|
القرار
خلهم يحطون لك أختيارات والا اتصال بصديق حالتك يرثى لها:) |
اتخيل شكل القرار وهويجاوب { معصب وكاسات القهوه هنا وهناك عشان يسهر ويبي يتخلص من هالاسئله 00
بس ماأقول إلا { كما تُدين تُدان } ^_^ |
[QUOTE=نايف الشمري;14549] من هو القرار ؟ وهل القرار هو نفسه خارج النت ؟ هو حسين ، لا لأنه حسين ، الجد هذا أنا على طبيعتي. ماهي اصعب مرحلة دراسيه مرت عليك ؟ وماهي الماده التي لايحبها القرار ؟ هي ليست صعبه بدراستها ولكنها صعبه لأني كنت لوحدي بعيد عن الأهل وكنت وقتها صغير 17 سنه عاد تخيل شكلي 17 سنه تو خاط الشارب هههههه هي ثالث ثانوي السنه الأخيره أما أطفش ماده اللي ما أحبها كل سنه تطلع لي ماده على حسب مدرسها لازم كل سنه يكون فيه مدرس غثيث:D نسمع دائما ً بلغة العيون .. ممكن تشرح لنا ماهي هذه اللغه ؟ لغة العيون طال عمرك مثلاً لما أطير عيوني عليك يعني أهجد :mad: ولا تكثر تواجد هنا متى يغضب القرار ؟ وماهي سبلك لتهداء ؟ أغضب لما الواحد يحن علي وقليل ما أغضب لأن قليل ما أحد يحن علي وإن كان حن على الأحد أقوله يا أحد تراك حنيت علي فيا أحد أركد شوي وريحنا والسبيل لتهدئتي كلمه حلوه وبس ، يحليله وش هالرومانسي:) كم تتوقع عدد النجوم ؟ وهل حاولت ان تعدها ؟ كثير يمكن سبعطعشين يومني صغير مليت وأنا أعدها حتى كانوا يقولون لي اللي يعد النجوم يطلع بعيونه نفر رحموني دائما مايصفون القمر بالجمال .. فهل القمر جميل ؟ عاد هذا أنتم يالشعراء ما لي دخل هههههههه وعلى طاري جميل .. ماهي البرامج التي يتابعها القرار في رمضان ؟ طاش أضحك عليهم وبعد برامج التقليد خاصة حسن البلام وعبدالناصر درويش أما أبو درويش حفله والبرامج الدينيه ممتعه في رمضان نبيل ومحمد العوضي وفي شهر رجب ؟ في شهر رجب أتابع المصارعه الحره :) يقولون جيتك او شوفتك ثالث الاعياد .. فهل مازالت فرحة العيد كالسنين السابقه ؟ تبقى للعيد فرحته وبهجته ، وهي ما زالت أبو ياسر كثير يقولون العيد مو زي أول حنا تغيرنا ولا الزمن ، أنا أقول حنا كبرنا والعيد فرحتوووه عند الصغار له مذاق آخر وحنا لا شعورياً إفتقدنا هذه الفرحه ونحس أن الوقت تغير والناس تغيروا <<< وش السالفه على بالي بالنقاش والله من الإدمان :) سألتك سؤال عن سبب اختيارك للون الاخضر في الكتابه ولم تجبني .. عفت هاللون بسبتك ممكن تعلمنا وش السبب في اختيارك لهذا اللون ؟ والله يابو ياسر أحسبوووه من تدرج الأزرق وأنا أعشق الأزرق ماهي عيوب القرار ؟ قلتها مراراص وتكراراً:mad: الوضوح للآخر يقولون ان الغيوم تتكون من بخار البحار .. فهل تعتقد انه صحيح ؟ نعم صحيح واذا كنت تقول صحيح .. فلما لاتتكون السحب في الصيف ؟ وذلك لأن اشعة الشمس اقوى من اشعتها في الشتاء ؟ هذا وأنا مدرس جغرافيا أشوه إنك ما انت طالب عندي بالفصل ولا كان حقدت عليك تبيني أشرح لك ليش ، بكرى أسأل مدرس العلوم مدري الأحياء هذا مايحظرني الان .. ربما تكون لي عوده وربما لن تكون لك عوده ، وهذا ما أتمناه هههههههه |
اقتباس:
والله ما أدري أنا فهيت ولا سؤالك مفهي بس الأقرب العله فيني ، إلا تبي يالصوت أنت أبوها وسمها ما نقدر نقولك إلا سم طال عمرك بس وش رايك فيهم ما كفوك |
[QUOTE=نايف الشمري;14562] القرار ماعليش هذا سؤال جاني على الطاير وش فيه سعيد غراب <<< منو هذا سامع فيه:D .. وإنت جالس في الصوره اللي في توقيعك .. لحظة التصوير وش كنت تفكر فيه ؟ كنت أفكر أني بكرى تارك هالمكان ومسافر:( ومن الذي التقط الصوره ؟ خالد ومن الذي خط أسم القرار ؟ خالد وكيف تكونت الفكره لديك بأن تخرج لنا هذه الصوره الرائعه ؟ خالد خالد ها خلصت هههههههه يا كثر أسألتك أشوفها سؤالين وكل سؤال فيه أربع أسئله:) وش يبي هذا بعد:mad:يقول عدد الأحرف اللي كتبتها لم تتجاوز عشره أحرف ها الحين تجاوز أنت بعد علي:(وش أسوي لك يعني |
