|
أهـــلا بالتـوت,,
إليك أسئلتي .. هل تعتقدين بذكورية المجتمع هنــا ؟ اذا كان جوابك نعـم فإلى أي مدى وإذا كان لا فلــماذا ؟؟ بعيـداً عن المؤثرات الخارجيـة بشتى أشكـالها, هل كـان باستطاعة التوت تحقيق أحلامـها ؟ أو بعضـا منـها ؟ وأخيـراً,, جملــة تصفين بهـا الوضع الحــالي من منظورك "أي مما تعني لك هذه الجملـة أو أول شي يخطر ببالك عند قـرائتـها"؟ .. بانتظارك ,, لا في ســؤال بعـد وش تعني لك حلا؟؟ أمزح :pمجرد استضراف |
حلو حلا بديتي تسخنين ، بس أدري إنك راحمتها <<< يبيها تجلد توته كل هذا ومو مكفيه حقد بعد سالفة الأصفر والأسود ، خلي الاصفر والأسود ينفعك :mad:.
إستلمي هالكم سؤال على الطاير ولو ما عندي تحضير كان وريتك الشغل :eek: 1- كثيراً ما يخاطبنا المذيع بأعزائي وهو لا يعرف أحد منا ، هل تستسيغين مثل هذا الأمر وتتقبلينه ، وهل يغضبك المذيع في تلك اللحظه وتحسين إنه نصاب ؟ 2- يقال وهي حقيقة لا تتكلم وأنت غاضب فعندها ستقول أعظم حديث ستندم عليه ، نؤمن بمثل هذه الأقوال ونعرفها جيداً ولكن لماذا تطبيقنا لها قليل وننساها ولا نتذكر ذلك إلا بعد وقوع الفأس بالراس وعلى طاري الفأس بالرأس ليش ما يقولون عندما يقع الفأس بالرقبه مثلاً ، وليش ما يقولون للسياره ببسي وللببسي سياره <<< وش دخل أبو الببسي والسياره والفاس والراس والرقبه بالسالفه :confused: ؟ 3- توته بما أنك مدرسة ولك خبره كما أعتقد لو جاك طالب ( طالبه ) من هاللي مدري وش لون قايل <<< عاد عليهم أسئله وكل يوم يسألك وما ودك تفشلينه وش السوات معه وخصوصاً أسئلته ما لها حل وش التصريفه <<< ومنكم نستفيد ؟ 4- الحب يولد من لا شيء ويموت بأي شيء ، وحنان المرأة أقوى من قوة الرجل جمل تقال هنا وهناك ، أنتي ماذا تقولين عن الحب والحنان ، وهل تتوقعين أن أقرب طريق لقلب الرجل معدته وعلى طاري المعده ، هل تحبين تقيلين الظهر وماذا تعني لك طاسة لبن الظهر بعد الكبسه والمكيف بارد ؟ 5- لا وجه المرأة ولا لسان الرجل دليل على الحقيقه ، إلى اي مدى تتفقين معي بذلك ، وهل الحقيقة مغيبة على الساحة السياسية في دولنا العربية أم انه بعد الإنفتاح الفضائي ترين أن الامور باتت مكشوفة وان ما كان في الماضي محرم معرفته اصبح اليوم متداول عند غالبية الشعب <<< ما عليه تحملينا:p ؟ فيه بعد اسئله كثير لكن نشوف ردت فعلك للحين تتحدين وتستفزين البيزنطيين ولا راح تستسلمين ياتوته :D . |
اقتباس:
أخرتها .. ضرب كبسة .. أكيييد .. مرور سريييع بالنت .أحيااانا بل ونااادرا . ثمن نووم وأحلاام بالوصف الرائع .. بس ليته الجنة .. يارب .. وكل البيزنطيين وكل من قرأ حرفا .. أشوى .. عدت بسلام هنا ..:o>> ما أدري لييه يحزني هالفيسس .. أحسه ضعييف .. خخخخ |
اقتباس:
يا سلاام على السؤال ... البيزنطي .. الخفيف كخفة صاحبه .. مؤسسها مجهوول الهوية .. أغتاله حسيين الشمري .. . حتى يسييطر على دولة بيزنطة .. :cool: فهلموا يا رجال .. ونساء العرب .. للاقتصاص من قاتل الحاكم البيزنطي >>> تبي الفكة .. بعد النثرة الي نثرة بالأسئلة أخوي الظاهر أن كنت ما ني ناسية .. متاهة سوت بحث .. عنه وتعريف .. سلها بارك الله فيك وخلنا بحالنا .. حنا وعربي ... وليتنا نحيك فنه .. ونجيد صنعته .. :( |
اقتباس:
