|
اقتباس:
والله ما ادري مريم ممكن يكون للبعد والرحيل نتيجة ايجابية بحياة الزوجين لو كان بينهم خصام ومشاكل ربما يكون هذا البعد من الحلول وعاملا ً مساعد على تجديد روح الشوق بالقلوب اما اذا كانت الامور مستقرة فيما بينهم فما اتوقع ان للسفر داعي عموما ً المشتاق يبقى مشتاق وحتى وهو معك وبجابنك واللي ماهو مشتاق يبقى مايشتاق يعني الشوق من الله سبحانه :7 |
طيب سؤال عادي نمر من هنا المنع
على الرد ولا بعد حتى المرور |
اقتباس:
مروا وخبصوا وسووا اللي تبون أبلشتونـــــآ .. اللي يسمعكم يقول هذولا بيقطعونا من السوالف السنعة يالله ورونـــــــا سوالفكم ووهاتوا مافي جعبتكم .. مستمعات لكم ..و حياكم الله طيب ماعلينــــــــا ... أنـــــا عندي سؤال لك ياحسين وللجميع هالحين ليه دايم يقولون كلام نواعم ولا عمرنـا سمعنا قالوا كـلام خواشن ..؟؟!!! وليه دايم نسمع يقولون ثرثرة المرأة وثرثرة المرأة يعني المرأة هي بس اللي تتكلم .. ؟؟ وليه الرجال مايحب يتكلم مع المرأة ولايعطيها وجه وتحتاج المسكينة مكبرات صوت على شان تسمع كلمته وربي أنا لمـا أكلم نفسي يكون صوتي أعلى من صوته لما يكلمني !!!!! حتى في البداية كنت أظن أن هذه هي إمكانيات صوته بس صرت أشوفه لما يجلس مع ربعه وأخوانه ماشاء الله يفتل ويسفهل ويضحك وصوته تسمعــــــــــه عن بعد الف متـــر أبي أعرررررررررررف لللللللللللللللللللليه .. ؟؟؟؟ ليه المرأة تسولف عليه سالفة ألف ليلة وليلة تخبرونها سالفة ألف ليلة وليلة طويلة ويقوم هو يرد عليها بكلمة وحدة وان كان كريم معها خلاها كلمتين ..؟! لللللللللللللللللللللللللللليه ؟؟؟؟؟؟؟؟؟؟؟؟؟؟؟؟؟؟؟؟؟؟ |
اقتباس:
:qtrat (31)::qtrat (31)::qtrat (31)::qtrat (31): مـــنـــااااااااااااااااااال وربي كأنك كنت مع زميلاااتي قبل يومييين كان هذا حديثنا , وزيجانهم هههههههه .. ولااا والي يفقع المرارة أنه يدور منك الهرجة لكن هو يعلمك بسوااالفهم أبسط شيء بيقوووول وش بينفعك ولا وش خصك فيهم !! :3 سبحااان الله :qtrat (9): |
اقتباس:
على المزاج .. ولا تعرفين لهم أن أنطمت هالضعيفة واسكتت قال وش ماخذ لي وحدة لا سالفة ولاقصيد وأن جت تتكلم وتسولف رد عليهـا بالقطـارة .. ياربي لك الحمد .. من الفضاوة ماكو شغل .. خخخخخخخخخخخ استغفر الله العظيم ... بس والله توته مالنا غناة عنهم رغم انـــه غثيث والجلسة معه تجيب الهم .. الا انه يجي منه ساعات :qtrat (31)::qtrat (31)::qtrat (31)::qtrat (31): |
منال عنو ما حكي ههههههه مجرد رأي .. إحم إحم
شوفي خيتي منولة هو باين الزلمة زي جهاز الكمبيوتر .. لو أدخلتي مصلح خطأ للبحث عن شي بداخله ,,ما ِبتعرف علي نمط البحث وبفشل طبعاً .. يعني اختيار المدخلات بس بعتقد .. وبتفتحي باب يا خير يا شر .. وانت واختياراتك للمصطلحات . هههه |
أحس أني رديت على هالسؤال منال
قبل كم يوم وأنا بالقريه حقت الدوام مدري بقولك شيء أنتم يالحريم قرقر واجد هذا ما نختلف عليه ولأن كلامكم واجد وثمانين بالميه منه ماله أي فائده يكون رد الرجل بحدود عشرين بالميه وبكذا هالعشرين بالميه تشوفونها قليله وأنا بسألك أنتي والشله هنا أنتن ليش قرقر واجد ومن وين تجيبن كل هالطاقه؟؟ودام الرجال ما يحب كثر الكلام ليش ما تحاولن تختصرن الكلام ما نقول خليك طرمه بس بالمعقول؟؟وياليت لو تفهميني ليش ما تعرفن تختارن التوقيت المناسب لييييييييييييييييييش ليييييييييييييييييش؟؟؟؟ |
..
