|
ديــوانــيـة قــطــرات
السلام عليكم ورحمة الله وبركاته
هنا المكتوب مبين من عنوانه .. نتبادل الحديث والسوالف .. حتى الواحد اذا وده يسولف مع نفسه عادي ياخذ راحته |
الحين الساعة 22 , 8 مساء ً
اليوم طبعا ً السبت ومافيه الا انا ومريم مريم اشوفها في مسابقه اصنع من الصوره مثل وانا مريت المتواجدين الان ورجعت هنا واتوقع بتدخل مريم هنا الحين وبشوف وش بتقول اذا جت هنا ...... |
خجلتني http://www.elmaha.com/vb/imgcache/16596.imgcache.gif انا مشكلتي اني فضولية وأطلع من المنتدى بدون ما أسجل خروج وع طول أدخل وأدخل ع المواضيع الجديدة أحب أستكشفها بس للأسف المنتدى هذا يطلع أسامي الداخلين ع الموضوعات يمكن ميزة ماأدري. وكنت في صورة ومثل أبغى أدخل صورة مثل بس مافتح النت ع الصور وتبغون تدرون وش أفكر فيه لو إن اللي عنده مثل يدخل صورة فكرت أكتب ف صورة ومثل بس رجعت وقلت خلاص بأدخل أنا صورة من عندي. وأفكر بعد ؟؟؟؟؟إني بعدها أطلع ع موضوع اسعد غيرك تسعد وأشارك فيه وأرجع وأدخل موضوع جديد في الحوار وأتمطط شوي وبعدين أدخل أشوف إذا أحد من الأعضاء مدخل موضوع جديد أبغى ألحق أقراه قبل لا حد يسبقني ويمقن أرد ويمقن أءجل لبعدين وسلامتكم.ووووووووووو بس:qtrat (7): فكرتها تجنن هذي الصفحة شكرا لك نايف الشمري. |
ههههههههههههههه
كل هذا تفكرين فيه ماشاءالله عليك ربي يسعدك عاد الفضول هذا ماهو بس عندك .. هذا يمكن عند اغلب الناس .. المهم راح نخصص كل يوم دور على واحد يجي بدري ويسوي الشاهي والقهوه انا اليوم علي .. وبما ان الوقت متأخر الحين بسوي شاهي بس خخخخخخخ القهوه تسهركم عاد بكرا شكله عليك يامريم .. تعالي بدري .. لان ودي اتقهوى قبل اروح للدوام .. خخخخخخ |
إن شاء الله بكرة القهوة والتمر والبسكوت بعد والفطور لو حبيتم علي
والتصبيحة لكل الأعضاء وإحنا كم قطرات عندنا؟؟ |
نايف .. أشكرك على تخصيص هذه المساحـة الحرة
بس عندي سؤال .. ماالهدف من تواجدنا وإطلاعنـا على المتواجدين ..؟ عن نفسي أول خطوة أقوم بهـا بعد تسجيل دخولي للمنتدى هي الإطلاع على قائمـة المتواجدين الأن ..حتى لو لم يكن بالمنتدى اعضـاء أحب أن أشاهد زوار المنتدى أين هم الآن .. ولا أعلم مالسبب في ذلك .. !! |
ماهو انا قلت في ردي على مريم ان الفضول في اغلب الناس
هههههههه جنا نسميها شفايه .. يعني حب استطلاع بس تصدقين يامنال حتى انا لازم امر على المتواجدين مو بس انتي خخخخخخخخخخخخخخخ |
نايف الشمري ..
بما أن المساحـة هنـا حرة والسوالف بتكون طبيعية وبدون أي تكلف ودي أن تكون الصفحـة ممتعة وخفيفة وبنفس الوقت فيها شي طيب وسوالف حلوة ومفيدة يعني ماودنـا تكثر الصفحـــات على اللاشيء .. أبي منك نايف تسولف لنـا عن حائل شوي سولف لنـا عن مناخها وأهلـهـــا ومناطقـهـــــا ورجالهـا وعادتهم وتقاليدهم وأش أكثر شي تحبه فيها وأكثر شي ودك يتغير فيهـــــا كل شيء كل شيء كل شيء عن حائل حطـه لنــــا حائل بالأيـام العاديـة وبالأعياد والمناسبات والإجازات ورمضان وشتاها وصيفها وووووووو ولو تخدم لنـا الموضوع وتزوده بالصور يكون أفضل خذ راحتك نايف بالكلام .. |
يالله يامنال ..