لا عاد من جد ..الحين .. قيل أن أحببت شخصا فأعترف له .. وأنا اعترف . أحترامي .. وتقدير .. ومحبتي .. للمنى .. فكيف خلقتي ذلك .. يا غالية >> قلبتها عليها ..:p منى .. أستاذتي الرائعة .. أتشرف وكثيير ا.. أن أجد لكتاباتنا ذائقة .. مستساغة .. وان كانت مجرد محاولات ..:) فلذا أطمع بحضوركم .. لعلنا منكم ننهل معيين ثقافة باتت واضحة للعيان .. |
اقتباس:
|
اقتباس:
أنت للحين مستخدم أساليب الحرب النفسييية .. وتدعي علي .. آآآه ما ألومك .. بأرض الرياض .. وتنهزمووون والله مسسسخرة .. خخخ .. (حسيييت أني واحد من أخواني ..الله لا يشغلنا إلا بالطاعة .. ) .. وأنا .. هنا .. انتظر .. فلم يخرس السجن .. الرومي .. بسجنه .. والبارودي بمنفاه .. والقرني .. وتفاؤله .. |
اقتباس:
|
توته..
1-بدون زعل .. كم ريال في مخباتك ..؟؟ 2-ولوجالك شحاذ .. كم بتعطيه منها ..؟؟ 3-واذا ماعطيته .. وش بتشترين بالظبط ..؟؟ 4-واذا هذا الشي اللي اشتريتيه جاك نفس الشحاذ وطلبه منك هل بتعطيه ..؟؟ كذا بس على الطاير لاني مستعجل ..؟؟ |
نسيت ..
وش احلي مسج وصلك هذا الأسبوع من جوالك لو سمحت ..؟؟ |
حيا الله الشادي .. الحيين .. تركت الصفحة دقيقة بس .. أستلمتن .. يالرسام .. برجعلك .. بس خلني أخلص .. من حسييين . صمت حبيبتي أنت .. بس أكتفي .. بالقراءة .. واضحكي أن فيه شي أضحك .. وأدعيلي خيتوا ..
|
اقتباس:
تبيين تعرفين .. أعطييتك أياه هدية .. فتشي بداخله وبتعرفيين:) |
سلاااااااام ابله توتة ان شاء الله طيبه
عندى كم سؤال >> متحمسه البنت واخيرا طاحت في يدها ابله 1_ سؤال ليش ما صارت للمعلمة هيبه مثل قبل 2_ امنيت حياتى اكون مدرسه بس للأسف مجال تخصصى غير واكون مدرسه بنفس المدرسه اللى تخرجت منها السؤال هنا ؟؟شعورك لو صرتى مدرسه بنفس مدرستك اللى تخرجتى منها 3_ لا اسمع لا ارى لا اتكلم متى تقولين هذا العباره 4_ ماذا يعنى لك الصمت |
يسلمـــون لي الدبلوماسيين ياناس ;)
وتلــوموني فيهـا! بصـراحة ما شاء الله عليك يالتوت نفسك طويل ما شاء الله على كل هالأسئلــة,, ما اخطيت يوم قلت قـــدهــا :) تصبحين على خير مع اسئلة جديدة ان شاء الله ;):cool: |
http://www.zilfawi.com/vb/imgcache/115538.imgcache.jpg { احس ريقك نشف }بعطيك مويه هذا اللي اقدر اعطيك اياه { بلا اسئله بلا تعب } كسرتي خاطري إذا المويه صارت حاره قوليلي عشان اعطيك ثلج { كان الله بعونك } { تراني ميته ميته ضحك }مدري ليش؟ |
أي هين قدها ، ما أدري ليش حاس التوت تونس روحها
شكلها تقول أنا وش قردني ووافقت ، ويعني على بالك تبين تحرجيني العدد والمعدود ، أنا أوريك ما تتوبين إنتي ها:mad:. العدد والمعدود ها ، لا تخليني أجيب لك أسئله بتخصصك لكن من العهد البيزنطي أخليك من بكرى تطلبين تقاعد :D. |
اقتباس:
طالبتك .. يا بن أخي .. لا تكثرن .. دااارية أنك راااجع .. بس .. خف علي . حراام عليك . الله لا يبلانا .. 4- ما ادري 3 ساعات .. وانا على ذا الماخوووذ .. .. والطقطقة .. براسي .. حااسة أني بقووم من النوم .. أتحلم .. بلوووحة المفاااتيح .. أبو غلا ... حقيقة ................. اسعد اللأأأأأأأأأأأأأأأأأأأأأأأأأه .. قلبك .. وتغشاك بمحبته .. لينزل .. في قلوب عباده .. حينما ينادي .. منادي .. أني أحببت فلااانا . فأحبووه .. أخ أعتز به .. ولا شك ..:)>>>خف علينا هاه .. خف .. |
السلام عليكم ..
سأطرح أسئلتي على طول .. بما أن هناك عُلماء يسخرون كل وقتهم وربما عمرهم في التجارب قد تكون فاشله وغير ناجحه .. فما هو رأيك .. هل تستحق هذا التجارب ضايع العمر ؟ رغم ان هناك ماهو فاشله لاتنجح .. وهناك ماينجح ولكن بعد ان قضى جل عمره فيها .. فلن يسعفه باقي العمر على الاستفاده منها .. وبما يفكرون به بإعتقادك ؟ وكيف فكر في هذه التجربه ؟ وهل تتوقعي ان لوقت الفراغ دور في أن الواحد يسوي تجارب ؟ وهل جاكم مطر هاليومين ؟ أيضا هناك سؤال بسيط قد يكون الاخير في تواجدي هذا ولكن لااتوقع ان يكون الاخير في هذا الموضوع .. الحيوانات كثيره وأصنافها وأنواعها كثيره أيضا ً .. الخروف يختلف شكلا ً في الخليج عن سوريا عن استراليا .. بودي افهم ليش تغير شكل الخروف في استارليا عن الخليج .. رغم انه من سلاله واحده .. أيضا ً هناك الحيوانات آكلات اللحوم .. لو أخذنا مولود لبوه في أول يوم ولادته .. هل بإستطاعتنا تربيته ليكون من آكلات الاعشاب ؟ اذا حرمناه من البدايه من اللحم .! وأطعمناه الاعشاب ؟ وهل سيأكل الاعشاب ؟ انتهت اسئلتي .. وبالتوفيق |
اقتباس:
ماذا دهاك يافتاة العــرب!!! سحقاً لذالك الكيبورد جعلك تتمردين على وجد..هع هع:p ولكن هه وع قلبك وبقعد وبسأل وبسوي الي براسي..خخخخخخخخخخخخخخخخخخ ....... وهذي بيزنطيتي!! العمل والكسب ...أم الاعتماد .ماهو الاكثر في مجتمعنا في نظر التوت ..هل يغلب على الشاب والفتاة ان يعملون بجد ويتلذذون بمكاسب ايديهم أم الأعتماد على الوالدين؟؟وكم نسبة كلاً منهم بمجتمعنا؟؟ ... بالنهار نرا النور يعم ويرجع السبب للشمس وفي الليل الظلام يعم.. ولكن نجد ضوء القمر يحيط بنا .. وايضاً نرى النور بأوجه من نحب.. حتى لو رأيناهم بعتمه قاتمة نرى نورهم..وسبب ذالك القلب..ماوجهة نظر التوت بالمنتدى أي ماهو مصدر ضوء ذالك المنتدى علينا هل قلمه او قلمهاو او مجموعة..اقلام او وجد أبوي هع<<طولتها وهي قصيرة:p ... بنظري ان وجود التوت هنا مكسب عظيم لهذا الصرح قلم ينبض بالنقاء وبالطهر وبالفكر السليم وسلاسة الحديث.. ماهو رأي توت بهذا الكلام؟؟ وماهو وجود وجد بالمنتدى بالنسبة للتوت؟ .... اكثر مايجعل الصديقة قريبة للتوت..توافق الظروف بينكم..حب من الله..طريقة التفكير..الشخصية ككل؟ .... ندمت التوت على الموافقه بالبيزنطيه.. وماهو رأيك بإختيار كلمة بيزنطية للموضوع..؟ .... ماهو رأي التوت بجنوني يوم فوز الاتحاد؟؟ هل توقعتي أن وجد متعصبه لهذا الحد؟؟ ... وراح ارجع لاتحسبيني راح احزن...قال اطلعي منها:@ |
حلو وجد هكذا البيزنطيين ولا بلاش ، يبدوا أن هناك كما سمعت
من القصر البيزنطي كلام قوي بمنح وجد وسام بيزنطه من الدرجة الأولى ، ولكن ربما يريدون أن يرو منها أكثر . راجعين لك ياتوته ياعندي لك أسئله ، تو ما بديت بالدسم . |
