\
/
\
لا معني لهرطقاتي دون تواجدك النقي يانقيه
ويعلم الله انكِ تدفعيني بحضورك الدائم نحو العلا


لا عدمت هذا التواجد ياذوق

طيب أستاذ شادي بسوي فلاااحة وماني مستعينة بأحد .. كله لاجل فضول أعرف الهدية ...

أظنه ثلاثين فقط .. لأن 45 د بقي من الساعة 15 فقط .. وأنت قلت بساعة .. !!

هاه صح .. ولا أثبات لجرم مشهود لفشيلة !!

بس يا ريت من غير مسطرة خشب ..

لا يافالحة :qtrat (9): انتي كذا راحت عليك الهدية واثبتي لي بالعشرة
انك من جنبها في الرياضيات و معاه حق الوالد يمصع اذونك


السؤال يقول :

مطعم يعمل عدد ثلاثين وجبه خلال 45 دقيقة ..؟؟
فكم وجبة يستطيع عملها المطعم خلال ساعه .. https://www.qtrat.com/vb/images/smilies/qtrat%20(2).gif

يعني اقلك انه يسوي ثلاثين وجبة في 45 دقيقة
وانتي تقولين لي 30 وجبة في الساعة
ااااااااخ وينك فيه الحين كان المسطرة من جد اشتغلت :qtrat (31)::qtrat (31):

طيب بجاوبك انا واقلك

لو قلنا 30تقسيم 45 كم يساوي =0,666
اللي هو عدد الوجبات في الدقيقة الواحدة
ولو ضربنا الناتج في 60دقيقة اللي هو عبارة عن ساعة
0,666ضرب 60 = 40
عدد الوجبات التي يعملها المطعم خلال ساعه هو 40 وجبة
واضح ولا اعيد الشرح << مسوي فيها ابوك
:qtrat (9):

:qtrat (9):

هههههههههه

والله ياتوت مااقدر أضحك كثير لأن نتيجة حسابي طلعت مثلك بالضبط

يعني أفشل منك بشوي ..

يسعدكم ربي كما اسعدتموني هنا ..

:qtrat (31):

:qtrat (31):

:qtrat (31):

الله يسعدكم يارب
والله اني كنت مصدع وراح الصداع من كثر ماضحكت
حتى انتي يالوردة تقولين ثلاثين ههههههههههههههههههه

إلا والله بكون من جنبها .. مادام الشغلة فيها قسمة ..

أنا لما أشوف الشكل هذا بلوحة المفاتيح أقول حتى هنا هذا الهم يلاحقني .. وأقصد ذا %

وما يشبها .. الضرب وبالضرب يالله فلحنا ..


أعترف لك هي جات إجابة الفشلة .. بفتح الحروف .. بلا محاولة حتى للتفكير .. لأني عندي فوبيا منها !!

وحراااااااااااااااااااااام أخسر شيء من التفكير على شيء أكرهههههههههههه..

ومدام الشغلة فيها .. تسطير ومساطر .. بطلنا .. مانبي هدية ..

أصلا تصدق .. كانت على طرررف لسااني ..>> عذر البليد كطالباتي .. كل ما قلت إجابة .. وبالذات البراءة بأولى متوسط .. إلا كل شوي تنط وحدة والله يا أبلة خساارة بقولها .. وانا أضحك .. وأقول قديييييمة .. خبزنها قبلكم

وتشكرات كتييير كبييرة .. على المعلومة بس .. لا تكررها بالله .. والهرطقة غالية علية حيل .. فلا تملأها وتعاقيد أرقام .. !!

وبعدين وش الفرق بين ثلاثين وجبة أو أربعين . أكبر منها بس بعشر .!! لااااا مشكلة ..

هههههههههههههههههه

معك حق مافية فرق حنا يالله يالله نقدر نكمل وجبه ....:qtrat (31):

يعني كانت على طرف لسانك الأجابه ... ههههههههههههههه
يكفيني والله انني كنت اعاني من صداع وذهب بعد قرائتي لمشاركتك
فشكراً لأنك تخطيتي في ذاتك فوبيا الرياضيات وأحييتي بها صفحات الهرطقة


دمتِ بنقاء كنقائك ياشقيقة

والله ماعندي سالفة بس طرت علي حكاية من وأنا عمري 5 سنين للحين شايلتها فقلبي


ومالقيت غير هالهرطقة والحكاية إني من يوم أنا صغيرة والكل يعرف إني بنت أبوها


الله يرحمه أبوي ماكان يروح مكان إلا يأخذني ومره كان فيه زواج فالديرة وطبعاً كنت أنا


مااعرف مكان الحريم غير لانزلنا أمي الله يحفظها ولاجينا تالي الليل نأخذها وباقي

الزواج مع أبويولا أتحرك من عنده لو وش مايصير حتى أحيان أخليه يتربع وأنام على

رجله بوسط الناس وأصحى فبيتنا :)


اللي حصل إن فيه ورع الله لايعيد شره ناداني برا الخيمة يبينا نلعب فـ ( اطناب الخيمة )


وطلعت معه ولعبت ويوم رجعت إلا يقابلني خال أبوي -الله يرحمه - وهو وقتها شايب

كبير شوي ويمسكني ويقول أنتي ليش ماتروحين عند أمك ؟ وأنا أقوله وأنا ماجيت عندك

جيت عند أبوي وش دخلك ؟ >>> طبعاً ماخلصت كلمتي غير الكف واصل خدي:qtrat (6):


وعناد مابكيت سويت نفسي ماتعورت وأنا الكف دوخني بس رجعت عند أبوي وشاف

إني زعلانه وسألني وسكتت ونمت ويوم صحيت الصبح علمته - الله يرحمه - واعجبه

ردي وقال ماعليك منه عاد أنا كبر رأسي ودارت السنين ونقلنا لينبع وجات معاي فنفس

المدرسة حفيدة ذاك الشايب وأنا طبعاً للحين شايله الحقد فقلبي برغم السنين اللي مرت


والله وأنا أجيها وأقولها صح جدك فلان ؟


وهي تقول إيه >> عباطه ادري بس أبي مدخل:qtrat (9):


وأنا أضربها وأقولها ليش جدك يضربني فالزواج وقدام الرجال والله ويوم رجعت البيت

لقيت الشكوى قدامي بس الحمد لله أخذت حقي ..


وهذا اللي طرى علي مدري وش جاب هالسالفة بس مشي حالكم ..:qtrat (9):