء والله وأشوف نعمة الأمن والأمان اللي عايشين بيها أقول الحمد لله والشكر لله فبشكره تدوم النعم ، الله لا يغير علينا ويحفظ بلادنا وبلاد المسلمين كافة من شر تلك الصراعات ويديم نعمته وخيره علينا وعليكم وعلى الكل ( اللهم آآآمين )
( أسأل الله زيارتك قبل الممات )
أي مكان تنطقين له بهذه الكلمات !!
ما أحب السفر أبدا ، والمكان الوحيد والله اللي أحلم بزيارته في كل إجازة
تمر عليّ هو زيارة مكة لا غير ، وما أعتقد في مكان بالدنيا كلها يستاهل أقوله هالعبارة غير مكة المكرمة .
اليوم .. منهي الطالبه الأكثر مشاغبة لك !
نبي اسمها الأول بس
<--- يا لقفه
ضحكتني والله يا أخوي ، لأنها مو وحدة بل ( وحدات )
بس في وحده مطلعة عيني وكل يوم والثاني أستدعاء ولي أمرها
لحد والله ما صار يخجل من زيارة المدرسة ( فاطمة ، مهرة )
مطلعين روحي وأنا وهم مثل توم وجيري .gif "Qtrat (8)")
شاعر سعودي .. حفراوي <--- أهم شي
يقول ( أساسا" لو صلاح الدين عايش .. يسكت إجباري )
فهل أنتي معه !!
اولا يا أخوي .. كلٍ يرى الناس بعين طبعه ، وشكل شاعرنا الحفراوي هذا
من الساكتين عن الحق ، ومن المطبلين ومن أشباه الرجال .
ثانيا يا أخوي .. شو مبرراته وشو اللي خلاه يقول هالكلام .. خبرني برمسته حتى أرد على كلامه حرفا بحرف وبالدليل اللي يخليه يتندم على كل حرف كتبه وقاله .
طيب لو طلع صلاح الدين .. تتوقعينه لابس شماغ و عقال .. وإلا كرفته !!
أنا ما يهمني في الريال شو لابس ( عقال ، غترة ( شماغ ) ، كرفتة ) اللي يهمني فعلا فعله لا مظهره . أهم شيء يطلع ويحرر لنا الأقصى .
تعرفين تسوين قهوه !!
قهوة العرب .. المهيله ؟
وليش ما أعرف وانا أختك ؟؟ تراني مو من بنات اليوم
وحلاة قهوتنا بالهيل والزعفران . ( رئحتها وصلت لرأسي )
لو طلب منك أن تستوقفي العالم على ساعه محدده .. فأي ساعه تختارين
وليـه !!
الساعه 10 وخمس دقائق .. وهي الساعة التي يُقال أنها الساعة التي سقطت فيها قرطبة في يد أعداء الأسلام .
أحدهن جاءت لتصفعك بـ ( عنف ) .. ثم أدركتي أنها مخطئه
ماذا تفعلين !
فديتها أنا والله ، ليش هو أنا بترياها تصفعني ، حركتي سريعة جدا وأسرع مما تتوقع . رح أطبق معاها القانون الفيزيائي
( لكل فعل ردة فعل تساويه في المقدار وتعاكسه بالأتجاه ) :rolleyes:
تخيلي طاحت عليك تفاحة نيوتن .. قبل أن يكتشف القانون
هل ستكتشفين القانون وقتها !!
اممممممممممممم / للا والله وأنا أختك ( الجذب خيبة ) بس رح أكتشف شيء ثاني وقتها ( طعمها لا غير ) . 
بماذا تفكرين الآن !!
أفكر بأصبعي والله اللي انصك عليه باب حديد امس وصار لونه من الضربة بنفسجي واتصلب عليّ ومع ذلك يالسة أكتب ردود وفي قمة ألمي والله
أول ماتقرأين هالكلمات .. وش يطري عليك ؟
أول ماتقرين الكلمه سجلي اللي طرى عليك على طول .. لاتفكرين
بحر .. قصيدة بن ضيدان يا بحر جدة
برتقاله .. العصير
نغمة رساله .. رسالة من شخص أحبه جدا
مطر .. رئحة التراب
جرس الحصص اللي بالمدرسه .. يا يوم ما أطولك ( تسع حصص يومنا )
كاسة شاهي .. شيبس عمان
ريحة قهوة .. تمر
بـرد .. اللحاف
ترتيل قرآن .. صوت ماهر العقيلي
رمضان .. الصلاة بالحرم
لون أبيض .. الكفن
برأيك .. من أين تؤكل الكتف !!