ابو ياسر إستمر إبي أسئله مثل أسئلة الضب والتبخر خابرهن
أسئلة الرجال ، بس ماش شكلك راحم توته ، نبي تكثر حرام ما تعدل بين توته والرجال تخبر أسئلتك وش كثرها بالجزء الأول . |
تــوتــه القلم العذب الصادق \ / كلنا يعلم أن مؤسس الدوله البيزنطية في قطرات هو الــقــرار الله يذكره بالخير كلنا يعلم أنه جد وإجتهد وبذل في سبيل رفع شأن البزنطية القطراتيه والآن خير خلف لخير سلف قد حل هنا إذ أن حسين الشمري خلف القرار على عرش المملكة البزنطية القطراتيه حسب ماتراه تــوتــه شخصيا حسين سيسير على خطى سلفه ويرفع شأن هذه الإمبرطوريه أم أنه سيكون جندي الدمار المجهول للمملكه البزنطيه القطراتيه ...؟؟؟ هذا وأرجو منك الإجابه بصدق ونزاهه لنعلن إنقلابا حاسم على حسين إن ثبت أنه ليس أهلا ليخلف القرار في حكم المملكة التي إتسعت وتجملت بعطائكم وقلوبكم \ / هههههههههههه حاسه نفسي بقود إنقلاب حقيقي على الطبقة الحاكمه ملحوظة : ما أردته هنا هو رسم بسمه شفافه صادقه على شفاهكم وفي قلوبكم فقط إن وفقت في ذلك فمن الله وإن أخفقت فمن نفسي وألتمس لها العذر |
اقتباس:
يــ للهول.. أين هو ذالك القصــر ياأميرنا..حتى أذهب واقدم لهم شكري.. نعم نعم انني استحق ذالك الوسام:D<<أنا حاسة اني بقلب الموضوع مسلسل تاريخي هع هع .. توت ياتوت.. تعالي الى عرشك يامليكتنا..حتى ..نكبس على نفسك اكثر واكثر.:p |
توته مسويه ذكيه وإن الحرب خدعه ، ما تدخل ، هين هين كافشينك :p
على بالك كذا بننساك ، لا يالطيبه ، تفضلي هالكم سؤال عشان ثاني مره ما تتاخرين وتردين على الأسئلة بسرعه :D 1- على شاطئ البحر تتلألأ حبات الرمل مزهوةً بجمالها وتناثرها بشكل رائع كروعة تناغم عاشقين يسيران على رماله يتهامسان بكلام معسول بينهما وقلبيهما يتراقصان من شدة الفرحة وكأنهما يطيران ولا يمشيان ، توته متى آخر مره سويتي عزيمه لخوياتك ؟ 2- توته بما أنك مخضرمة في مهنة التدريس ومن القدامى أكيد لحقتي على الطباشير ، وش أحسن الألوان اللي تستخدمينها حالياً من الأقلام للكتابة على الصبوره ؟ 3- منذُ مبطي وابن آدم عانى ولاقى من حواء المتاعب ، بإعتقادك هل صحيح أن وراء كل رجل عظيم إمرأه ، أم أنك تعترضين على هذه المقولة وتتفقين مع أن بجانب كل رجل عظيم إمرأه ، ومالفرق بينهما؟ 4- قاهريني دعاة التحرر هذولا اللي ما عندهم سالفة إلا المرأه ، وعليهم مصطلحات على باله مثقف هو وخشته تحرر المرأة وتحرير المرأة ومابين المطرقة والسندان وما وراء الأكمة ما وراءها مدري الفقعه ، المهم إنتي وش رايك بالربيع هالسنه ؟ توته يلا تستاهلين ما حنا مثقلين عليك هالمره كلها كم سؤال :D |
ابشر يابو غلا ..
