|
حيااااااااااااااااااااااااك حياااااااااااااااااااااااك اخوي خالد بس الله يرضى عليك الاسئله مثل ماقلنا { خفيفه مو دسمه} لأن الأخت نباتيه(^_^) |
حياك الله اخوي القرار
وحيالله الاسئله اللي ردت خاطري وخاصه بسؤالك عن القصيد يعني الأخت شاعره^_^ احب اردد البيت اللي دائما اقوله مدري ليه ؟ ناح الحمام بعاليات المقاصير** واهل الهوى طربين مايسمعونه عاد اذا فيه خطأ في البيت قولوا عادي! والباقي مااعرفه اخربط فيه ^_^ وسؤالك الثاني اللي يغضب مشاعر هو { اللي مايفهمني ومايعرف مشاعر وش قصدها } وصررررررررررراحه انا حساسه مو زعوله بس حساسيتي بسرعه تزول السؤال الثالث مشاعر انثى مثل ماتعرفونها غير متصنعه وأم وأخت وصديقه وأجتماعيه بالاحرى هي { ام نايف}00 وهلحين بعد شويات ننتظر غروب الشمس وظهور القمر لنذهب للمطبخ ونكمل ونحل الواجبات { اليس كذالك اخوي القرار }^_^ |
أسعد الله قلبك دوماً ، ورزقك على قد نيتك وأظبطي العشاء :) ، طيب على طاري العشى - وشو ناويه اليوم تطبخين ، ولا خفايف عادي قولي :p؟ - ما هي الطبخه التي تجيدها أم نايف ؟ - وشي أكثر طبخه يطلبونها منك ؟ - وش أخبارك مع الحلى ؟ وش فيني على الطبخ من جاب طاريه كله منك مشاعر:D |
السلام عليكم
مساكم الله بالخير كلكم من أولكم لتاليكم يعطيك العافيه إختي مشاعر ويعينك على إخوي القرار اللي ما خلاك تشوفين دربك من كثر اسئلته :) أخوي القرار خف عليها شوي حرام عليك :) وعشاني فعلا رحمتك وكسرتي خاطري من كثر ما نشّف ريقك أخوي القرار فما راح أكثر عليك سؤالين بس وانتي جالسه مع أبو نايف والعيال الله يحفظهم وقت الغدا ما حسيتوا إلا والشغاله جايتكم تقول ماما فيه أربعه رجال برا يبغى بابا طلعلهم ابو نايف وسلموا عليه وقالوله حنا ضيوفك اليوم رحب فيهم وقلطهم وجا وقال لك عندنا ضيوف يلا بسرعه اطلبي لهم غدا من المطعم وما يحتاج أوصيك وفي أثناء ماهم ياكلون اتصل عليك واحد من اخوانك وقال لك ترى الرجاجيل اللي عندكم اتضح انهم حراميه داخلين على محل ومربطين البايع وسارقين الفلوس اللي في الدرج وهربانين والشرطه تدور عليهم في هالحاله وش راح تكون ردة فعلك وهم بضيافة زوجك ؟ تتصلين على الشرطه وتبلغين عنهم والا بتحترمين حق الضيافه وتتسترين عليهم ؟ :) وسؤال بيزنطي صغنووون لو يخترعون جهاز يرجع الواحد لأي عمر يبغاه فماهو العمر الذي ستختاره مشاعر ؟ وليه أخترتي هالعمر بالذات؟ ويعطيك الف الف عافيه أنتي والقرار واخوي سلطان الشمري اللي ورطّك وخالد العبدالله اللي متحميلك بكم سؤال ههه والجميع |
حياك الله اخوي النيزك وحيالله أسألتك { مدري وش ذي الأسئله ياخوفي يتحقق اللي قلته ياخوي} انا هلحين حبيت اشكرك على تلك الاسئله اما هلحين ابي استأذنكم واجيكم جاء وقت الغروووووووووب والصلاه0 والمذاكره تريوني { على قولة اختي منى} بعد العشاء ان شاء الله اشوفكم على خير0 |
السلام عليكم أختي مشاعر أنثـى تريوني أجل .. هاه !! والله يا الصحون شكلها ماراح تتغسل اليوم .. بتنامين من تعب أسئلتنا شكلك هههههههههههههه :: 1 مجهزه نفسك وكاشخه تبين تطلعين لـ / عرس مثلا" وقبل تمشون .. جاك مساعد وكب على ملابسك عصير وش تسوين له .. و وش تسوين لك !! 2 كثيرون يحلمون بالوصول إلى الشمس والنزول على ذلك الكوكب المسمى الشمس وعذرهم في عدم الوصول .. هو أنها تحرقهم إن إقتربوا طيب .. برأيك ليه ماينزلون عليها بالليل !! 3 من خلال أجوبتك على بعض الأسئله .. إتضح لي أنك دقيقه بالأوقات يعني تمشين على النظام الأمريكي .. ومجزأه وقتك بالثانيه هل صحيح هالكلام .. أم أنك فوضويه !! 4 أيضا" من خلال أجوبتك .. قلتي إنك تلعبين بالبلايشتيشن مع عيالك ( قلتي بلايشتيشن ترى مو بلايستيشن ) تلعبين لأنك أمهم .. أم صديقتهم .. أم أنك فعلا" صاحبة الـ ( بيبي فيس ) !! 5 على طاري البلايشتيشن .. وتواجدك مع اطفالك من تفضلين أكثر .. توم وإلا جيري !! 6 طيب .. توم أي واحد البس وإلا الفار !! خ.ألـد |