بالله :qtrat (7): برأيي الرجل لا يسمع الا صوته لهذا لن يراها أبدًا سواء تكلمت بأيجاز أو لأ أتخمونا بكل مشكلة أو حوار ناقصات عقل , تكفرن العشير , أكثر حطب جهنم صلى الله عليه وسلم لم يقلها انتقاصًا ولكن لحكمة ليتكم تعوها فتفسيركم دائماً يكون ذكوري بحت و لا عجب :) المرأة تحتاج للعطف بحكم طبيعتها فهي من تصبر و تتحمل من أجل أنجاح مشروع زواجها هي لا تريد إلا رجل يشعر بها لا رجل يعتبرها آلة عصر يسحقها كيفما يشاء و يرغب نقطة ضعفها عاطفتها فبقدر ماهي مصدر ضعفها بقدر ماهي نقطة قوتها التي و على الأغلب آلاف منكم يا معشر الرجال يغرق و لا ينجو منها إلا الغبي أو الشديد القوي و هذا لا أعتقد بأني سأتحدث عنهم لأنهم في الحقيقة مش عايشين أود أن أقول بالنهاية أسمعها يا آدم بقلبك و لو مرة حاول تخفف عليها تشاركها همومها ستجدها تأتيك كلها بدون تأني , مخلوق ضعيف و مرهف كل ما يحتاجه العطف و ليتكم تدركون :) |
والله أنا ما أعرف أيش هالوقت المناسب اللي نسمع فيه ونبحث عنه ولا نلقاه ..
يعني لما يكون صاحي من النوم وأكلمه قال الواحد توه صاحي نوم وأنتي جايه تبين تتكلمين أن كان جالس أقهويه قال ولين الواحد مايعرف يجلس مروق يتقهوى على رواق ولما يكون جاي من العمل قال بالله هذا وقت تكلميني فيه توي جاي من العمل دايخ تعبان لما يكون منسجم مع فيلم او أخبار أو كورة أكلم حالي والأخ ماهو سامعني .. وبعدين ليه على المرأة أن تبحث عن الوقت المناسب لتتحدث فيه معكم بينما الرجــــال مسموح له أن يتكلم ويطلب ويتأمر ويمزح ويضحك في أي وقت يبيـه .. ؟؟!! يعني عمركم سمعتوا عن إمرأة تقول لازم أن تختار لك وقت مناسب لنفسيتي و وقتي على شان تكلمني أو تمازحني فيه ..!؟ وبعدين إذا كلامنـا واجد ليه ماتعتبرونا أطفال صغار وتسمعونا للآخر بحكم إننا ناقصات عقل ودين وأنتم أكبر عقل وأكمل دين .؟ أنا ما أهجم على الرجل ولكن بجد شيء يحز بالخاطر أن آدم ما يسمع لـحواء إلى آخر الحديث ودائما رده يكون أقل القليل ..! ومساء عامر بالخير يارب لكل النواعم والرجـال هنـا وتوتة وماريا وحسين وهيام ..منورين والله :)..! |
وأنا أقول دايما لزوجي أنت تطلع الدوام وتروح وتجي
وترجع مثل مارحت معقولة مافي سوالف مافي مواقف تضحك أو تبكي شوفو يابنات المسألة ماهي إن الحريم ثرثارات بس الرجال مايعرفون يسولفون ولا يصفون المواقف بس كذا تنابل سبحان الله العظيم استعراض عضلات وبأسوي وبأعمل ونجي للجد ومافي خبر خليهم أنا الحين ومن تجربتي صارت كل سوالفي وش أخبارك كل خمس دقايق وش أخبارك ؟ لين ماطفش مني وقال ماعندك سالفة إلا هذي قلت إي! والمشكلة لازم نجلس قدامهم وهم يتفرجون ع التلفزيون وكأن الواحدة تحفة تزين ولا تتكلم والله الموضوع يحتاج لصفحات عشان نقول عن وش يسوون وكيف يملون بس ماشاء الله الاحساس معدوم هههههههه تلاقيهم كل واحد أكيد هذا مو أنا أنا سبع السباع يمكن جارنا وإلا أنا سوبر مان وقت الأزمات وأحسن شي تتكلم الواحدة مع نفسها وشوي شوي بتروح شهار تكمل عمرها هناك |
| الساعة الآن 03:07 PM. |
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق محفوظة لموقع قطرات أدبية 2009