الاخت توته .. يقولون أن من أسباب الزلازل ضعف القشرة الارضيه .. طيب .. اذا ان القشره الارضيه ضعيفه ليش ماصار الزلازال من زمان .. يعني هل كانت مختبئه . لم يجدها الزلزال الا بعد هذه السنين .. وإن كانت ضعفت في هذا الوقت .. تتوقعي وشو سبب ضعفها ؟ كذالك .. يقولون ان في الارض نواهة .. وهذه النواة كتله ناريه حارقه .. والبركان يخرج من باطن الارض .. تتوقعي ليش كل هالسنين لم تذيب هذه الكتلة الناريه الأرض ؟ سؤال ثاني على الطاير بعد .. الحين الجبال وقت الامطار يصب منها الماء بكثافه .. ممكن نقول انها شلالات .. طيب ليش الماء يجي كثير ويأخذ وقت في الجريان من أعلى الجبل الى أسفله .. يعني هل هناك مثل الخزان يجمع الماء وبعدين يصب بهذه الغزاره ؟ مع ان الجبال تجي تقريبا شبه مثلثه .. يعني اللي اعرفه ان المطر اذا نزل المفروض ينزل على طول .. لكن نشاهد أنه كأنه يتجمع فوق .. وبعدين ينزل .. وش السبب .. او كيف تفسرين هذا الشي .. |
عدنـــا للبيزنطية,,
تــــوتـــه >> أحس اني بنضرب بس اسئلتي خفيفة هل أنت مع أم ضد توافــر الانترنت في المنزل في كل الأوقات ؟ هل لدى توتة القوة الكافية لضبط النفس متى ما ارادت ؟ ماهي مواطن القوة والضعف عند توته >> هذا السؤال اختياري:d |
يااااااااااااااااااااااااااا ويحى قلبي على تلك الأسئله اخوي حسين من وين تجيب هالأسئله { كان الله في عوننا }رفقاً رفقاً:d |
توته ما يعز علي أطلع قبل لا أسئلك كمان كم سؤال
1- توته بإعتقادك أيهما أكثر تأثيراً في إضاءة القمر هل هي الشمس أم ظلمة الليل ؟ وبالتالي ليش الشعراء أزعجونا بالقمر وليه ما يقولون الشمس مع إن الشمس أكثر سطوعاً وأكبر وأكثر توهج ؟ 2- ليس كل ما يلمع ذهباً حقيقة ولكن كيف نعرف أنه ليس ذهباً ، وما هو رأيك بأسعار الذهب في هذا الوقت وما أسباب إرتفاعه حالياً وهل تتوقعين راح ينزل سعره ولا راح يزيد ولا ثابت ؟ 3- وداعهم من نحبهم وفراقهم .. ربما أمثالك يتكرر ذلك عليهم لما لم نتأقلم على مثل هذا الوضع مع كثرة تكراره ؟ صار مثل الفلم الهندي معروف نهايته كل زياره لهم معروفه نهايتها ومع ذلك كأننا نتفاجأ وكأنها المرة الأولى التي سنسافر فيها ونتركهم ، وش السالفه وش أبي أنا وش السؤال ، أقول توته عندك هذه العباره اقريها وسوي الي تبين فيها وحطي عليها كم سؤال من متعدد وعللي وصح وخطأ ؟ لن أقول وداعاً بل إلى اللقاء ياتوته غداً ههههههههه . |
توته خيّتي اسمحيلي بحط لك سؤال بس سؤالي غير عن ابو البيزنطيييييه لغز خفيف { مثل المقبلات عادي مقبلات قبل وعقب الدسومات مافي مشكله } لغزي هو { اكلتوا فلفلةً فتفلفل فمي فكم فاٌءفي ذالك } لغزي الثاني { تقدرين تمسكينه بس ماتقدرين تلمسينه }؟ بس هذا اللي طلع معي { من رحمتي لكِ } شفتي كيف اني خفيفه |
ماش مشاعر ما انتي على خبري ترى أنتي
أول وحده والوحيده إلى حد الآن اللي حصلت على وسام بيزنطه من الدرجة الاولى من النساء بس شكل الملك زعلان عليك صايره حنونه وين أيامك أيام البيزنطيه الشرسه اللي ما ترحم لكن وصلني خبر الحين للتو طازج أعطوك مهله البيزنطيين |
هو خليتو لي شي كل ابو البيزنطيه والرومانيه والتكتاريه قلتوها { شنو التكتاريه طالعها فيها طلعه مشاعر مدري من وين جت :d } بشوف لي شوفه هالليله واتمخمخ بس الضعيفه توته عطوها راحه استجمام :d |
اهلاً توته..
