قطرات أدبية - !:::! هَرْطَقَاتٌٌ مِنَ الذَاكِرَه !:::!

قطرات أدبية (https://qtrat.com/vb/index.php)

- - !:::! هَرْطَقَاتٌٌ مِنَ الذَاكِرَه !:::! (https://qtrat.com/vb/showthread.php?t=956)

اقتباس:

المشاركة الأصلية كتبت بواسطة الوردة الظامية (المشاركة 55097)

:8 يالله لاتفضحنا :qtrat (9):

الله يسعدك ياخيي والله إني رجعت للحكاية وكأني أقراها للمرة الأولى

بس ليتك ياسلطان جيت على أيام بيزنطه كان طلعت علوم وااااااجد :)

ربي يبارك عمرك ويجعلك قرة عين ترتجيك ..

::

الحمد لله اني طلعت قبل لا يسجل ولا اعرفة كان فضحنا :8

اقتباس:

المشاركة الأصلية كتبت بواسطة شادي الثريا (المشاركة 55118)

::

شف النصاب

اسأل خواتك أنا اعطيتكم ذا السالفة ولا لاْ:qtrat (9):
بس الظاهر انك كنت راقد ياصبي
وبعدين وش قصدك بالفصفص ما أشوفك تاكل الفصفص دايم :8
والله ياولدي انت تعرف رأي في هالموضوع وانت حر لكن بعد
ما أشد مراثمك على حيد على شان تصحصح :qtrat (31):

أهجد ولا تفضحنا وبزودلك المصروف:3

أشهدوا علية ياعرب يبي يسكتني بزيادة المصروف,,
وين الديمقراطيه,, وين الحرية ,, وين الشورى ,, وين مجلس الأمن,,
بس قلي يابيي كم بتزودني علشان افكر:qtrat (7)::qtrat (9):
و

اقتباس:

المشاركة الأصلية كتبت بواسطة الوردة الظامية (المشاركة 55097)

هو بس وينه بيزنطة هذا وأزهلي الباقي :)

[ALIGN=CENTER][TABLETEXT="width:70%;"][CELL="filter:;"][ALIGN=center]

السلام عليكم ورحمة الله

احبتي في قطرات

جايب لكم اليوم هرطقة من الذاكرة على كيف كيفكم
قد يطول الكلام فيها وقد اخصص لها اكثر من حلقة
تخبرون الشيبان اذا حبوا يتميلحوون يطولونها شوي :qtrat (9):

موضوعي اليوم عن التلفزيون السعودي ايام زمان
علي شان كذا ياحبايب قلبي تعالوا هنا حولي واجلسو قدامي كلكم علشان اعطيكم السالفة
من ( .. طقق الي سلام عليكم .. ) الشاباب في جهه والبنات في جهه لو سمحتوا ومطلوب من البنات
يضبطون لنا دلال القهوة والتمر والسمن والعلوم الراهية اما انتوا ياشباب ماعليكم الا الفصفص :)
كيف انا معكم ( .. شايب عنصري .. )

::

ابي اتكلم بصراحه عن ايجابيات التلفزيون السعودي زمااان قبل الدشوش او بالاحرى ايجابيات القنوات الارضيه ,, قبل المهزله التي اصبحت تسعى بين اسلاك جهاز التلفزيون والسبب هذا الملعون
المدعو ( رسيفر )

زمان لما كنا صغار نصحى بدري جداااااا انا واخوي الي اكبر مني ونلعب في حديقه البيت الي كانت اكبر من البيت اصلاً ,, وكل القنوات الارضيه تكون مسكره من الليل وماتشوف على شاشتها الا نغمة ( تششششششششششششش الخ ) عاد تغيرت هالنغمه مع الوقت وصارت تجي الساعه الرقميه الممله

http://www.hackerss.org/up/images/55...3026314966.png

المهم اول مايفتح التلفزيون نتراكض ونسنتر قباله من اول مايجي السلام الملكي
وحنا نردد معاه سارعي (.. سارعي للمجد والعلياء .. مجدي لخالق السماء .. )
الين يطل علينا المذيع بطلته البهيه ويقدم الافتتاحيه بالقرآن الكريم ,,
طبعاً حنا ما جانا التلفزيون الا في عهد الملك فهد الله يرحمة ولا من اول علي الرادو
وأخبار النكسة وتبعاتها .

http://www.hackerss.org/up/images/34...4144212764.png
طبعا كان عندنا هالسلام الملكي مقدس نحترمه ونحس بفخر وحنا نردد مع الكورال واحيانا كنا نضرب تحيه للملك الين ينتهي السلام الملكي ههههههه

وكنا نتسمّر على القرآن الكريم ولا نتحرك حركه لان القارئ محمد الطوخي كان يقرأ
هالايه قبل مايبدأ في قراءه القرآن :

http://www.hackerss.org/up/images/86...6948840796.png

{وَ اِذَا قُرِأَ القُرْآنْ فَاسْتَمِعِوا لَهْ وَ اْنصِتوْا لَعَلكُمْ تُرْحَمُون }

ونسمع الكلام وننصت ..

http://www.hackerss.org/up/images/28...8194262536.png

ولما يخلص القرآن يجي بعده تفسير القران ..
عاد كان يطوول التفسير وكنا نتعب من الشوق والانتظار لما بعده ..

http://www.hackerss.org/up/images/27...6062871606.png

الي هنا وتنتهي حلقة اليوم مع التلفزيون السعودي وانتظروني بعد شوي علشان
الحلقة الجاية مشوقة جداً جداً وكلنا كنا نتظرها بفارغ الصبر وخصوصاً انا نكون
مجهزين انفسنا وفي ايدينا سندوتشات جبنة البقرة الظاحكة وحبة صامولي
وعصير سنتوب

:5
[/ALIGN][/CELL][/TABLETEXT][/ALIGN]

[ALIGN=CENTER][TABLETEXT="width:70%;"][CELL="filter:;"][ALIGN=center]
طبعاً الحديث هنا لو بأفتح له مجال يبيلنا حلقات اضافية
علشان كذا انا اوعدكم اني اخصص له حلقات خاصة
لأني بتكلم عن اجمل لحظات الأنتظار بعد اللي قلته لكم في الأعلى
حلقات الكرتون وما ادراك ماالكرتون

الرسوم المتحركة

طبعاً يوم يخلص المذيع يطل علينا المذيع بأحلى اعلان وهو بدء الرسوم المتحركه
الي تجلس تشوفها ساعه او ساعتين مو اكثر ,, مره في الصباح ومره العصر
مو مثل الحين طوووووووووول اليوم وافلام كرتون سامجة واشكال تجيب الغثا

مالكم بالطويلة ..
كنا نجلس على الرسوم ونتابع بشغف وكل واحد يسنتر في مكان والمركي تحت راسة
والرجل فوق الرجل والفنيلة الشباحي الي نص البطن من شدة التركيز

ويطل علينا اخيراً بطل الجماهير

http://t3.gstatic.com/images?q=tbn:A...MgLZAArhFgkOpg

جريندايز .. دوق فليد .. ورزتة المزدوجة اللي يقطع بها الأعداء
انا بصراحة اكثر شي كنت انتظر هيكارو .. صديقتي ياحليلها وش حلاتها

وعقبها يجي كرتون ابو خشيم

http://t1.gstatic.com/images?q=tbn:A...nWnGMs1AI_y7R4

هو وسيارته اللي مثل الدتسن حق جدي الله يرحمة

زمان كان كل شي له وقت محدد يجي البرنامج وانت مشتاق له ويروح وانت مازلت مشتاق ,,
كان التلفزيون عباره عن سله فواكه تقدم كل ماهو متنوع والاهم انها تقدمه بسمه معينه وهي الرقّي

زمان كان يفتح التلفزيون الصباح ويسكر في الليل ..
كان جهاز محترم وجنتل ,, مو مثل تلفزيون هالوقت
الي يبث كل شي في الليل والنهار كنه ابليس لاينام ولايخلي الناس تنام

طبعا التلفزيون القديم كنا نسميه ( الي يطقطق ) نظرا لصوته المزعج اثناء تغيير القنوات ( هذا وهي قانتينو مزعجنا تخيلوا عاد لو انه 8000 قناه مثل هالايام ) وماكان له ريموت كنترول ,
ويالله كل شوي يارايحين ياراجعين تغيير في هالقنوات ( من كثرهم عاد كلها قناتين )

وكان مصدر بث هالقنوات الارضيه هو جهاز رشيق طويل عريض المنكبين يرتز رافعا هامته في سطوح خلق الله ويقف في وجه الرياح والبرد والامطار ويتحدى حراره شمسنا المشاكسه بكل ثقه , وهو ذو ساق حديده واحده وغالبا يكون لونه [ سيلفر] او اورنج <-- ياعقلي ياورنج