اقتباس:
سؤال وجيه ولا خالد العبد الله ههههه وأنا أتحداك ما تجي هناااا هههههههه يا حبي لك النيزك :cool: |
[QUOTE=رونــــق;14566] القرار .. أختك قشرا أن راقت .. حلاتها مبوزة .. شكلها كذا اليوم على حظي كل من اللي مدد ليته منتهي قبل لا تروقين طيب خذ هالسؤال .. علشان تحلي فيه بعد الوجبة الدسمة اللي اكلتها من الشباب يعطيهم العافية الحلا والله لو تريحون وتنامون ماهي الافكـار التي تقوم بالموازنة فيما بينهما ؟ التفكير الإشعاعي لا يتقاطع دوماً من الأفكار المستقيمه بينما التفكير بخط معين يحتم على صاحبه أن يتدارس الأمر بطريقة فثاغورثيه كي لا يفقد الشخص توازنه عن سيره على خط السيرك والذي لاتستطيع أن تتعايش معه ؟ هو بذاته حينما يتواجد لا استطيع ان اتعايش معه ولو لبرهة من الزمن ، لذلك دائماً ما تجديني أحاول أن لا ألتقي معه جواً وبحراً فلذا هو دائماً يحاول مواجهتي على سطح الكرة الأرضية مما يجعلني أتقوقع بالقطب الشمالي مستأجراً لبيت من الثلج عند قوم الإسكيموا ومالذي لاتستطيع أن تعيش من دونـه ؟ هو بالطبع لا أستغني عنه مهما فعلت ومهما بدر منه لذا ومن هذه الزاوية يجب أن تكون نفس الكنبة التي رسمة وفصلت لتلك الزاوية أن تكون بمكانها انا منو انا ليش انا متى :confused: |
اقتباس:
والله يستر بعد الكافي وش يب يجي ، من وين تجيبين هالأسئله |
طيب مو مشكله حكم القوي ياست رونق
بس ما فهمته ومدري وش أكتب أفتر راسي |
القرار .. لم اجد جواب كافي ومقنع على جوابك في استخدام اللون الاخضر .. ياليت توضح اجابتك اكثر بسبب الاختيار ..
هذه الايام مرت الاجواء السعوديه بغبار على اعظم مناطقها .. ترى من اين اتت ؟ وكيف تكونت ؟ رغم ان الجوا مافيه رياح قويه ؟ تتسابق شركات الاتصال المحمول في طرح التخفيضات والإعلانات التنافسيه .. تتوقع هل مايطرح يكون تنفيذه صحيح أم هو فقط لجذب العملاء وبطرق أخرى يتم تعويض هذه التخفيضات والاعلانات ؟ المخالفات المروريه في السعوديه .. طبق فيها مضاعفة المخالفه إن لم تسدد خلال شهر من صدورها .. برأيك ماهي الاسباب في ذلك ؟ القطب الشمال والقطب الجنوبي .. أيهم أكثر إنخفاض بدرجات الحرارة ؟ الابداع شي يتمناه الكل في عمله .. فهل نحن نصنعه أم هو من يصنع منا مبدعين ؟ لك محاولة في قسم القصه سأطلق عليها اليتيمه .. كيف كتبتها .. هل كنت جالس أم منسدح ؟ اذا الواحد مر بموقف وكان بلشان .. غالبا ً مانراه يحك راسه .. مالحكمه والفائده المرجوه من حك الراس ؟ البنون هم من زينة الحياة الدنيا .. هل القرار يعطي ابنائه وقت ويأخذهم بنزهه .. ؟ وماهي الاماكن التي يذهب اليها اذا كانت الاجابه بنعم ؟ واذا كانت بلا .. لماذا ؟ قديمك نديمك لو الجديد اغناك .. هل هو صحيح ؟ ولماذا ؟ توم وجيري .. فلم كرتوني محبوب لدى الصغار والكبار .. هل أنت من المتابعين له ؟ الآن كبار السن حديثهم عن تنقلاتهم ورحيلهم أيام زمان .. أحاديث جميله ومشوقه .. ترى ماذا يكون حديثنا لأبنائنا اذا كبرنا ؟؟ وماذا يكون حديث ابنائنا لأبنائهم اذا كبروا ؟ ربما لي عوده أخرى |
| الساعة الآن 03:50 AM. |
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق محفوظة لموقع قطرات أدبية 2009