|
وبتقضي علي معهم يانمط ..
نمط .. أستأذنك أبي أقوم أنوووم والله دايخه شوي بغفي وأرجع للحوار معك ..في تلك الحكاية ماراح أطول 5 ساعات بس .. |
اقتباس:
:) احلام سعيدة فيها خادمة وزوج وزوجته يتهاوشون |
اقتباس:
المشكلة يا نمط ليس بوجود الخادمة فحسب بل المشكلة بنظري هي بتفكير الزوجة وسذاجة الزوج المشكلة قابعة بشخصيتهم وطريقة تفكيرهم فتعامل الزوج مع الخادمة هو من أثار المشكلة وأشعل نار الغيرة بقلب الزوجة وهذا التعامل ليس مقصورا ً فقط على الخادمة فبإمكان الزوج أن يتعامل مع كل من هم حوله بنفس الاسلوب .. وتبقى الغيره بقلب الزوجة .. حتى ولو رحلت الخادمة من البيت . المرأة بطبيعتها غيورة ..وعلى الرجل أن يضع ذلك الأمر أمام عينيه ويتجنب الأمور التي تغيظها وتشعل فتيل غيرتها وجنونها .. فكثير من البيوت بل أغلبها توجد بها خادمة ولو أن كل بيت به خادمة كانت نهايته تفكك الأسرة ودمارها لما وجدنا بيتا ً يعيش به رجل وزوجته واطفالهم .. نمط سهل .. الحياة أحيانا تجبر الإنسان على التخلي من بعض الطباع الذي تسبب له وقوع بمشاكل هو بغنى عنها .. والحياة أحيانا ً تحبر الإنسان على يغض البصر على الكثير من الأمور الذي تهدد حياته بالخطر ولاسيما بالحياة الزوجية .. والحياة الزوجية قائمة على حقوق و واجبات تخص كل طرف فعلى الزوج أن لا يتدخل بإختصاصات الزوجة وعلى الزوجة ان لاتتدخل بإختصاصات الزوج وإلا ستعم الفوضى الحياة وسيغمر حياتهم عدم الاستقرار والشجار .. |
بداية رونق لا أعلم تفسيراً لما قامت به الزوجة من فعل
غير السذاجة البعيدة كل البعد عن طيبة القلب ، أيعقل أن تكون هذه نظرتها له بسبب رحمته لتلك المسكينه وبعدين وش شافت عليه ، لا تقولين تبيها تنتظر الفاس لما يطيح بالراس بس مو معقوله تهدم بيتها بسبب أمر يحث عليه الدين والإنسانيه وهو العطف بل من المفترض أنها تشجع زوجها ، ومثل هذه أعان الله من إبتلاه بها . |
اقتباس:
لكن المسألة كلها كان غلطها بسبب الزوج وتدخله بالخادمة اصلا عيب وربي عيب يتدخل فيها وبأكلها ونومها وضعفها وصحتها ايش دخل الرجال بالخدامة .. خلاص الخدامة هي إمرأة يعني تكون من مسؤلية الزوجة مايجلس كل شوي يغث قلب زوجته فيها وين راحت وش اكلت وليش مانمت وليش ضعفت ما الومها انا الزوجة .. ألوم الافندي اللي عندها اللي ماقدر مشاعرها وغيرتها عليه وبعدين الرحمة والعطف شي والتدخل بالامور هذه شي ثاني ياحسين .. |
رونق أول شيء أذا الزوج ما يتدخل بالخادمه منو يتدخل
هو مسئول أمام الله عنها ، وياكثر الحريم مع الأسف اللي يعاملون الخدامات بسوء وللأسف ما فيه رجال يردعهن ، رونق مهما يكون هو المسئول عن كل شيء بالبيت عن الخادمه عن الأولاد وبعدين من جاب الخادمه ذنبها برقبته ، وبعدين وش هالعقل اللي تحط نفسها بمقارنه مع هالمسكينه ، ليش تسيء النيه خليها تحسن الظن أول بزوجها لو إني منه أعرس على ثانيه عشان تعرف إني لو أني راعي حريم زي ما قالت بالرساله ماني عاجز أتزوج ، مرات هالحريم يتصرفون تصرفات ما ينلامون باللي يسوونه بالحريم ، ومن جد ما يخلون لنا مجال نعاتبهم على اللي سووه لما نشوف السبب اللي يخلي بعض الرجال يسوي أشياء .... بسكت أحسن . |
اقتباس:
وهذا انتوا اذا اشتهيتوا العرس صرتوا تخبطون بالكلام .. وتدورون الاعذار حسين الزوجة بطبيتعها تغار شفيك ياحسين ؟ تحسب البنت مثل الرجال .. ماتقدر خلاص تولع بمجرد ماتحس ان تفكير زوجها متجه لأنثى غيرها حتى وانا كانت خدامة .. وبعدين بالله عليك انت أستشفيت من الحكاية أنه يتدخل بأشياء مهمة ؟ أنـــا أشوف أن جالس يتليقف .. ملقوف والله ماييستحي يطالعها ضعفت وسهرت مانامت ولا أكلت تعشت والا ماتعشت طيب من باب أول ليش ما يسأل عن عياله أن كانوا تعشوا والا لا ؟ بصراحة والله هذا الرجال ساذج وغبي لأبعد الحدود طلعها من طورها .. وهو اللي دمر بيته بغباءه ولقافته اللي مالها داعي . |
شوفي يارونق قسم مو شايل على كل الحريم
بس أستغرب تصرفاتهن مثل بطلة حكايتنا وبعدين يا رونق يمكن انا أعتقد أن الرجال أطيب من الحريم وهذا ما يعني أني أكره الحريم يعني مثلاً الرجال يسأل عن الخدامه لأنه طيب وبعض الحريم الله يهديهن ما يهمهن هالأمر ، فيهم قسوه غريبه على هالجنس الناعم ، مو الكل ... |
اقتباس:
البنت ماضربتها ولا جوعتها ولا نومتها بالحوش بالبرد تعاملها عادي .. وبعدين حتى لو كانت قاسية عليها المفروض يكلم الزوجة ويقولها لاتقسين مو ينشب لها وكل شوي سائلها عنها .. كل شي يزود عن حده ينقلب ضده حتى الطيبة الزايدة تقلب ضد الإنسان حلاة الشي بالعدالة وخير الامور الوسط . |
المهم رونق المره أخطت وما يصير على مثل
هالسبب التافه تروح تركض لبيت أبوها بعد الرجال ما يرضى كل شوي لاحقها وأنا أشوف أن كثير من أمثالها تزن على خراب بيتها ، وبعدين أنتي شفتي أسلوبها وش لون بالله كيف ترضى برجال كذا تصارخ عليه ، أصلاً هي ما ترضى وبيكون مو رجال بعينها انا طلعت عن الموضوع معليش بس أرجع لصلب الموضوع رونق المسألة مسألة إبراء للذمه وفيه ناس هالأمور بشخصيتهم يعني يرفق بالضعفاء ووده يكون أهل بيته هم أكثر الناس رفقاً بالمساكين ويمكن الرجال كان يقصد يعلمهم من خلال تصرفه مع الخادمه أقصد زوجته وأولاده ... الرونق بإنتظار الحكاية القادمه بشغف أما هنا فهذا هو رأيي وأحترم رأيك ، ودمتي . |
| الساعة الآن 05:52 PM. |
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق محفوظة لموقع قطرات أدبية 2009