اممممم / حسب طبيعة اللي بيأكلها هل هو من هواة أكل اللحوم البشرية أو الحيوانية . :confused:
شيباننا .. يتكلمون عن ترحالهم .. ويقصون لنا القصص عن تعبهم في الترحال طيب حنا وش بنحكي لعيالنا .. ! وعيالنا وش بيحكون لأحفادنا
أكيد رح نحكيلهم عن حكايا النت والتلفونات والأتصالات بكل أنواعها
وكل يُغني على ليلاه /
الواحد إذا ابتلش .. حك راسه تتوقعين ليه ؟؟
بس أنا ما أحك رأسي ..!!
أنتي مع توم و إلا جيري !! بعدين أي واحد فيهم توم وأيهم جيري ؟؟
لا هذا ولا ذاك لأني أكرهم والله وبقو / وأستغرب من أخوي وعياله يوم يشوفونهم ويضحكون :mad:
يرفعون ضغطي وايد وانا أختك وما أدانيهم أبدا ولا حتى أفكر بيوم أشوفهم وأشوف سخافتهم ( وحده مقهورة منهم )
متى تحسين بالـ ( جنون )
وهل مره سويتيها و ( نقدتي على نفسك ) !!
يوم أركب سيكل ولد أخوي الصغير اللي عمره ( اربع سنوات )
وربي قمة الجنون وشعور ممتع .
ويوم أشترك بالمسابقات المدرسية وأتنافس مع البنات في لعبة الكراسي أو الجري او الألعاب الحركية
متعة ما بعدها متعة / وايد مدرسات يستحون من اللعب مع البنات بحجة أحنا كبار وهذا عيب ( شو اللي عيب يا أخوي ) إني ألعب وأركض أو أسرق واللحظات فرح من هالدنيا ... أبد والله ما عمري نقدت نفسي بهالجنون
لأنه جنون رائع وممتع ( جربوا وشوفوا شعوركم وقتها )
موقف تمنيتي فيه أن تكونين بـ ( طولي ) ..
ما أحب أكون طويلة وااااااااااااااااااااااااايد
وما صار لي موقف تمنيت إني أكون فيه طويلة وايد .
المنـى ..
الناقه تحمل في مده زمنيه معينه ..
حتى العنز كذا .. وأنثى الفيل .. وحتى أنثى الأرنب
لكن كل وحده فيهم تختلف في المده .. بعضها سنوات وبعضها أشهر
طيب .. بعد كل هذا تتوقعين من ثقب طبقة الأوزون !!
الحين وأنا أختك بسألك شو العلاقة بين الحمل والأنجاب بين من ذكرت وبين ثقب الأوزون :confused:
بس تعرف في قناة سبيس تون كانت فيه فقرة جدا تعجبني أسمها
( الرابط العجيب ) يعطيك عدة أشياء وعليك بطريقة جنونية وخيالية توجد الرابط المشترك بينها .. شكلي بمخمخ فيها ولو لقيت جواب مناسب بخبرك بإذن الله ولو بعد حين
ماهي الوضعيه التي تحبها المنى في الكتابه بالمنتدى !
مباشرة من القلب لصندوق الرد الماسي ( هذا في حالة كتابة الخاطرة ) أما المواضيع الأخرى فحتما الأمر يحتاج لأعداد مسبق وتجهيز .
عذرا" المنى على هكذا سرقه .. لكن من البآرح مادخلت المنتدى إلا ألحين
ولإنشغالي بأغراض السفر .. ما استطيع الدخول إلا قليلا" .. حتى أختفي
عذرا" لك .. وللتوت .. وقبلكن لـ / حسين
أفا عليك وأنا أختك / مسموح دنيا وآخرة والله
أصلا يكفي حضورك وحرصك على التواجد رغم قلة الوقت لديك وألتزماتك مع الأهل .. فهذا له معني وقدر كبير عندنا والله
ربي يهون هالسفرة عليك وعلى كل أهلك ومحبيك
وإن شاء الله تروح وترد بالسلامة
دربك أخضر يا أخوي
[/ALIGN][/CELL][/TABLETEXT][/ALIGN]