[حسين الشمري]

[QUOTE=مشاعر انثى;14135]
القرار يسعدك ربي وين مارحت
قول آآآآمين
آمين حنا وأياك ، مشاعر حنا ولا خضاب :D مداعبه
ماسمعتك علّ صوتك!
القرار وينك لايكون النت خرب
الووو القرااااار
طوط طوط طوط مشغول
ايه ايه اشوى سمعت ^_^
كفشتيني هلا مشاعر
هلابك اخوي
ممكن سؤآل00
ممكن سؤال واحد أنتي قلتي خلاص أذا فيه ثاني ما راح أجاوب أنتي قلتي:D
_ القرار ليش اخترت الاسم هذا هل انت من النوع مايتخذ القرار بسرعه أو ان كلمتك مستحيل تغير فيها يعني قااااااااااسي بقرارك؟
والله يا مشاعر لا هذا ولا ذاك عادي بإتخاذ قراراتي ، ولكن سالفة المعرف
لأن فيه قرار خاطئ إتخذته ومن بعدها وأنا أركز بقراراتي .

_ممكن نعرف من القرار لو كلمه بسيطه يوجهها للعزابيه من الشباب المقبلين على الزواج كيف يتعايشون مع حياتهم الثانيه اللي راح ينتقلون اليها0 وكيف لهم يعرفون ماهي حقوق الزوج وحقوق الزوجه من حيث الصفاء والمحبه ؟
مشاعر تسمحين لي أن أتكلم عن شيء بخصوص الزواج ومن تجربة شخصيه وبعدها راح يعرف الجميع قيمة الزواج ، ياشباب هنا عاد أبي أحلف والله والله على ما أقول شهيد أن كل أموري من يوم تزوجت ولله الحمد من حسن إلى أحسن كنت خايف لأني تزوجت قبل ما أتوضف ولكن كنت ناوي أبدأ بالتجاره وكان على مدى سنتين تعقدت ما قدرت أفتح المحل المهم بعد ما تزوجت يمكن بعد أسبوع حصلت لي عامل وحصلت على الرخصه وغيره الكثير وكل ما رزقني الله بمولود يصير لي شيء مثلاً أول بنت حصلت على وظيفه بعد أن كنت جالس أربع سنوات بعد التخرج ويوم الله رزقني بالثانيه حصلت على وظيفتي التي إنتظرتها سبع سنوات التعليم ، فسبحان الله تأتي المرأة ويأتي الرزق معها وكذلك الأبناء فنصيحة اخو لا أحد يخاف من المصاريف أو يتخوف بل يقدم على الزواج وربك كريم لكن مو الواحد يكون مره لا بيت ولا دخل لو بسيط لا الأمور يبيلها حسبه وبعدين كل شيء يزين
وتكون الأمور من أفضل إلى أفضل ، هذا بخلاف الراحة النفسيه وغيرها الكثير من الأمور أخت مشاعر ، فيا إخواني لا تحرمون نفسكم من هالنعمه يلا يا خالد أخلص علينا وما أدري النيزك بعد شكله للحين عزابي .
اتمنى يكون كلامك من قلبك لأني اتمنى اشوف كل الشباب يعيشون حياه هانيئه وسعيده00؟
هذا يا مشاعر من طيب أصلك وحبك لإخوانك ودليل على نقاء سريرتك والله يسعدك ويوفقك في حياتك كلها .

_ من الذي اختار اسماء بناتك الله يصلحهم ويخليهم ويخليك لهم ؟
مشاعر اسئلتك تخليني أقرق كثير ، ياطويلة العمر لما جت غلا على كثر الأسماء إحترت ما أدري وش أسميها وكأن الأسماء خلصت وكل ما قلت لأحد سمها لأمي ولأبوي ما وافقوا رفضوا الكل محتار المهم رحت للعم قوقل وإخترنا منه كم أسم وقلنا نبي نسوي قرعه ولم يكن إسم غلا من بينها، المهم ما سوينا القرعه لأن جانا إسم حلو من جدة غلا لأمها وهو غلا وعجبني حيل وسميناها
تدرين عاد وش كنت أبي أسميها كان عندي إسمين لكن حطموني الأول فنر والثاني سديم ، طبعاً الأول قالوا لي فيه واحد أسمه فنر ههههه والثاني عقدني أبوي بنطقه هههههه .
أما شهوده هذي بعد سالفتها سالفه وش فيني اليوم كثير هرج المهم هذي عاد سبحان الله اللي ما طرى علينا هالإسم أبد انا رحت وكنا محتارين بكم إسم عطوني كم إسم وقالوا إختار منهن المهم يوم قال الكاتب أكتب إسم المولوده هنا لا شعورياً كتبت شهد .صار فلم هندي مو جواب :D

ويعطيك العافيه { لاتنبسط تراني ريضه باقي باقي ^_^ }
ريضه بعد :o
وبحفظ الله
الله يحفظ ويرعاك بإنتظارك بكل سرور :mad: