[خالد العبدالله]

السلام عليكم

أختي توتـه

قبل البارح نمت بدري عشان ( الشبـّه ) عندي أبوي الصبح
هو كل أحد يسوي فطور وقهوه وشاهي ويتجمعون عنده الشيبان
سألت أبوي متى يأذن الفجر .. أعطاني الوقت
وقـّت منبه الجوال .. ويوم قمت إلا الإمام بيخلص الركعه الثانيه من الفجر !

انقهرت .. خاصة وإني الأيام الأخيره بديت اتهاون شوي بصلاة الفجر بالمسجد
المهم .. قررت إن صلاة الفجر اليوم تكون بالمسجد
ورغم إني الأيام اللي راحت أوقت منبه الجوال وأقوم أطفيه وأرجع انام .. لأني أنام متأخر احيانا" .. لكن ومع إني نمت البارح يمكن الساعه 1 وشوي .. لكن كان بداخلي عزيمه و إصرار أقوم أصلي بالمسجد
والله نمت وأنا أفكر بهالشي و أعزم نفسي عليه

تدرين وش صـار !!


أخوي عبدالله .. عمره تقريبا" 20 / أنام معه أنا بنفس الغرفه
حلمت إنه نايم بحوش البيت الخلفي .. يعني الـ ( سور ) اللي بظهر البيت
راح وحطه فراشه هناك .. وأنا جالس بغرة التلفزيون
ودريشة الغرفه تفتح على السور .. شوي إلا أسمه يون ويقول ( آآآآ )
كأنها تطلع مكتومه .. فزيت من نومي وأنا أردد ( ألف بسم الله عليك )
المشكله ماني متعود أسمي على أحد .. إلا قليل .. لكن مادري وش طلعها من فمي يوم فزيت من نومي
أخذت الجوال وفتحت عشان اشوف بالنور حقه .. نورت على فراش عبداله لقيته نايم جنبي
ارتحت .. وانتبهت لـ ( ساعة الجوال ) إلا هي 5 الفجر و 32 دقيقه
يعني بعد 10 دقايق بالضبط من الآذان !!

سبحان الله ..

وكأن هالحلم قومني غصب عشان يطير النوم مني .. وأقوم أصلي
والحمدلله قمت وتوضيت وصليت الصلاه كامله بالمسجد اليوم




.. الفكره ..

أنه من نوى على فعل الواجب .. و أصر عليه وماترك لنفسه فرصه إنها تحبط عزيمته
بيلقى له شي يساعده .. تماما" كما أيقظني ذلك الحلم من نومي لأصلي الفجر جماعه
مشكلتنا فقط أننا نتهاون .. ونترك لأنفسنا الفرصه للتقليل من عزيمتنا .. لذلك نفشل دائما"


لا أدري إن كان ماكتبته يستحق النشر في موضوعك توته ..
لكن والله العظيم أول مارجعت من المسجد .. ماطرى علي إلا موضوعك
وقررت اكتب اللي صار هنـا .. حتى من العجله بغيت اكتبه بعد الصلاه على طول












خ.ألـد