حسيت اني مراسل للمنتدى عن حائل يبي لي وقت لجل اكتب واصور .. عاد انتي تعرفين كم الوقت اللي بستهلكه لجل اجهز الموضوع مااطول ان شاءالله دور اليوم من السنه القادمه وهو جاهز خخخخخخخ |
الا على حسب خبرتكم بالحياة
وانكم فاهمين ومتعلمين ومتثقفين عندي مشكله مشكلتي اني بسرعه اتنرفز واحيان اجيب العيد في بعض ردودي واتندم بعدين .. مره قال لي الشيخ عبدالرحمن المنصور يقول اذا شفت موضوع ونرفزك لاترد .. طنش واذا حسيت انك هديت ارجع ورد .. صراحه كلامه حلو .. بس ماعنده سالفه خخخخخخخ فيني حكه احيان للكتابه وبسرعه ارد مااقدر اصبر خخخخخخخخ بس اشواء الحين صرت احسن من اول بعد نصيحة الشيخ عبدالرحمن اللي ماطبقتها اقصد اللي طبقتها ههههه على طاري عبدالرحمن بالله ماتلاحظون انه كسول |
اقتباس:
يرسل لنا أعجاب على الأقل أنت لاكتابة رد ولا حتى ضغط على زر أعجبني .. |
خخخخخخخخخخخ
يمكن مااعجبني .. خخخخخخخخخخخ وربي انك صادقه انا كسول اول احس اني نشيط بس من عرفت عبدالرحمن وحسين وانا صرت مثلهم شكلها عدوا |
ماأدري مين الكسول في المنتدى يمكن فعلا صارت عدوى بين الأعضاء كل ثلاث أشهر ينزل العضو موضوع مع إنه المفروض كل ثلاث أيام بس الحين أحط القهوة وعليها كم كيس بن يمكن تصحصحون شوي وبعد القهوة الله لا يهينكم كل واحد يروح على قسم يحط موضوع حلو :2 http://www.ykuwait.org/up/uploads/im...bc7cffdf92.gif أنا سويت اللي علي والباقي عليكم:3 ويجعل صباحكم ورد وياسمين:7:7 |
اقتباس:
هلا هلا والله , رغم أنها مخزنة من الصبح بس دامه منك بنتقهوى يكفي أن نكهتها روحك الطيبة :) أما المواضيع فححطي كسل عبدالرحمن ونااايف راعي الموضوع الفلتة :qtrat (9): وحسيين بعد وكمان شوي هجدة الوردة الظامية على طول يطلع لك برقر تغريد أو توت لأن أظن ما أحد غلبني فيهم كسل والله , ولا داري قطرات أدبية يستحق الكثير والكثييير :5 المهم مساكم سكري يذوب تفاؤلا وسعادة :2 نااايف جعل ما يعوقك شر >> سكت دهرا ونطق بديوانية مرررة وحدة ما شاء الله ويا الله حييييوه وأرررحبوا حياكوا وحياكم الله >>بكل اللهجااا ت :10 |
خخخخخخخخخخ
شفتي عاد بعد الصمت وش يطلع خخخخخخخخخخ عندي مواهب بس اخفيها ماتطلع الا في الاوقات الحرجه خخخخخ |
مسا الورد
موضوع جميل بادرة جميلة منك منحك لنا هذا المتصفح البهي وبتمنى يكون فاتحة خير ونشوفك دايما معنا وانا فكرت بفكرة وان شا الله بتعجبك يااااااارب ان اجيب متلا مواضيعي هون ههه عشان ترد عليها وبامكان الاعضاء يتبعوا هالنظام معك .. شو رأيك ههههه |
-
ماشاء الله والله واضح الحماس من نايف الشمري بدليل حتى ديوانية صارت ديواتية :qtrat (9): عاد أنا دخلت هنا وشفت الكلام عن الكسل وجاتني حساسية لأن هالكلمة صرت أمثلها مع مرتبة القرف منها ومشتاقة أرجع الوردة اللي زمان الحين حتى يوم أجي وأكتب مشاركة دقايق وأحس كلامي ماله داعي وودي أحذفه ..! والمهم حياني الله على القهوة بس عاد لو أنها فترمس أحسن عشان اللي يجي متأخر زيي يلقاها حارة ماتبرد زي الدلة .. والعلم الوكاد أني اشتقت لقطرات واشتقت للمشاركات والردود بس إن شاء الله تزول مرحلة الكسل والملل وأعود كما كنت وأحسن .. عاد الله لايهينكم لاتدققون على اللغة عامي مع فصحى بس المهم حركت اصابعي وكتبت :qtrat (9): وأسعد الله قلوبكم :7 |
صادوك نايف ..
