اقتباس:
هذي خرطة قويه بالحيل ذكرتني بواحدعندنا في الديرة يقول جانا مرة سيل وطاح الكبري والسيل ارتفاعه 5 امتار (( .. اهم شي ان الكبري اللي يتكلم عنه له اكثر من 45 سنه في مكانه ويربط منطقتين على خط الجنوب بين الباحه والنماص )) المهم هو مسلم من دوامة رايح البيت.. دقت علية حرمتة وتقوله الولد مسخن نبي نودية المستشفي هنا يقول .. الله من البلشة .. المهم يقول رجعت مسافة 500 متر عن مجرى السيل وعشقت السيارة وانطلقت بأسرع قوتي وجيك واطمر من فوق السيل وتطير السياة الي الجهه الثانية والناس من شده الذهول تصفق له وتقوله بطل يا(( .. مصلح .. )) اسمة مصلح .. يعني استشهد بتصفيق الناس له اهم شي في السالفة اني سألتة والولد لحقت علية يقول جيته الا هو طيب ماعلية الا العافية :qtrat (31)::qtrat (31): هذي السالفة قريب والرجال حي يرزق |
اقتباس:
سالفتك هذي يا منى ذكرتني بسالفة قريبة منها تعودنا يوم نرجع من المدرسة نتغدى كل ابونا ونرقد الي الساعه خمس وفي يوم قامت امي تقومنا وتقول قوموا تأخرتو عن المدرسة راحت علينا نومه ونقوم كل ابونا ونلبس ونبدل ملابسنا ونجهز جداولنا ونصيح وراه ماقومتينا على شان نذاكر وامي من جدها تقول وش اسوي راحت على نومة .. ويوم قومت الوالد على شان يودينا المدرسة الا هو يضحك من قلبه ويقول كلكم مخبل وامكم معكم .. :qtrat (31)::qtrat (31): الجو كان اخر العصرية وضباب قريب لجو الصبح |
السلام عليكم أخوي نمط سهل أحلى كذبه .. أو قل ( مزحـه ) سويتها كنت رآيح مع ولد خالي لـ ( خواله ) .. خواله بمدينه ثانيه ولد خاله كان جاي من مصر بعد ماتخرج .. ومسوين له عشاء كبير صح إنهم من الجماعه بس ما أعرفهم ولا أمون عليهم حيل المهم .. ولد خالي هذا كانت معه ( حرمة أخوه ) وبنتها الصغيره طلب مني أخاويه .. خاصة وإن الخط طويل ( حوالي 400 كيلو ) كنت متردد و ( مستحي بعد ) خخخخخ المهم .. بالأخير وبعد ماضغط علي وافقت .. و خاويته رحنا لهم .. نمنا .. وتعشينا من بكرا وبعد العشاء رجعنا للدمام وحنا راجعين .. كان ولد خالي يسولف لي عن ( حرمة أخوه ) يسولف عن مدى أخلاقها .. طيبتها .. ركادتها .. و إحترامها لزوجها يحكي لي وأنا أفكر يوم هي معنا .. ولا كلمه سمعت منها ( وللمعلوميه وقتها ماكنت ملتزم .. عشان ماتقولين إنها مستحيه لأني مطوع ) حكى لي قصه سوتها الحرمه مع أخوه .. تشرح لك وش كثر هالآدميه رزينه لدرجة إني حسيتها غريبه على المجتمع الحالي .. من كثر ماسمعنا هواش بين الزوجه و زوجها بنص سوالفه .. إتصلت أمي علي .. وينك ومن هالسوالف قلت والله رحت مع إبراهيم لـ ( الفلان ) وش عندهم .. قلت مسوين عشا لولدهم توه متخرج من مصر سألتني عنهم .. قلت ماعليهم طيبين و ( ياليت يمه لو تخطبين لي منهم .. والله أخلاق عيالهم بينهم وبين أبوهم أعجبتني ) قالت ( أبشـر ) قفلت السماعه .. و أنا يشهد الله مالي خآطر بالكلام اللي قلته لأني كثير أمزح مع أمي .. خاصة بسوالف العرس الوالده الله يحفظها ماصدقت خبر .. راحت و سألتهم عن بناتهم وبعد حوالس أسبوعين كلمتني .. قالت ( أبو طويله .. ترى الربع موافقين ) قلت ( منهم ) .. قالت ( نسايبك ) انا فتحت فمي .. قلت أي نسايب !! قالت الـ ( فلان ) .. كلمت أمهم وقلت لها نبي نخطب منكم وإنها طلبت كم يوم وترد علي .. وردت قالت الله محييكم سبحآن الله .. لو تلاحظ من البدايه كيف اللي مكتوب لك لازم يجيك !! كنت ما أبي أروح .. خاصة إن الوضع فيه حريم .. و أنا أستحي منهن خخخ الشي الثاني .. إصرار ولد خالي إني أروح ؟؟ الثالث .. إتصال أمي علي وحنا نسولف عن بنتهم ( حرمة أخو إبراهيم ) الرابع .. ليه أمي هالمره بس اللي أخذتها جد و خطبت لي !! لكن الغريب إنها أقسمت لي .. لو إن الأمر بيدها كان اخوي الكبير بعد خطبت له منهم أحلى مزحه صح خخخخخخ خ.ألـد |
أهلا أهلا ....
بكم في عالم الكذب ... هنا نسلط الضوء على روائع الكذب ... كيف كان الكذابون ... يمتلكون ملكة الكذب .. ويثرونا كذاب نريد ان نهري الصفحة كذب ... لكن المؤمن لا يكذب .... أنما الكذب الذي يمر علينا بعفويه .. من باب التسلية والقصص ... مرحبا بكم في عالم الكذبة الرائعة ... من رجل يقول أن جمل اعترض له في الطريق ويوم عرفه قال فلان انا اسف وفرق رجوله ودخلت السيارة بين رجول الجميل ... وحين مر الرجل قال له الجمل .... اوكي مشير بصبع يده .. ولم نفكر في الاصبع من اين حصل الجمل عليه لكن .. الكذبة وجمالها شل التفكير .... |
الساعة الآن 07:40 PM. |
Powered by vBulletin® Version 3.8.9, Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق محفوظة لموقع قطرات أدبية 2009