...رأيك بمقولات..وتحليلك فقط,<<كثر الله خيري..! 1 المرء مخبوء تحت لسانه اذا تكلم ظهر... مارأيك بهذا الكلام؟؟ وكم نسبة صحته بنظرك..؟؟ .. 2 وعد الحر دين..من هو الحـر بنظرك ..ايقصد الانسان بأكمله.؟ او الصادق.المؤمن.او له صفه أخرى؟؟ .. 3 خليك ورى الكذاب لحد باب الدار..من رأي ان هذه المقوله ..تؤدي للهلاك..لأنه كذاب ليش انتظر لين اوصل معه لقمة الكذب..فما وجهة نظر الاميرة التوت؟؟ ... 4 المنحوس منحوس لو علقوا على راسه فانوس.. تتوقعين ليش اختارو كلمة فانوس؟ هل لأن القائل من الزمن القديم.. وايش يقصد بالفانوس..كنايه عن الأمل ولا ايش؟ ومن هو المنحوس بنظرك؟؟ .. 5 زاد الطين بله..متى يُقال هذا المثل بأي المواقف؟؟ وهل استخدمته التوت؟؟ مع ذكر الشاهد.... .. 6 اشهر من النار على علم...هذا لكٍ :). (هي التوت هُنا ) فأن قوة وجودك لاينكرها احد.. فالتوت تقول هذه المقوله لمن؟ مع ذكر العضو/ة.؟ بإستثناء وجد أبوي..<<ابوك يالثقة ... لي عودة ياتوت.. لوتس لحين عودتي..وصدقيني مابخليها تذبل ..:p |
توته
طبعا الأسئلة بتكون عفوية فتحملي ما يجيك .. لماذا تكتبين باللون الوردي ؟!! أول شي اعمى عيوننا والمشكله انه وردي لمّاع لو غامق تنبلع توته لكل أنسان( فوبيا ) شي يخاف منه , وانت ِ مم تخافين ؟ من خلال كتابتك في موضوع ما تبين لي انك شرسه , يوم نتفتي شعر البنية وطيرتي بكلتها مفضوح <<<< هل لا زلتي يهذه الشراسه بعد ان كبرتي ؟! |
صباح الخير ياتوته ..
لماذا لا نشعر بحلاوة الأشياء الا بعد ان نفقدها ..؟؟ |
سامحيني توته بسألك سؤال { اسئله خفيفه مومثل بعض الناس }00
_تخيلي وانتي تدرسين الطالبات وفجأه دخلت عليك موجهه او المديره تبغى تحضر الحصه:eek: وانتي وقتها مالك _خلقك تدّرسين وش راح يكون شعورك؟ _تخيلي تبين تروحين عزيمه وتبين تطلعين للسياره وفجأه جاك خبر أن ضيوف جاينك من سفر ويبون تجهزين لهم عشا:o { وش تسوييييين } وش شعورك ؟ _من هو مخترع جدول الضرب؟ { هل تعتقدين انه بيزنطي ؟ } _ ليش هالأيام ماكو وظايف وش تعتقدين هل خلصت الوظايف ؟ _{ بنطلون طيحني ومدري شنو والكدشششششش شلون بصيرون شباب المستقبل:cool: دام هذي الموضه مأثره عليهم ؟ _الأكل حلو والتفنن فيه حلو بعد { تخيلي دخلتي المطبخ ولقيتيه ينتظرك من مواعين وقدووووووور تو الربع جايين من البر وتعرفين البر وحوسته والبيت محوس والغسيل ينتظرك _{ مدري التوته وش احلى طبخه تطبخينها ؟ } عاد هلحين يالتوته استأذنك بطلع يمكن لي عوداااااات:D |
توته..