هههههههه الوردة والله انا ما انتبهت لزلة نايف الا الحين وشرايك نعدلـهـــــا وإلا نخليهـا لصاحب الديوانية يعدلهـا على شان مرة ثانية ينتبهـه لهـا ومايسرع وهو ماشي ..! |
-
لا لا يامنول لاتعدلينها خلي الايفون ينفعه وش حلاة اللاب لو أنه دخل منه :qtrat (9): وترى لقطت كم خطأ بس مشيتها عشانه المدير وصعب طلابه يغلطونه :qtrat (7): وربي يسعد قلوبكم :7 - |
السلام عليكم ورحمة الله وبركاته
واسعد الله جميع أوقاتكم بالخير والعافية مساءكم عسل بعيداً عن الكسل وصارحة اعترف اني كسول وفيني ستين عرق سوداني :( والمفارقة العجيبة اني ماسك النشاط الطلابي في المدرسة :) لا وحصلنا على مركز متقدم والحمدلله في فعاليات النشاط السنة هذي وهذا خولني أكون ضمن فريق رايح ان شاء الله نقدم عرض مسرحي في مهرجان الجنادرية القادم بمشاركة مجموعة من الطلاب المميزن في المسرح والله يوفق ..،،، وشكرا نايف على الديواتيه :) وشكرا مريم على القهوة والتمر |
صارحة ودي اعرض عليكم فديوا عاجبني جدا
ومحتار بأي صفحة أنزله عموما بحطة في الصفحة هذي ولو ما مناسب فيها بامكان المشرفين حذف المشاركة لكن ...اخبروني .... هل رأيتم أجمل من هذا ...؟ وهل سمعتم أجمل من هذا ..؟ فإن كان هذا هو جمال المخلوق وإن كان هذا هو جمال كلام الخالق فكيف سيكون جمال الخالق سبحانه ..!!! وإن كان هذا جمال جزء من الأرض التي لا تسوى عند الله جناح بعوضة فماهو جمال الجنة التي لاعين رأت ولا أذن سمعت ولا يخطر على قلب بشر .... أوصيكم بالمشاهدة والإستماع والإستمتاع بالخشوع حتى نهاية المقطع واذا اتصالكم ممتاز وسريع جداً اجعلوا الجودة 1080 إتش دي أو 720 إتش دي لكي يكون الفديو في غاية النقاء صوتاً وصورة . http://www.youtube.com/watch?v=HOTq26ZjupQ |
ما شا الله ...
فيديو رائع جداَ ومؤثر شكرا استاذنا الفاضل |
اقتباس:
خخخخخخ يالله ياماريا حطمتيني .. بكل قوه خخخخخخ طيب قوليها ليش تلمحين .. قولي كسول . بس والله فكره حلوه خخخخخخخخخخخ |
الورده ومنال ..
احس ان فيه ايدي خفيه تحاول اسقاطي .. وهذي دليل واضح على ان هناك عملية محاوله بإسقاط النظام .. انا متأكد ان كاتب ديوانية .. ياخوفي انها مريم .. تعمل بخفيه للاطاحه بي .. ويمكن بعد فيه من يمولها ويساعدها خاصه من الالوان الزرقاء .. الله يستر .. |
عبدالرحمن ابصم بالعشرة ان الطلاب هم اللي نافيعينك بالنشاط ..
