|
ياهلا بك ياولد أبوي يا أخوي
سؤالك ربما لا يخلو من الخبث البيزنطي ، أعان الله سلطان علينا أبو شوق ودي بكم سؤال خفيف على الطاير ، الآن فلتسمح لي الإتجاه إلى سلطان الشاعر .. 1- هل هناك طقوس معينه وأجواء عندما تريد كتابة قصيده ؟ 2- أي قصائدك الأقرب إلى نفسك أنا أعلم أنها جميعاً قريبه ولكن لابد أن يكون لإحداها وقع على نفسك ، ممكن تذكرها وكم بيت منها ؟ 3- ماهي آخر قصيدة لك ، وعطنا منها كم بيت لو ماعليك أمر<...يضبط الأسلوب يبي كم بيت ؟ 4- هل هناك شخص يود سلطان كتابة قصيده فيه ولم يستطع ، ممكن تذكر لنا الشخصيه إن وجدت ؟ أبو شوق أعتبر هذا فاصل شوي تريح فيه من الأسئلة البيزنطيه لأن ما هو قادم بيزنطي بالحيل . |
وعليكم السلام ورحمة الله وبركاته أهلاً بالأخ النيزك اقتباس:
1- رئيس الدنمارك وتهمته .. تطاول شعبه على حبيبنا محمد صلى الله عليه وسلم والحكم : (واصبر حتى يحكم الله وهو خير الحاكمين). 2- جورج بوش وتهمته غزو الاسلام والشعب العراقي وسجن بوغريب والحكم الاعدام والطريقه .. افكه بمساحة صحراوية تكون متساوية الارض يعني مافيها مرتفعات ومنخفضات ونسميها بالعامية ( سهله او براحه ترابيه ) وانا معي كابرس 79 :) واطرده طرد طرد طرد وراه وراه وراه .... لين اشوف لسانه يلمس اذنه :D وخاتمته تحت الكفر <<== ياكثر حتسيك :cool: أقول حبيبي النيزك اعفيني عاد من الشخصيه الثالثه مشكلتي مالي بالسياسه :) اقتباس:
الله يضيقها على العدو :confused: سؤالك مدري وش يبي خخخخ ع العموم باختار الابن والرزق على الله السبب الوالد / مايبي له تعليق بعد الوالد هو الروح للحياة . الاخ / الاخ مابداله اخ يعني مو كل اخو ينعوض باخو الزوجة / :D هذي سلمك الله السر .. لانها هي اللي بتعوضني عن الابن شكرا لحضورك النيزك |
هلا ابو غلا
يارجال الوسام والله الساعه 12 باليل يوم الجمعه .. اشهد انه الوسام << رفع به خالد وابتلش :o اقتباس:
بكل بساطه ... اجي قدامه بالمسار الايسر واخبط فرامل قدامه بالتالي هو راح يصدم سيارتي من الخلف باللحظه هذي (الاصطدام) : تتجه سيارتي الى الامام وسيارته ترتد الى الخلف <= هذي سلمك الله سالفة رفيقنا نيوتن (مساويه له بالمقدار , معاكسه له بالاتجاه ) ونعم نعم اهم شي بالحياة التنظيم وتكافء الأطراف <= وشي تكافء الاطراف ؟؟:confused: والله مدري انا مثلكم خخخخ بس بناتي ماقدر عليهن والله :) مدلعهن مو شوي ... حيييل حيييل .. يعني النظام على جنب :) 2- بما أنك شخصية مشهوره بالخبر وتعرف العديد من الشباب العزابيه من أهل حائل وأنت عوائل كيف تتعامل مع هؤلاء العزاب وكيف تستطيع التعامل معهم بتواضعكم فما لمسته من أحد المرات التي قدمت فيها إلى هناك تواضع من سعادتكم مع تلك الفئة لدرجة لعب الورقة والبلايستيشن معهم ؟ <<== طار بالعجــه وخروا عنه :cool: من تواضع لله رفعه :) يابو غلا هذولا فئه محببه لقلبي ياخي احيان تخيل تخيل احس اني ابوهم !! احيان اجيهم في شقتهم والاعبهم ورقة والا بلاستيشن حتى احيان اخليهم يفوزون علي بالبلاستيشن بس عشان مايتضايقون ويحسون بالغربه . ومرات ارأف بحالهم واجيب معي اكل بيت صح صح مو مرات <<== اقولكم طار بالعجه كل ابو دايم اجيب معي اكل من البيت وشكراً ابو غلا :) |
اقتباس:
الاخت مشاعر انثى مشكورة على ترحيبك وحضورك وبكل صدر رحب باستقبل اسالتك بس الله الله بالاسئلة اللي مافيها فلسفة :) |
اقتباس:
وعليكم السلام ورحمة الله وبركاته ياهلا وغلا والله بولد ابوي تو مانور الموضوع بطلتك . . بالنسبة لسؤالك ياعزيزي هذا له حالتين 1- اذا كان ذلك النمط سيغير حياتي الى الافضل فبكل تأكيد لن أفصح عنه اقتداءً بقول حبيبنا صلى الله عليه وسلم ( اقضوا حوائجكم بالكتمان ) , وغير ذلك الناس الوقت هذا ماتعطي خير ابد , فكل ذو نعمة محسود , وربما يدفع صاحبه الى الكبرياء والغرور , وهذا منهي عنه في ديننا الاسلامي . 2- اذا كان النمط لاقدر الله الى الأسوء .. ممكن انا اقول (ممكن) افصح للقريب فقط لاغير .! والسبب هو التخفيف من الهم والحزن . ولد ابوي ليت كل الاسئلة مثل سؤالك بسلاسته على المعده :d كل الشكر لك عزيزي على حضورك وتشريفك اطيب تحيـــة |
اقتباس:
أجوبه رائعه شكلك ناوي على الوسام:) حنون من يومك يابو شوق تمنياتي لك بقضاء أسعد الأوقات البزنطيه |
بسم الله الرحمن الرحيم السلام عليكم ورحمة الله وبركاته صراحه يا بو شوق ردك على الاسئله مميز وردك دايم فيها روح الدعابه وبالنسبه للاخ الغالي القرار يوم يقول سؤالك فيه خبث انا حاب اقولك لا تاخذ السؤال من الناحيه هذي يعني اعتبره نصيحه لكل شخص يبوح بشي خاص فيه او بشي راح يغير حياته والمشكله يا خوي ان النصيحه بالوقت هذا تزعل والله لا يجيب الزعل بيني وبينك وتصبحون على الف خير |
1- هل هناك طقوس معينه وأجواء عندما تريد كتابة قصيده ؟ بكل تأكيد .. عاد هذا بالنسبه لي انا لازم اكون في جو يكسوه الصمت وعلى حسب المزاج يعني احيان اكتب قصيدة كامله خلال ساعه واحيان اكتب بيتين خلال ساعه :) 2- أي قصائدك الأقرب إلى نفسك أنا أعلم أنها جميعاً قريبه ولكن لابد أن يكون لإحداها وقع على نفسك ، ممكن تذكرها وكم بيت منها ؟ قصيدة كتبتها بعنوان حلم مكسور ماكل نفس(ن) لابغت شي تلقاه ولاكل شي(ن) تطلب النفس مقدور بيت(ن) كتبته واردف الآه بالـ آآآه من ضيقة(ن) بالصدر والحال مكسور اضحك وجوفي جمرة الهم تصلاااه وظل الشجر يغريك وان ماتت جذور 3-ماهي آخر قصيدة لك ، وعطنا منها كم بيت لو ماعليك أمر<...يضبط الأسلوب يبي كم بيت ؟ ياضوقها دنياي لاضاق صدري الشكوى لله وضيقتي مالها حل سقت القدم عميان والله مدري امشي على جمرٍ والا على زل مليت من روحي ومليت صبري حتى الصبر مني اجزم لكم مل 4- هل هناك شخص يود سلطان كتابة قصيده فيه ولم يستطع ، ممكن تذكر لنا الشخصيه إن وجدت ؟ والله يابو غلا ماذكر :) تقريباً اي شخص اريده .. ان لم تكن قصيده تكن 3 او 4 ابيات من نصيبه . أبو شوق أعتبر هذا فاصل شوي تريح فيه من الأسئلة البيزنطيه لأن ما هو قادم بيزنطي بالحيل . الله يعطيك العافيه شكرن لك ماقصرت ولا يحضرني الان الله يعافيك يالغالي .. والله يستر من البزنطه اللي طلعت لنا فيها :) |
كلك على بعظك ممتع يابو شوق ، وقصائد جميله وأبيات روعه من شاعر
يشهد له حرفه . ولد أبوي أنا فسرت سؤالك بروح بيزنطيه مرحه ، والله يعطيك على قد نيتك ويوفقك ، لكن هالنصيحه هالأيام صعب تقبلها مع أنه في السابق كانت تشترى والحين ببلاش وما حد يبيها . |
السلام عليكم والرحمه وحيالله اخوي القدير سلطان وحيالله القلب الوسيع اللي الله يعينه علينا وعلى اسئلتنا سؤالي البيزنطي يقول وش تعتبر لك المعادلات والمتراجحات { دخلنا جو رياضيات ^_^ بس عادي تغير بيزنطي جميل السؤال الثاني وش تعني لك القيلوله ؟ وهذا اللي عندي لهذا اليوم ^_^ والله يحفظك |
| الساعة الآن 01:58 AM. |
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق محفوظة لموقع قطرات أدبية 2009