قطرات أدبية - (الهم دينك تحفظه لك وتذكر)

من رافق العقـّال عقله تنوّر = ومن رافق الأخيار باحت له أنوار
ومن رافق المحظوظ حظه تغيّر = وجت له تصاريفه بتصريف الاقدار
ينول هَدْي جا لفكره وفكـّـر = وزانت ظروفه بالتساهيل تطوار
في رفقة العالم جواز ومذخر = تجمع من المأثور من علم الأخيار
يصقل مفاهيمك وفكرك تبصّر = درب المغانم في صحيحات الاخبار
وعقلك تحفـّز في لحاق وتطوّر = ونافس مقام للعلى حيث ما صار
ودوّر دروب الفوز طبّ وتخيّر = ودانت له أحواله وكانت له الدار
ومن رافق الجهّال هان وتعثـّر = وكثرت مخاسيره وبيّن له العار
حزونه تجدّد كل وقت وتدمر = فيه المواهب من تصاريف الأغبار
لو كان فيه الخير يصبح مجيّر = في هذه الرفقه ولا له من أعذار
ومن رافق المشبوه شان وتحدّر = وعلقت به أوساخ وصارت له أذكار
ومن عفّ أصبح في العفى ما تذمّر= وسارت طباعه ريحها ريح عطار
ومن عزّ جاره واحترم له وشمّر = يحسن عليه بغض طرفه عن النار
يصير له عند العزيز ساس جوهر = رفعه وأجر وذكر خير ومذخار
والنار إن تلفت نظر منك أغبر = في حرمته عيب يضرك بآثار
والهم دينك تحفظه لك وتذكر= أنه يعزك بل يصونك عن أضرار
تقصد بمصروفك على ما تيسّر = تبقى عزيز في حياتك عن الحار
الشاعر / صالح بن محمد خلف الخلف