وانك بوادي غير واديهم خخخخخخ ونزل اللي تبي المحل محلك .. |
سبحان الله العظيم
مناظر تدل ع عظمة الخالق وقدرته عزوجل شكرا لك عبدالرحمن الوجيه وجعلها الله ف ميزان حسناتك |
اقتباس:
وأنت اللي قايل بتشرب القهوة قبل الدوام وأنا جهزت القهوة وحطيت التمر لا وأول تمرة ف الصحن حاطة عليها سم قلت انك أول واحد بياكل منها وبكذا أكون أطحت بالنظام بضربة واحدة :qtrat (31): |
مسا الخيرات
قصيدة عجبني فيها حبك الكلمات واقناع الزوجة بشي مكروه لنفسها .. معجزة بتمنى تعجبكم ........ يعني كل واحد حاب يتزوج يحفظظها بس للزمن ههههه قصيده يطلب فيها من زوجته السماح بالزواج من اخرى والزوجه ترد بقصيده عليه الزوج : يالله يامن لك مقاليد الامور ........... تفكّهاالليله مع امّ العيال للخير تهديها وتسمح بالعبور ........ بروح رياضيه ومن دون اقتتال ياام العيال انتي حياتي والزهور .... وحبي الاوّل وما مثلك مثال أريدترتاحي وتهني بالسرور ........ فقلت اتزوّج واترك لك مجال تعاونك بالبيت ماقصدي غرور ....... وتحت امرك كل حاجه وامتثال تهتم بأطفالك وتصليح الامور ....... والقصد ترتاحي وما القصد احتيال ردت عليه الزوجه : حركات معروفه وتصريفة مرور ...... فهمت مقصودك وهذا شي محال وكيف تنساني وتجرح بالشعور ........ وكيف تنسى عهدنا يوم الوصال أفاعليك ويش التنكر والفجور .......... العيب والنكران من طبع الرجال الزوج: مايعلم الا الله ماتخفي الصدور .......... وهل يضرالشمس ان يأتي هلال ؟ القصد ترتاحي وفي احسن قصور ....... لاتزعلي منّي وخلي الانفعال لايمكن انساكي على مرّ العصور ......... وعـود اقطعها وماهي احتمال والقصد ترتاحي وماقصدي فـتو ر....... مالك نظير بالحسن او باقي الخصال وامسيت اراودها والغيت الكسور ........ حبيبتي ليش الحزن والدمع ســـال ردت عليه الزوجه : لايمكن اقـناعي ولو تجلس شهـور ......... اعذار تصريفه ولو تضرب مثال العيش اهـون لي مع اهل القبور ............. يشهد على قولي الهي ذي الجلال الزوج : مادام ذا قولك فهاتي بالعطــور ............. الامرأصبح جـد ماهو بالهـزال وزيّني بيتي وزيديها بخـــــور .............. بكره أناوعــدي مع بنت الحلال الحـب لك باقي وفي قلبي يمـور ............. الى هنا اختم وهـل باقي سؤال ؟ لك وعد منّي ماتشوفي من قصور ........... أو ميل منّي قـد يسبب إنشغال والعدل واجب ماأفكّر بالمهور ............. بالعدل اوصى ربّنا في كل حال أبني اخوه بينكن واربط جسور ............ ممنوع شامخ مايزلزل كالجبال الزوجه الاولى لها حبي ونور .......... ماعاش من ينوي على قطع الوصال ردت عليه الزوجه وهي راضيه : مادام قــد جدّيت راقب رب غفور ....... نفسي تكون البنت في احسن خصال مبروك ياممنوع وتم الله سرور .......... مني هدية ورد , شمّاغه وشال لكن احذّر ان يصير لك حد سور ......... او تبتعد عني ومالي بك منال والختم صلى الله عدد نوح الطيور .......على محمد قدوتي صاحب بلال |
خذ الله عمره هالزوج ذبحها
وهي بعد مدري شلونها تاخذ وتعطي معه في ذا السالفة البايخة اللي زي وجهه .. بس ماريا بسألك بالله فهمتي وش قال هو وياها ؟ يعني ما احتجتي مترجم ؟؟ |