وله مهمه انسانيه ونبيله اخرى وهي انه مدرج للحمام الذين يصطفون على اكتافه
يصطفون وكأنهم يتفرجون على احدى مباريات دوري زين الممتع << ايه هين

http://www.hackerss.org/up/images/20...0541195257.png

خخخخخخخخ كأني شايفة قدامي الحين وانا اترصد لها بالنبيطة من ورا الخزان
المشكلة ان عمري ماصدت ولا واحده بالنبطة :)

مالكم بالطويلة

هذا الجهاز يسمى الارياال او الانتل الي هو .. هالجهاز مرتبط بسلك ينزل من اعلى السطوح الى ان يدخل من نافذه احدى الغرف وهذا السلك يرتبط بجهاز مربع صغير فيه حلقه تدور وكأنها بوصله ( حتى هي صوتها مزعج ).. وهذا الجهاز يخرج منه سلك للتلفزيون ولما نغير اتجاه هالبوصله تبدأ القنوات تصير صافيه شوي شوي ويبدأ التشويش يقل عن القناه الي نبيها <-- ياليل مطولك

اذكر يوم كنا نوزنه لازم نكون ثلاث اشخاص واحد فوق على السطح واحد عند الطاقة اللي ينزل من عندها السلك وواحد عند التلفزيون وخذ عاد ((( .. خلاص خلاص .. ارجع يمين .. شوي يسار .. فوق فوق .. لا لا راحت مرة .. ايووووووه اثبت على كذا ..))):qtrat (31):
وياشين لا جات هبة ريح صغيرة وانت تطالع احد البرامج المهمة

احيانا كنا نحط معلاق الملابس في فتحه التلفزيون بدل الانتل حق التلفزيون الي غالبا يكون مكسور ويافرحتنا لما تصفى القنوات حقة الدول المجاورة مثل اليمن ومصر والصومال .. اما من ناحيه غصب واحد هين هذي طالعه طالعه من فوق خشمك

[/ALIGN][/CELL][/TABLETEXT][/ALIGN]

[ALIGN=CENTER][TABLETEXT="width:70%;"][CELL="filter:;"][ALIGN=center]
بالرغم من ايجابيات التلفزيون السعودي الا انه اثبت مقوله ( غصب واحد ) من قلب ..
كان فيه برامج يعيد ويزيد ويعيد ويزيد فيها اليييييييييين نحفظها صممممم
مثل فيلم ( المتسول ) حق عادل امام كان يجي كل اسبوع من عرفت القناة الاولى ..
اتذكر اني شفته يمكن خمسين مره تدرون ليه ؟؟

في الصباحيه حبفى اقلكم :qtrat (9):

http://t1.gstatic.com/images?q=tbn:A...3VvJIL4Mg5nvJw

ولا اش اقولكم عن ذا الأغنية اللي ازعجونا فيها
بنلتقي ) حقت الفنان علي عبدالكريم ..

http://www.hackerss.org/up/images/92...0854179576.png

اللي كلماتها تقول

أنت بعيد هناك وانا المشتقي
الشيب يبكي بمفرقي
شمعة حياتي بتنطفي
مهما يكون عندي شعور بنلتقي ..
راح الشتاء وجانا شتاء
وانا انتظاري لى متى
بنطر حضورك مهما كان .. مهما كانت حزته
دربي طويل دربي طويل
والليل طفى شمعته
اتذكرك مثل الغريب .. لما يتذكر ديرته
اتذكرك بس لى متى .. اسأل واسأل لى متى
مهما يكون .. عندي شعور .. بنلتقي
بنلتقي .. بنلتقي .. بنلتقي
صعبه بدونك حالتي ..
غربه بدونك دنيتي ..
انا بعذابي وعزتي .. ساكت اصبر حيرتي
اتذكرك بس لى متى .. اسأل واسأل لى متى
مهما يكون .. عندي شعور .. بنلتقي
بنلتقي .. بنلتقي .. بنلتقي

وجدتي تصيح من هناك .. طفوا هالأثلغ لأقوم عليكم

ولا اش اقولكم يوم كانت تجي هذي الأغنية
اللي غالبا يجيبونها وقت العصر الييييييييييين المغرب
ولو عليهم خلوها الين الفجر ههههههه كانت ترفع ضغطي ومسببه لي ملل
وهي اغنيه ( مرسول الحب ) للفنان المغربي عبدالوهاب الدوكالي

http://www.hackerss.org/up/images/92...3515848026.png

لا يوم كانت تجي جدتي تقوم تميلح وتمشط شعرها وتحط حبشوش على ملابسها
وتغرس الريحان على عصابة راسها