والله اني اضحك الحين من اسئلة الخبيث اللي فوق خخخخخخ
حلوه بلايشتيشن . . السلام عليكم مساء الخيرات اختي مشاعر والله يعطيك العافية على حضورك الراقي كحضور (نصرنا) تحت سماء الدمام اليوم والله قريت حوارك اللطيف واعجبني كل شي فيه نظامك ... امومتك .. رحابة صدرك .. بلايشتيشنك <= لازال هذا الشخص يواصل خباثة من قبله خخخ :) . . عندي سؤال في بالي من 3 ايام ودي اسألك ياه س / لو يعود الزمن إلى الوراء .. مالذي تتمنين أن تعدليه عن مساره في حياتك .؟ س / هل نايف وأخوانه يتابعون قناة طيور الجنة بشغف .؟ << زهقته شوق بهالقناة س / في شهر رمضان .. ولو شاورك ابونايف على انه بيعزم اخوياه .. وش تفضلين أنه يعزمهم عليه , فطور والا سحور .؟؟؟ والجاي أنبت << يعني أسئلة نباتية لاتخافين خخخ |
أسعد الله قلبك دوماً ، ورزقك على قد نيتك
وأظبطي العشاء :) ، طيب على طاري العشى - وشو ناويه اليوم تطبخين ، ولا خفايف عادي قولي :p؟ - ما هي الطبخه التي تجيدها أم نايف ؟ - وشي أكثر طبخه يطلبونها منك ؟ - وش أخبارك مع الحلى حياك اخوي القرار _صراحه بالنسبه للعشا اخوي كان خفيف _الطبخه اللي تجيدها ام نايف { كبسة الزبيدي} والدقوس يمممم _اكثر طبخه يبونها { الأندومي } هذي الأمومه ^_^ وللا بلاش _اخباري مع الحلاى قصدك أكله انا موهذاك الزود مع الحلا اما كوني اعرف او لا تبي الصراحه اخوي احب اتحاور معاه وأألف منه شي ولافي الأحلام00 وفي أخر الكلام والحلى أخوي اقولك { ربي يسعدك}00 |
وانتي جالسه مع أبو نايف والعيال الله يحفظهم وقت الغدا ما حسيتوا إلا والشغاله جايتكم تقول ماما فيه أربعه رجال برا يبغى بابا
طلعلهم ابو نايف وسلموا عليه وقالوله حنا ضيوفك اليوم رحب فيهم وقلطهم وجا وقال لك عندنا ضيوف يلا بسرعه اطلبي لهم غدا من المطعم وما يحتاج أوصيك وفي أثناء ماهم ياكلون اتصل عليك واحد من اخوانك وقال لك ترى الرجاجيل اللي عندكم اتضح انهم حراميه داخلين على محل ومربطين البايع وسارقين الفلوس اللي في الدرج وهربانين والشرطه تدور عليهم في هالحاله وش راح تكون ردة فعلك وهم بضيافة زوجك ؟ تتصلين على الشرطه وتبلغين عنهم والا بتحترمين حق الضيافه وتتسترين عليهم ؟ :) حياك الله اخوي النيزك وحيالله الروح الطيبه من ناحية سؤالك اللي مدري من وين نطيت وجبته بس صراحه جميل لو صار هذا الموقف لاسمح الله اخليهم ياكلون ويشبعون ويتبخرون ومن ثم اتأكد من الخبر صحيح او لأ0 ليش اظلمهم0 وإذا اتضح انه صحيح اعطي خبر للشرطه ومدري0 يمكن يكون كلامك عكس ياأم نايف 00 وسؤال بيزنطي صغنووون لو يخترعون جهاز يرجع الواحد لأي عمر يبغاه فماهو العمر الذي ستختاره مشاعر ؟ وليه أخترتي هالعمر بالذات؟ أيه هذا سؤال بيزنطي وينه هذا الجهاز اذا هو موجود بلغني فيه لو فيه كان اخليه يرجعني لـ 18 سنه ليه { اعتقد انه سري للغايه } عاد هذا اللي مشاعر اللي تقدر تقوله0 وهذي أسئله اخوي النيزك وبيزنطيته خلصت ومدري يمكن عنده اسئله بعد { لو عنده حياه الله يمون}0 |
حياك الرحمن اخوي خالد وعوده سالمه ان شاء الله0
بالنسبه لسؤالك 1 مجهزه نفسك وكاشخه تبين تطلعين لـ / عرس مثلا" وقبل تمشون .. جاك مساعد وكب على ملابسك عصير وش تسوين له .. و وش تسوين لك !! ياهي صاااااااارت معي هالمواقف بس الشكوى لله طفل بريئ وش ذنبه 2 كثيرون يحلمون بالوصول إلى الشمس والنزول على ذلك الكوكب المسمى الشمس وعذرهم في عدم الوصول .. هو أنها تحرقهم إن إقتربوا طيب .. برأيك ليه ماينزلون عليها بالليل !! هي وينها الشمس عشان يرحولها ماكو غير ضوء تعطيه لأختها القمررر0 { الأخت عالمة فلك }0 3 من خلال أجوبتك على بعض الأسئله .. إتضح لي أنك دقيقه بالأوقات يعني تمشين على النظام الأمريكي .. ومجزأه وقتك بالثانيه هل صحيح هالكلام .. أم أنك فوضويه !! تبي الصراحه اخوي لاني كذا ولاكذا بين وبين 4 أيضا" من خلال أجوبتك .. قلتي إنك تلعبين بالبلايشتيشن مع عيالك ( قلتي بلايشتيشن ترى مو بلايستيشن ) تلعبين لأنك أمهم .. أم صديقتهم .. أم أنك فعلا" صاحبة الـ ( بيبي فيس ) !! لو بقولك يمكن تضحك احياناً نتهاوش مع بعض كل اللي يبي دوره صار دوري وقت الليل وقت نومهم وصرت الأم والأخت والصديقه 0 5 على طاري البلايشتيشن .. وتواجدك مع اطفالك من تفضلين أكثر .. توم وإلا جيري !! من أفضل احس كلهم نفس الطقه واحد انحس من الثاني0 6 طيب .. توم أي واحد البس وإلا الفار !! سؤال جداً بريئ { ترى توم جوعانه وش رايك تحطها جبنه لأنها فاطسه جوووع} وهذا وخالد خلصنا أسئلته بحفظ الله اخوي خالد |
هلابك أخوي سلطان كأني شفت كلمه عن الأخ خالد غير لايقه من اول بداية كلامك عندي سؤال في بالي من 3 ايام ودي اسألك ياه س / لو يعود الزمن إلى الوراء .. مالذي تتمنين أن تعدليه عن مساره في حياتك .؟ لو يرجع الزمن صراحه كان اغسل رجول أبوي كل يوم لأني مقهوره أحس اني مقصره بحقه كثييير { الله يرحمه} س / هل نايف وأخوانه يتابعون قناة طيور الجنة بشغف .؟ للأسف مايتابعون حتى أخر كلام عن هذي القناه والله من قبل ساعه اني احاول اعرف ترددها 0 س / في شهر رمضان .. ولو شاورك ابونايف على انه بيعزم اخوياه .. وش تفضلين أنه يعزمهم عليه , فطور والا سحور .؟؟؟ لاوالـــــــــــــــــــلـــــــــــــــه افضل السحوووور ابرك0 الأخ سلطان اٍسألتك وجاوبنا عليها بس عاد هلاالله هلاالله يالجايات |
مشاعر أنثى .. ماذا تعلمت من الشبكة العنكبوتية وماذا أضاف ( النت ) لحياتها ؟ كيف تكون اخلاقك اول ماتصحين من النووووووووم ؟ ماهو الشيء اللي تخجلين من ممارسته أمام أطفالك .؟ ماهو الكتاب الذي تنصحينا بقراءته ؟ ماذا تقولين لـ الطيوف الهاربـة لــ البوابـــة المغلقـة لــ الرمال المسافرة لــ السمـاء الباكيـة هلابك اختي رونق وتباركت الصفحه بالنسبه لأسألتك ماذا تعلمت من الشبكة العنكبوتية وماذا أضاف ( النت ) لحياتها ؟ ماذا تعلمت مشاعر من الشبكه العنكبوتيه اشيااااااء كثيره ومنها التعرف على اسرة آل قطرات بعد جمعتنا في منتدى خواطر كيف تكون اخلاقك اول ماتصحين من النووووووووم ؟ اخلاقي ونفسيتي اذا قمت من النووووم يعني تقدرين تسمينها توتر وقلق مدري ليه^_^ ماهو الشيء اللي تخجلين من ممارسته أمام أطفالك .؟ اللي اخجل من ممارسته امام اطفالي البكاء ماهو الكتاب الذي تنصحينا بقراءته ؟ اجمل الكتب انصح فيها { زاد المعاد} وكذالك كتاااب جدا جميل { الدُرر الذهبيه} من عيون القصص البازيه { من قصص لسماحة الشيخ الإمام عبدالعزيز بن باز رحمه الله} 0 ماذا تقولين لـ الطيوف الهاربـة لــ البوابـــة المغلقـة لــ الرمال المسافرة لــ السمـاء الباكيـة _للطيوف الهاربه { اقول لها ارهبي ودعيني} للبوابه المغلقه{ افتحي بابك لأسلك طريقي } للرمال المسافره{ سافري ودعي لي آثار أقدامي} للسماء الباكيه{ اللهم أغثنا من فضلك } الراااااائعه رونق سلمتِ واذا عندك اسئله فحياكِ الله0 |
الجميع أعجبتوني ، وماشاء الله عليها أم نايف شكلنا ما نقدر عليها هالبيزنطيه
العوده ، لهجة أم نايف فيها شوي من المسلسلات الكويتيه ... إلا على طاري المسلسلات الكويتية ، وش رايك بالمسلسلات التركيه ؟ وهل تعجبك تزاحم المسلسلات الخليجيه في رمضان ؟ لجميع من مر من وهنا وخصوصاً من شاركونا وسألوا لكم مني ألف تحية . |
مشاعر أنثى
ماهي الوظيفة التي تتمنينها لأبنك اذا كبر؟! وماهو معنى (بيزنطيه ) تراني اسأل من جد وأنا ماني عارف (أعرف أنها دوله قديمة بس ) ولماذا نسبت الأسئله اليها ؟ الله من التعقيد عندي:rolleyes: |
اسعدك الله اخوي القرار واسعد الله الكل من متصل ام غير متصل 0 من أكل للمسلسلات أخي القرار { لاحوووووووووووول}0^_^ من ناحية المسلسلات التركيه الحمد لله مااااااااااااتابعها بس الصراحه اسمع من الغير يسولفون فيها فلان ذبح فلان 0 وفلان غدر بحبيبته{ وبعدين؟ } صراحه مسلسلات فااااااااااشله وهابطه نوعا ما0 ومن ناحية مسلسلات رمضان { لاحول الله لو فيه احد يقدر يوصل كلامي للمسؤلين لتلك المسلسلات اللي يهتمون فيها في رمضان اقول لهم كفااااااكم 0 لأن مايصدقون خبر رمضان هووب جاء راحوا وبدعوا بهالمسلسلات { واللي يزيد الطين بلله تعمق كبير في العادات احسها مو من عوايد الخليج ككل0 مباااااااااااالغه 0 واصراحه انا مومن مؤيدين مسلسلات رمضان ولااتابعها خير شر{ يكفي هو شهر واحد ويتركنا ليش مانركز على هذا الشهر بصيامه وقيامه وقراءة القرآن} كأني طولت عليكم بهالسوالف { بس عن جد قهر يخلي الواحد يهذر على الفاضي}0 السمووووحه على طول الهرج^_^ |
/ / مشاعر أنثى كنت هنا أستمتع بأجوبتك وبما خط القلم .. وهذا ليس بغريب .. كوني كما أنتي .. تحية أهل الجنانْ لكِ يا رفيقة .. محبتي ومودتي |
هلابك الصوت المسموع الظيف اللي اتمناها لأبني { دكتور} عاد هذي امنيتي0 بس عاد هو وش يختاااار ؟ مدري سؤال يخررررع { وش معنى البيزنطيه} اللي اعرفه انهم الرومان اخترعوا الاسم على مااظن 0وتنتسب الظاهر الى الروم { مدري 0مدري} بس هذا المتوفر عندي { عاد مدري صح ام خطأ} ويعطيك العافيه اخوي الصوت المسموع0 |
الغاليه والأخت الرائعه منى
شرفتينا والله و إذا عندك أسئله فلا تترددي انا معك الى بكرى ان شاء الله فينتهي دوري { ام نايف داخله مباراة شكلها 0} |
شكرا لكِ أنتي ايتها الرائعه رونق وشكرا على ترحيبك السخي0 |
الشكر موصول لكم جميعاً ، بين الحين والآخر أجدني مستمتعاً بروح الجميع ، خصوصاً من مر على هالأسئله وكان تحت سطوتها بدأ بالمتألق خالد ومروراً بالحبيب سلطان وصولاً للرائعه مشاعر أما أنتم يامن شاركتم هنا بأسئلتكم الممتعة المفيده المسلية ، ها أنا أشكركم فرداً فرداً على تفاعلكم كما عهدتكم ، نرجع لمشاعر ... مشاعر هل إخترتي من بعدك ؟ الإجابة بنعم أو لا ، وإن كانت الإجابة نعم ، هل وافق ، وإن كانت لا ، وش تحترين :rolleyes:؟ مع نسيم الصباح وإستيقاظ الواحد بدري وهو شبعان نوم ، ومروق لك زين:p وشكله ناويك بكم سؤال ، نبدأ .. 1- منذو مبطي كانت هناك حضارات قائمه كثيره كالحضارة الرومانيه وغيرها ليس المجال لذكرها وأندحرت رغم قوتها وتلاشت وبعدها أتت الأمبراطوريات كالبريطانيه وتلاشت أيضاً ، ومن ثم القوى كالإتحاد السوفيتي وتفككت وضعفت ( مشاعر لا تدققين ترى مدري وش السالفه للحين مدري وش السؤال بس أكيد بالطريق راح يطلع ) وين وصلنا بسالفتنا إيه القوى العظمى الحين عاد أقوى شيء أمريكا بالعالم ، هل تعتقدين بأنها ستسقط من خلال أن التاريخ شاهد على ذلك ومن خلال سقوط من قبلها ، وبإعتقادك وتوقعك هل هو بعيد سقوطها ، ومن هي الدولة التي ستظهر بعد امريكا كقوة تقود العالم مثلها حالياً ؟ بعد عشرين سنة كيف تتخيل مشاعر نفسها ؟ ماهي حكمتك بالحياة ؟ إلى هنا وسأكتفي هذا الصباح ، ودامت صباحاتك كلها بخير . |
السلام عليكم أختي مشاعر انثـى ولأني متمتع حاليا" بإجازه لله الحمد و الشكر .. فتحمليني ودي أبين لك شي أول .. كلمة ( لاحول الله ) ترى فيها شك وأنا أخوك تأتي بمعنى ( أن الله لاحول له ولا قوه ) ! قولي ( لاحول إلا لله ) وترى حتى أنا لازلت أصارع نفسي على هاللفظ .. الله يعينا وياك 1 ذكرتي أن المسلسلات التركيه .. وحتى الخليجيه .. تدمر الشعب أو هكذا فهمت فلم هذه الجرأه برأيك .. لضعف الرقابه أم أن الرقابه تريد ذلك !! 2 هناك من ينادون حاليا" بـ ( تشغيل ) المرأه السعوديه كـ ( خادمه منزليه ) هل انت مع ذلك النداء .. أم ترينها ( حركه علمانيه جديده ) لإدخال المرأه السعوديه بيوتا" غير بيتها كما يصرح بذلك ( المتدينون ) !! 3 على طاري المرأه .. ليه دايم تتشكى !! أول كنت أسمع إن الحرمه ماتتكلم ولاتقول شي .. و تستحي ألحين صارت البنت تتشكى من أول عمرها يعني تلقينها بالـ 17 مثلا" .. وتتشكى إنها دبه والثانيه تقول انا نحيفه .. والثالثه ودي أصير بيضا شوي ليـه !! ( ترى عندي الدليل لاتحاولين تنكرين ) ههههههههههههههههههههههههههههه 4 <---- يتلفت بغرفته يدور شي يسألك هههههههههههههههههه إيه .. الثوب السعودي .. هل تتمنين تغييره لشئ آخر بأن يصبج كزي رسمي !! إذا إيه .. وش هالزي الجديد وإذا لا .. ليه ! 5 يسعـد صبآحك .. ورد <---- تو الناس خ.ألـد |
هلا بك اخوي القرار وبسعدك ربي
بس ماتقولي من وين طالعلي بالاسئله هذي0 الله يهديك بس (^_^) يلله نروح لسؤالك اخوي هل تعتقدين بأنها ستسقط من خلال أن التاريخ شاهد على ذلك ومن خلال سقوط من قبلها ، وبإعتقادك وتوقعك هل هو بعيد سقوطها ، ومن هي الدولة التي ستظهر بعد امريكا كقوة تقود العالم مثلها حالياً ؟ كل اللي اقدر اقوله ان امريكا ان شاء الله وبحول الله امريكا تسقط ويسقط معها الديمقراطيه 0 وينتصر فيها الإسلام بإذنه تعالى 0 وبس { تراني ربة بيت}^_^ بعد عشرين سنة كيف تتخيل مشاعر نفسها ؟ إذا الله عطاني عمر وعافيه وتزوجوا عيالي اتخيل نفسي أكون جده { الله المستعان}^_^ ماهي حكمتك بالحياة ؟ لاتؤجل عمل اليوم إلى الغد0 ونسسسيت اقولك اخوي القرار بالنسبه لموضوع اختياري للعضو{ صراحه مااخترت 0بس حبيت أوكلك اخوي انت اختار اللي تبيه0 اما عني انا فلا ارجوا المعذره}0 |
حياك الله اخوي خالد
ومساء الخير لك ولكل الأعضاء من الحاضر والغايب0 نتنفس مع اول الأسئله 1 ذكرتي أن المسلسلات التركيه .. وحتى الخليجيه .. تدمر الشعب أو هكذا فهمت فلم هذه الجرأه برأيك .. لضعف الرقابه أم أن الرقابه تريد ذلك !! بالنسبه لسؤالك اخوي احس ان الأثنين معاً0 ضعف الرقابه 0 وهذا مؤكد ان الرقابه تُريد ذالك من الحريه وغيرها 0تُريد التفتح للفتيات من جميع النواحي0 وكذالك تُطالب تحرير المرأه من لبساها وعفتها0 اللهم سلط عليهم عذابك يارب0 2 هناك من ينادون حاليا" بـ ( تشغيل ) المرأه السعوديه كـ ( خادمه منزليه ) هل انت مع ذلك النداء .. أم ترينها ( حركه علمانيه جديده ) لإدخال المرأه السعوديه بيوتا" غير بيتها كما يصرح بذلك ( المتدينون ) الله لايجيب هذا اليوم وتصبح المرأه السعوديه عامله منزليه في إحدى المنازل 0 وإن وجد فلايسعني الا ان اقول الله يصبرها لأن برأيي ماتجرأت وبحثت عن تلك الوظيف الا وهي بحاجه لها لتوفر لها ولإبناءها العشيه من لقمة العيش والسكن0 فلااريد ان اتحدث كثيرا عن ذاك السؤال لما له من ألم يُحزن عليه 0 3 على طاري المرأه .. ليه دايم تتشكى !! أول كنت أسمع إن الحرمه ماتتكلم ولاتقول شي .. و تستحي ألحين صارت البنت تتشكى من أول عمرها يعني تلقينها بالـ 17 مثلا" .. وتتشكى إنها دبه والثانيه تقول انا نحيفه .. والثالثه ودي أصير بيضا شوي ليـه !! ( ترى عندي الدليل لاتحاولين تنكرين ) ههههههههههههههههههههههههههههه والله انااللي اشوفه موبس المرأه الي تشكي 0 اشوف الرجل والطفل وهذا وذاك0 ويمكن انت ركزت على المرأه بالذات لأنها تشتكي لرجل مثلا لانه فعلا تحس انه يحتويها ويستمع لها لأنها تحب الشكوى { رغم ان الشكوى لغير الله مذله} عاد شنسوي ^_^ 4 <---- يتلفت بغرفته يدور شي يسألك هههههههههههههههههه إيه .. الثوب السعودي .. هل تتمنين تغييره لشئ آخر بأن يصبج كزي رسمي !! إذا إيه .. وش هالزي الجديد وإذا لا .. ليه ! تلفت على كيفك اخوي بس انتبه على التسريحه لاتنكسر لأنها جديده{ تبي تبين الأخت ان تسريحتها جديده} ^_^ بالنسبه لزي المرأه السعودي يكون في علمك ماكو شي اسمه زي سعودي كل شي تغير0 انا ماأقول ماكو ابدا 0 انا اقصد انه ماعاد يُعترف فيه الاناااادر وقت المناسبات وغيرها 0 { تراني علمتك مو اذا تزوجت تكون ماتعرف }^_^ الزي الجديد من جميع الاصناف0 **** الخالد ربي يحرسك ويحفظك0 |
لكل من مر هُنا بدون استثناء