اقتباس:
يس فهمت المقصود كلو :qtrat (31): من حزني عليها كان ورطنا نايف معنا ههههههه بس لئيم هالزلمة كتير ههههه مقنع حتى انا اقتنعت :qtrat (31): |
ايه هذي الزوجه السنعه
السنعه يعني الفاهمه .. ليت الحريم كلهن مثلها .. بس وين اللي تفهم خخخخخخخخخخخ |
احسن شي انه كان صامل .. صامل يعني ناوي يتزوج
وهي مسويه فيها عنيده وان الموت ارحم لها .. وبالاخير رضت ورضخت للواقع .. صار كلامها كله كلام في كلام يعني الحرمه اذا شافت زوجها بيتزوج عليها صارت تقول كلام قوي مؤثر .. لجل تبعده عن الزواج .. كيدكن عظيم ايتها النساء .. بس على من ؟؟ خخخخخخخ |
تخيل لو أن هذه المرأة ف احدى الدول العربية
http://www.ct-7ob.com/vb/imgcache/123133.png
http://www.ct-7ob.com/vb/imgcache/123135.png سبحان من خلق الإنسان وكفل له قدرات العيش ولم يتركه لأحد من خلقه أو يحوجه إلى أحد وإنما أعطاه التدبير لشؤون حياته كل حسب ما وهبه الله. هذه المرأة اليابانية مع ماتعانيه من فقد أطرافها السفلى إلا أنها تمارس حياتها بشكل طبيعي والصراحة أذهلتني الصور وفقط أريد من كل عضو أن يتخيل لو أن هذه المرأة كانت ف إحدى مجتمعاتنا العربية كيف سيكون حالها؟؟؟ |
http://www.ct-7ob.com/vb/imgcache/123134.png
سأتخيل معكم ستكون مركونة في إحدى الزوايا والعيون ترقبها بحسرة وألم والكل يردد مسكينة مسكينة وهي تجلس في عزلة قاتلة وعيناها تتلفت هنا وهناك وعقدة نفسية قد أصابتها ولا أمل ولا حياة فقط انتظار للفرج الذي ف الغالب لن يأتي في دنيانا. |
http://www.ct-7ob.com/vb/imgcache/123136.png
أو هي في احدى الجمعيات الخيرية تتلقى المعونات والصدقات ومن أسوأ الأمور وهو المحتمل جدا أن تكون عند أحد المساجد أو ف أحد الشوارع تستجدي الصدقات. |
سبحان الله
صحيح .. لا يأس مع الحياة وتعيش حياتها مثلنا لم تمنعها الإعاقه حتى ملامحها لم تشعرنا بيأسها |
مساكم الله بالخير ، القهوه يا ولد
يا حريم تغطن ويلا أطلعن للمجلس أو للصاله ، حريم آخر زمن ، ما عندنا حريم يقعدن بدواوين يلااااااا:qtrat (5): |
هلا ابو غلا
ويالله حيهم احسن شي ان الليله ليلة الاربعاء الله يعين اللي مداوم الحين خخخخخخخ ودي اغمض وافتح والاقي الصباح طالع تصدقون اذا جاني ولد بسميه خميس لان الخميس اجمل الايام واذا بنت بسميها خموسه خخخخخخخ |
اقتباس:
وش فيك الله يهديك معصب علينـا وين مانروح نلقى بوجهنا رجال معصب ترانا إناث رقيقات .. نخاف بسرعة انا قمت اتراعد من صوتك وانت تهاوشنا .. على هوووونك علينا وبعدين ابو خميس يوم فتح الديواتية رحب فينا وقال بعد جيبوا قهوتكم وتعالوا ماقال مانبي حريم .. / \ حسين شفت موضوع نايف حق المسلسلات .. بالله تتوقع ليه انفعل من ردي الاول ..؟! أبو خميس لاتتدخل بليز انا هنا موجهة كلامي لحسين ..:qtrat (31): أقول القهوة من عليه ...؟ ترانا متنا ننتظر احد يجيب لنا قهوة لازم نقول اعطونا قهووووة يمال العافية ..:3 |
السلام عليكم
وربي يسعد صباحكم |
| الساعة الآن 09:45 AM. |
Powered by vBulletin® Version 3.8.9, Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق محفوظة لموقع قطرات أدبية 2009