1-بدون زعل .. كم ريال في مخباتك ..؟؟ الحمد أني بجاوب سؤالك بعد الــ25 والحمد لله (وأن شكرتم لأزيدنكم .. ):) 2-ولوجالك شحاذ .. كم بتعطيه منها ..؟؟ الصراحة ما أحب أعطي الشحاذيين إلا كبار السن وأحيانا .. .. المقسوم بعطييه .. 3-واذا ماعطيته .. وش بتشترين بالظبط ..؟؟ لا أقولك .. الي معي عطيته الشحاذ .ز يعني ماراح اشتري شي..>>حلوة التصريفة :D 4-واذا هذا الشي اللي اشتريتيه جاك نفس الشحاذ وطلبه منك هل بتعطيه ..؟؟ أنت فيه حد معطيك حماية حقوق الشحاذة .. .. رجعت بكلامي .. ما أعطي شحاذيين ..:cool: كذا بس على الطاير لاني مستعجل ..؟؟ كان خليتها برية الله يهديك يمكن .. أخف .. عسى بس تطير معها بقية تتاريتك ...:rolleyes: |
توته ..
من جد الله يعينك انا شخصياً لو مكانك بيصير فيني اكثر من كذا الله يعينك (( .. يعنني حزين الأخ ..)) |
نسيت ..
http://www.svalu.com/smile/crazy_fil...n.com-4131.gif خير وش بعد وش احلي مسج وصلك هذا الأسبوع من جوالك لو سمحت ..؟؟ والله رسالة حلوووة مرة من تاليف صاحبتها .. بس ما فيني حيييل أنقلها هنا .. ملخصها .. أنها مهما بعدت .. ماراح تنساااني .. جعلها يارب دعوات .. ه المبتغى .. حلو الاختصار :p يا سلام عليك الثريا .. أنت .. خفييف على المتصفح مثل خفت رووحك .. >>برضوا دقة بعض نااس |
سلاااااااام ابله توتة ان شاء الله طيبه
عندى كم سؤال هلا والله .. بصاحبة الحضور القوي منذ أن .. باحت بصمت ... :) وعليكم من الله سلاام ورحمة مباركة .. تتغشاك .. أسألي .. فديتك >> درت أنها طالبة .. >> متحمسه البنت واخيرا طاحت في يدها ابله >> ما تفرحيين بذي .. صدقييني .. موكل من رفع قلم قال متعلم .. ولا من تعلم .. يصبح معلم .. :cool: 1_ سؤال ليش ما صارت للمعلمة هيبه مثل قبل أمن العقااااب ... فساء الأدب .. أكبر دليل .. على التخاذل .. التعليمي .. 2_ أمنية (تاء مربوطة )حياتى اكون مدرسه بس للأسف مجال تخصصى غير واكون مدرسه بنفس المدرسه اللى تخرجت منها السؤال هنا ؟؟شعورك لو صرتى مدرسه بنفس مدرستك اللى تخرجتى منها كل سعادة .. لانه ولا شك .. سيقلن أمران : رب طالب فاق معلمه .. وأخريات يقلن .. و ها هي الأيام تخبرك .. بما كنت جاهله.. http://www.svalu.com/smile/crazy_fil...n.com-4168.gif 3_ لا اسمع لا ارى لا اتكلم متى تقولين هذا العباره تدريين أقشعر البدن هنا .. لأني أعلم متى أكون عندما يقال (اليوم نختم على أفواههم وتكلمناأرجلهم بما كانوا يكسبون) .. ويلاخوفي .. مما سيشهد علينا .. 4_ ماذا يعنى لك الصمت البلاغة .. وأن لم ننطق .. ايه .. ويوم أطقطق على النت.. |
| الساعة الآن 09:21 AM. |
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق محفوظة لموقع قطرات أدبية 2009