لكل من القرار صاحب البيزنطيه ولكل من سأل سؤاله الطيب ولكل من عاود الأسئله مره اخرى من الأخوه والأخوات اقول لكم ســــــــــــــــــــــــــــــــــــامحوني اذا قصرت بحق احد او مارديت على سؤال احد منكم او اخذ على خاطره مني بأي كلمه تراني عفويه وطبعي كذا ماعرفت المشاعر التصنع من لهجة كلامها0 ولاتصنعت بروحها التي ظهرتها امامكم0 لكم مني اعذب التحيه وفاااااااائق الاحترام وشكرا على تفاعلكم الأخوي { ونعم روح الأخوه هنا} شكرا على روحكم الرياضيه التي لمستها هنا مع تلك البيزنطيه التي اسعدتني والله مع حواراتكم الرائعه فأرجوا من العلي القدير ان يوفقنا وأياكم إلى فعل الخير0 ليس لهدف ما ! إنما لبث روح الأخوه الصادقه 0 وروح المحبه الدائمه0 ربما تكون هذه آآآآآآآآخر مراحل الأسئله التي اسعدتني 0 فأرجوا السموحه من اخوي القرار من عدم اختياري للعضو الذي يتبعني { فالبركه فيكم اخوي} فأسمحوا لي ايها الأخوه والأخوات ان أقدم لكم هديه مني لكم والتي ربما ليست لها مناسبه { لكن! هي من باب المحبه} وحفظكم الله تعالى 00 اختكم في الله مشـــــــــــــــــــــــــــاعر أُنثى http://www.m5znk.com/up2/uploads/ima...658ed38660.jpg |
السلام عليكم
أختي مشاعر أنثـى وين !!! تو النـاس .. باقي لك بكرا قلنا الأربعاء آخر يوم .. وحنا تونا قبل ساعه دخلنا الأربعاء أبقوم أنام .. وأبجي الصبح بإذن الله أسئلك للحين ماطلعت حرتي فيك .. اصبري هههههههههههههههههههههههههههه باقي لك الأربعاء .. يعني اللي يبي يسأل يتفضل .. ماعليكم منها تبي تتهرب ههههههههههههههههههههههههه خ.ألـد |
(*_* ) عيوني تبي تبكي من سوء فهم اخوي خالد0 ^-^ بس مااااعليه { يمووووون والله اخ عزيز وغالي}
هلابك اخوي خاااااااااااااااالد عن جد اضحكتني والله والله ياخالد مو تهرب ولاشي بس كذا يعني تمهيد للغد اللي يبي يسأل يتفضل حيااااااااااااااااااااه الله والله يعيني ويعينكم0 طيب حط سؤالك وروح نااام { شكل الأخت تبي تقضي على الاسئله بأي طريقه ^_^ يلله انتظر رومانيتكم 0 |
أول شيء ليس لك الحق في إنهاء الأسئلة قبل وقتها ، ولا تبين تهربين ههههه
وثاني شيء لازم تختارين أحد بعدك أنتي تختارينه لازم أنتي أخت مشاعر وثالث شيء إليك هالأسئله ... ماذا تتمنى مشاعر تحقيقه هذه الأيام ؟ ما الشيء الذي تمنته مشاعر وتحقق لها ؟ وما الشيء الذي تمنته ولم يتحقق ؟ على فكره عليك إنذا كرت أصفر . |
حياااااااااااااكم الله
وحيالله الوجوه الطيبه0 وحيالله أخوي القرار اللي شكله مانام أمس بس يدور على أسئله للمشاعر (^_^) المهم تمت الموافقه على عضوه رااائعه عضوه لها من القلم براعه ونمط جميل تتنفس شوقا0 وتطرب للحرف نغمه رائعه { انها الرائعه الهيام} فحياها الله 0 وهي سوف تكون معكم غداً بإذن الله 0 { اللهم بغلت اللهم فاشهد}0 *** نجي هلحين مع مشاعر ومع أسئله الأخ القرار0 ماذا تتمنى مشاعر تحقيقه هذه الأيام ؟ صراااحه اتمنى تحقيقه رؤية أمي حفظها الله لأني من فتره ماشفتها ما الشيء الذي تمنته مشاعر وتحقق لها ؟ صراحه من 11 سنه أدعي الله أستغفر واستغفر فجاء يوم رمضان وتحيداً مع الفطور واقسم بالله اني دعوت انه يتحقق وإذا بالهاتف يخبرني بإن اللي كنت ادعووووه تحقق { لاإله إلا الله محمد رسول الله} تبون الصراحه ادمعت عيناي الآآآآن0 {عاد ماني قايله وشو} وما الشيء الذي تمنته ولم يتحقق ؟ صررررررررراحه فيه بس سررر{ مدري وش فيني كل شي ماني قايله وماني قايله} وخلصنااااا من القرار0 يلله اخوي شيل الكرت الأصفر اللي ماني عارفه شي فيه اسمع عنه في المباراة { ممكن اعرف ليش في المباراه كرت اصفر} { عاد هلحين مشاعر تسألكم}^_^ |