احيا حفله في السعوديه وليته مااحياها هههههه
كل شوي جايبينها يعنني شوفونا يالمغاربه ترا خاقين عليكم

http://t2.gstatic.com/images?q=tbn:A...Vweo07MFhV8SDC

ومرسول الحب من مشيتي علينا .. علينا
خايف لتكون مشيتي ونسيتينا

كان التلفزيون السعودي ومازال لايبث اغاني لمطربات نساء وكأنه يعلم انه سوف يأتي يوم وتصبح هاؤلاء المطربات ناشزات وهيفاوات ومغريات ونانسيات وراقصات وروبيّات ,,
( فقال : اخذها من قاصرها واسحب عليهم من البدايه وسقى الله غمزتك يا سميره توفيق )
كانت اهون مليون مرة من اللي نشوفة الحين من بلاوي

خخخخخخخ كان نص شيبان الديرة يتسدحون ..ويلي يضبط العقال
واللي يرسل الولد على شان يكوي الثوب .. واللي يروح الحلاق
وللي يشتري نشا للغتر على شان يوقف المرزام واللي يقوم يتروش

http://www.hackerss.org/up/images/75...5869847952.png

ههههههههههههههههههه
من جد ماعندها سالفة

::

ماراح اتكلم عن المسلسلات لان هذي يبي لها موضوع ثاني ..

لكن كان فيه مسلسل جاااااااب لنا المرض والهم والغم ..
اعتقد عرفتوه .. [ اصابع الزمن ] ياناس احد يضيع ولده في تونس ويرجع السعوديه !!
حق الفنان محمد حمزة هو الرسيدس الأبيض موديل 82 ياهو كان موتر يخقق
ههههههههه
http://www.hackerss.org/up/images/54...9737157493.png

أذكر في الحلقة الأخيرة جانا اكتأب جماعي في العائله يوم عيت الزوجه ترجع لزوجها اللي هو
الفنان محمد حمزة وكان يمثل في هذا المسلسل عيالة الأثنين واصغرهم اللي ضيعوه في تونس

ولا مسلسل ( .. خالتي قماشة .. ) هذا بصراحة كان ملح التلفزيون
للفنانة حياة الفهد وسعاد العبدللة

http://t1.gstatic.com/images?q=tbn:A...gl5oe2oYvYUVpN

من يذكر اجهزة المراقبة اللي في غرفة قماشة
يوم كانت تراقب عيالها من غرفتها

https://www.qtrat.com/vb/data:image/...rqArE17QB//9k=

الله يسقي ذاك الأيام

وفيه مسرحيه كويتيه كانت تجيييييييييييب المغص من الضحك اسمها ( بيت بوصالح ) يا انا كنت احب غانم الصالح الله يرحمه حب الموووت لما اشوفه .. كان بثر بشكل مهب طبيعي في هالمسرحيه جآآآآب العيد في الدكتور شرقاآآآن لو تتذكروونة .. يطرد وراه و الكرفته تطق طق وراهـ هههههه انوآآع الإقلاع المرحوووم الله يرحمه و يغفر له ان شاء الله

http://www.hackerss.org/up/images/94...0719252903.png

ايام روعه .. والتلفزيون السعودي ماله منافس طبعاً هذي اللي قلتها لكم كلها
كانت تجي على مدار الشهر يعيدون ويزيدون فيها

انتظروني في الحلقة القادمة واشهر مذيعين التلفزيون السعودي
[/ALIGN][/CELL][/TABLETEXT][/ALIGN]

أيــــام جميلة مضت مع القناة الأولى
وأجملها وأرسخها في ذاكرتي ( القناة الأولى في أيـام الغزو ) وصافرة الإنذار
وأغاني محمد عبده
فوووووووووووووق هام السحب يا أغلى وطن فووووووووووق هام السـحــــب .. ..

شكرا شادي على تلك الهرطقة المغبرة الجميلة ..
تحياتـــــي ..

هرطقات جميلة

وان شا الله لي عودة تليق بحجم ما سردت هنا

تحياتي لروحك

متابع لك يبو سلطان ...
من المتسول لغمزة سميرة توفيق والشامة
لخالتي قماشة والتجسس على عيالها

أستمتعت والله يعطيك العافية

هرطق يا شادي متابعين ومستمتعين لتلك الذكريات الجميله
وذكرتني ببعض الشيبان لما كانت سميره توفيق تطلع يكشخون
ويعدلون السكبه ولما تغمز كل واحد يقول غمزة لي .