السلام عليكم أختي مشاعر أنثـى سلامة عيونك .. بس والله على طول قمزت انام ما قريت ردك إلا ألحين المهم .. خوذي هالأسئله حقت القايله خخخخ :: 1 ماشاء الله عليك .. واضح من خلال كثر الأسئله أن لك شعبيه مهمه بالدوري السعودي .. لذلك لو تجرأ أحدهم وسألك عن عمرك بتجاوبينه صدق وإلا تلفين و تدورين معه !! 2 الصبح كنت بمحل أشتري .. تقريبا" الساعه 11 المحل قريب من السوق شوي إلا طبوا أربع بنات .. تقريبا" ببداية العشرينات .. مرتبكات دخلوا ما اشتروا ولا سألوا .. بس دخلوا كذا مبين إن وراهم شي ! كنت أبحاسب واطلع .. إلا فيه سياره برا فيها اثنين شباب .. توقعت إنهم عشانهم ويبون يتحرشون .. لكن قزيت إن وحده منهم معها علبة ببسي زي حقت ماكدونالدز والطقه هذي .. اللي تكون العلبه كبيره عرفتيها ! عرفت إنهم طالعين من ( سماح سنتر ) اللي قريب من المحل اللي أنا فيه يعني بنات بالعشرين .. ومعهم شنط زي حقت بنات الكليه .. وطالعين من المول .. معناها أكيد منحاشين من الكليه لو كنتي مكاني .. من كنتي تحاسبين .. الشباب اللي برا يبون يتحرشون .. وإلا البنات اللي انحاشوا من الكليه ورايحين للمول يتمشون ويفطرون !! 3 أبي ألحين تكتبين لي بيتين .. على قافية ( ـآس ) 4 لو قال لك أبو نايف أبي آخذك أسبوع .. نتمشى انا وإنتي بالسعوديه وش تختارين له من المدن عشان تزورينها !! خ.ألـد |
ونعم الإختيار الإخت هيام وحياها الله
ونحن بإنتظارها جميعاً ... ومشاعر الطيبه ما قصرتي ، وما راح نخليك إلا لما ينتهي وقتك ... تحياتي لك من الأعماق . |
هلابك اخوي خالد
والله شكلك انت والقرار حتى في الحلم تحلمون بالاسئله الله يعين يلله نروح للأسئله0 1 ماشاء الله عليك .. واضح من خلال كثر الأسئله أن لك شعبيه مهمه بالدوري السعودي .. لذلك لو تجرأ أحدهم وسألك عن عمرك بتجاوبينه صدق وإلا تلفين و تدورين معه !! أعترف بالعمر لييييش لأ { هو كله عمر ^_^ عمري سلمك الله راح أخلص 31 سنه} 0 يعني عجيز باقيلها ان شاء الله 9 سنوات وتصير 40 سنه { اللهم نسألك حسن الخاتمه} أأأأمين انا وأعضاء قطرات 2 الصبح كنت بمحل أشتري .. تقريبا" الساعه 11 المحل قريب من السوق شوي إلا طبوا أربع بنات .. تقريبا" ببداية العشرينات .. مرتبكات دخلوا ما اشتروا ولا سألوا .. بس دخلوا كذا مبين إن وراهم شي ! كنت أبحاسب واطلع .. إلا فيه سياره برا فيها اثنين شباب .. توقعت إنهم عشانهم ويبون يتحرشون .. لكن قزيت إن وحده منهم معها علبة ببسي زي حقت ماكدونالدز والطقه هذي .. اللي تكون العلبه كبيره عرفتيها ! عرفت إنهم طالعين من ( سماح سنتر ) اللي قريب من المحل اللي أنا فيه يعني بنات بالعشرين .. ومعهم شنط زي حقت بنات الكليه .. وطالعين من المول .. معناها أكيد منحاشين من الكليه لو كنتي مكاني .. من كنتي تحاسبين .. الشباب اللي برا يبون يتحرشون .. وإلا البنات اللي انحاشوا من الكليه ورايحين للمول يتمشون ويفطرون !! هذي الحركاااات اخوي متداااوله بكل مكان لاحول الله { صراحه الشرهه على البنات هم أساس البلا أحيااااااااناً {طالعه بره وأكيد الدلع والتغنج0 والضحك والقهقه هي وراء سريان الشباب وراهم0 شكل الأهل محد درى بهم 0 يعني بالله داخلين محل لامشترى ولايحزنون يعني وش يبون{ عرفت اللي يبونه اكيد شافوا واحد ملتحي ومحترم قدامهم ارتبكوا يبونك تطلع بأي طريقه} عشان ياخذون حريتهم{ يارب احفظ بناتنا وبناااات المسلمين يارب0 3 أبي ألحين تكتبين لي بيتين .. على قافية ( ـآس ) ماعندي هذي الأيام قصايد { الرصيد خلص ^_^ }عذراً اخوي 4 لو قال لك أبو نايف أبي آخذك أسبوع .. نتمشى انا وإنتي بالسعوديه وش تختارين له من المدن عشان تزورينها !! هو صراحه قال { ونوينا ان شاء الله السفر للشرقيه وللبحرين الأسبوع الجاي } { بمشيئة الله } ولو عن كيفي ودي اروح { آخذ عمره لأني مارحت إلا مره وحده بالعمر0 ادعولي اروح للعمره بدال الشرقيه } يااااارب يااااارب وسلامتك اخوي خالد وشكراً على أسألتك الراااااااااااااااااائعه 0 |
تموووووووووون اخوي القرار
بس مو دسمه الأسئله الوداااعيه تكون سهله صح (^_^) |
.
. موضوع رائع جداً تابعته و راقني ما وجدت فيه :) شكراً مشاعر أنثى على أختياري يا نقاء و أتمنى أن أفيد و أستفيد هنا ( قليل رحمة أستجديها قبل البدء :( ) لكلكم اللوتس و أمسية دافئة و هادئة آل قطرات ..!! . . كنت أنا الهيـام |
السلام عليكم أختي مشاعر أنثـى أعذريني ماراح أرحب بالهيام لين يجي دورها .. لكن ونعم الإختيار مادام ان موضوعنا راق لها أكيد بنشيب براسها هنا ههههههههههههههههههههههههههههههه 1 يبدو لك أنك بدويه .. وبحكم خبرتي بالـ ( بدو ) .. مامدى تقبل المجتمع حولك ممن يعلمون أنك من رواد النت بشكل عام !! 2 إنتي من وين .. ! <--- يحسبك من الشرقيه خخخخخ 3 الكويت توها تاهلت لكأس آسيا .. وبما أن فيك عرق كويتي ( يالبيه يا هالعرق ) كح كح أبي بيتين بمناسبة هالتأهل للأزرق الكويتي <--- ماسكه معه إلا تكتبين له لو بيتين 4 تحبين ريحة الحطب !! 5 ابي اسم دهن عود حلو .. وأبي إسم المحل حقه و يمكن أرجع ههههههههههههههههههههههه خ.ألـد |
السلام عليكم ............... حيالله أم نايف ... تصدقيين .. تعبت لما لقيت .. سؤالي .. وإجاباتك .. رغم أني قريتها سابقا ;).. بس لأنشغالي .. بعالمي المهني . وحياتي مع من حولي .. سببا لعدم الدخول .. مضطرة ..
المهم .. الي فهمته .. أنه (انفلتي من بقيةالبزنطية ) قبل أربع دقائق بالضبط .. حسااااااااااافة .. بس ما كوا فكة .. حبيبتي ..عشان أرد على سؤالك ... مالمقصو بسؤالي بصورة أوضح : أقصد .. أنت جعلت لك أسما مشاعر .. فما المشاعر التي تحرك المشاعر .. والذي كان سببا لأختيارها .. أسم مشاعر .. أنثى .. يعني : ترجمي مشاعر المشاعر ؟؟ الآن ... لا تحاااااااااااااااولين .. بأنتظر .. الإجابة .. سلاموا يا الغلا.. أما الهياام ............ فسأفيض ما يتوق فضولي .. لأعرفها .. وسأعرفها .. :) تحياتي لكما ..............تووووووووووووووت:cool: |
هلااااااااااااااااااااا أخوي خالد
عن جد ضحكت يوم شفت أسألتك قلت أكيد الوقت خلص ومافي أسئله يوم جيت ولقيت أسئلتك تنتظرني ^_^ بما أنها آآآآخر أسئله من غير شر عليك وعلى باقي الأعضاء أبي أروق عشان الأسئله خفيفه 0 بسم الله0 1 يبدو لك أنك بدويه .. وبحكم خبرتي بالـ ( بدو ) .. مامدى تقبل المجتمع حولك ممن يعلمون أنك من رواد النت بشكل عام !! من هذي الناحيه أخوي مافي أحد بها الوقت مايعرف شي الكل يعرف النت والكل يعرف المنتديات واعتقد مافيها شي عند البدو 0 والحضر 0 2 إنتي من وين .. ! <--- يحسبك من الشرقيه خخخخخ أنا من بقااااااااع الأرض 3 الكويت توها تاهلت لكأس آسيا .. وبما أن فيك عرق كويتي ( يالبيه يا هالعرق ) كح كح أبي بيتين بمناسبة هالتأهل للأزرق الكويتي <--- ماسكه معه إلا تكتبين له لو بيتين شوف أخوي خالد تراني مااحب الكره 0 وليش اكتب عن الكويت تراني سعوديه { قلنا ولادة الكويت بس} جوازي أخضر { ^_^ } 4 تحبين ريحة الحطب !! ريحة الحطب احبها مثل حبي للعود { البخور مدري ليه احس فيها طعم 0 صار أكل صح ^_^ 5 ابي اسم دهن عود حلو .. وأبي إسم المحل حقه تبي دهن عود كل دهونات العود طيبه وممتازه عندك دهن عود{ بورمي معتق} يمكن أرجع ههههههههههههههههههههههه وتبي ترجع بس أحس أن الوقت أنتهى ( ^_^) ودمتم سااالمين0 |
هلاااااااااا والله بإختي تووووووووته ومنوره بعد0 وبالنسبه لسؤالك توي فهمته ^_^ انا أخترت وغيرت اسمي لأسم مشاعر والله مدري يمكن يكون حنين الشوق والمشاعر 0 انا عن نفسي مدري ماشاء الله عليكِ اختي مانسيتي سؤالي0 وتسلمين يالغلا على إعاده صيغة السؤال0 ودمتي سالمه0 |
السلام عليكم أختي مشاعر أنثـى هل هناك أخف من ( الكلام الطيب ) على القلب !! صدقيني كنتي خفيفة على قلوبنا كالكلام الطيب الله لايحرمك السعاده وين ماوجهتي .. الله يسعدك .. ويرزقك على قد نيتك ياحظ أبو نايف .. وعياله .. بطهارة هالأنثى اللي معهم ليتك رجل :rolleyes: خ.ألـد |
السلام عليكم ولأن هالموضوع موضوعنا كلنا كما قال القرار فبعد إذنه .. سأبدأ الترحيب بـ الهيـام ستكون معنا حتى السبت بحول الله ولأني من الذين لايعرفونها حق المعرفه .. وقليلا" ما أقرأ لها فـ سؤالي من انتي .. تكلمي بإسهاب وبوضوح أريد نبضه تفصيليه عنك .. عمرك .. أين تسكنين .. إسمك لو أردتي أي شي .. وكل شي فقط لأعرف من أين أبدأ معك فيما بعد (^_^) خ.الـد |
حيااااااااااها الله
اختي هيام ننتظرها 0وننتظر تنفسها مع البيزنطيه الررررررررائعه0 |
| الساعة الآن 02:05 AM. |
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق محفوظة لموقع قطرات أدبية 2009