|
كأن كسررررررررر خاطرنا القرار صح00 { أرحموا من في الأرض يرحمكم من في السمااااااااااااااء } ترا هذي من أسئله يالقرار هذي بعض من دعاء للبيزنطي (^_^) |
السلام عليكم ورحمة الله وبركآآآآآته
مسآء / صبآح الخير آخوي القرار والله شفت الشله مستلمينك اسئله وقلت حرام اطوف الفرصه يعني لو سمحت خذ لك كم سؤال ع الطآآآير ...! السؤال الاول / هل يحب القرار تسلق الجبال .؟ وهل تعتبر التسلق غريزه انسآنيه أم ماذا ؟ وماهو الشعور الذي يدور في نفسك اثناء التسلق ؟ ، السؤال الثاني / هل يكتب القرار بكلتا يديه ع الكيبورد ؟ وماهي الاصبع التي تستخدمها بالضغط على انتر ؟ وماهي الوضعيه التي يرتاحلها القرار بالجلوس ؟ السؤال الثالث / ( بما انك مربي اجيال ) ، ماذا يرى القرار مستقبل الاجيال التي خرجها ؟ وهل تتوقع منهم النجاح في مسيرة حياتهم؟ خصوصا انك انت قدوتهم ومعلمهم ؟ السؤال الرابع / هل تعرف حسن كراني ؟ السؤال الخامس / على حسب ماسمعت عنك بالمنتدى انك شخصيه مرموقه ومشهوره ... فهل يحلق القرار ذقنه عند اطرف حلاق . ام لاتسمح لك شخصيتك وشهرتك بالحلاقه في الاماكن العامه ؟ وهل معك عدة حلاقه ؟ وماهو معجون الحلاقه الذي تفضله ؟ وهل معك رخصة قياده ؟ ورغم ان عندي اسئله كثيرره .. لكي اروي فضولي بمعرفة .. شخصيه مثل شخصية سعادتكم . ولكن ...! الوقت لم يسمح لي ... وسأحاول ان انتهز اقرب فرصه ... لكي اتشرف بمعرفتك اكثر .! وانا اسف ع الاطاله واتمنى اكون ماثقلت عليك وشكرا |
:eek::eek: الوجيه :eek::eek: الحين وش السالفه متى وين وشو مدير كبير أنت فصل وأنا ألبس يوم ها بس من الحين ترى خلص الحراج وسكر المزاد ما فيه تزويد وتمديد خلاص نختم بتمديد المدير الكبير لبكرى الساعه 12 ليلاً وبعدها إفراج يازين الحريه:D الوجيه يا حبي لك:mad: هين أوريك |
اقتباس:
يازين هالدعوه ودوم هالضحكه ومع ذلك هين أوريك بأقرب فرصه:d ويرزقك الجنة مع من تحبين:) |
[QUOTE=الصوت المسموع;14610] أصبحنا واصبح الملك لله يافتاح ياعليم يارزاق ياكريم الصوت رش ما قدام المحل أقصد الصفحه القرار استلم كان وقتك ما خلص للحين . وش استلم عز الله ما أنت مسلمن مفتاح الجيب ولا شيك بلميون :D بماذ ا يصفك الأخرون ؟!! ما أدري يالصوت من خلال رصدي لتحركاتك في المنتدى لاحظت انك محبوب من الجميع , ماهو السر ياترى ؟!! ذلك لأنك رصدتني أخوي بقلبك الطاهر عن جد أنا عادي ولكن الجميع محبوبين ولأني أحب الجميع فهم سيحبوني ، أعتقد أن الغالبيه إن لم يكن الكل لحد الآن محبوبين من الجميع حفر الباطن هذه المدينة التي تنمو سريعا ًً , ماأجمل الأماكن السياحية فيها ؟!! أجمل الأماكن السياحيه فيها هو مكان واحد وموسمي البر وقت الربيع بس أين كان اول تعيين لك؟ ولماذا طلبت حفر الباطن ولم تطلب موطنك الأصلي حائل؟!! الصوت ترى معاك إبن بطوطه يحمد ربه إبن بطوطه ما طلع بوقتي هههههههه أول يا رجال والله سالفه طويله عريضه ولكن من الأماكن التي تواجدت بها الشرقيه والرياض حائل حامض على بوزي على إيدك الصوت ، لكن الله كريم حتى السنه هذي ما طلع شيء حتى النفود اللي حول حائل سجلتها وما حصلت لكن السنه الجايه إن شاء الله رقمي زين شفت يالصوت أدور لو حول حائل ماهي المنتديات التي يحتفظ بها القرار في مفضلته ؟!! أقولك شيء بيني وبينك ما كنت مسجل إلا بمنتدى واحد قبل لا أجيكم وطلعت منه وبعد ذلك جيت هنا والآن لايوجد في المفضله من المنتديات إلا منتدى قطرات لكل ٍ واحد ٍ منا مكان يعتاده ويحب الذهاب اليه ؟ ماهو ذلك المكان الذي تعتاد الذهاب اليه ؟!! على حسب الديره اللي أنا فيها يعني إذا ساحليه البحر أعشق البحر وخصوصاً آخر الليل ومثلاً بالمدن اللي ما فيها بحر كالرياض أحب أروح أثمامه أحياناً والممشى أيضاً علماً أني بالآونه الأخيره بيتوتي ، وفي حائل والحفر أذهب لبعض الوقت للإستراحه ماهو القرار الذي ترى انه أثّر في حياتك تأثير واضح ومباشر ؟ ذكرته سابقاً توقفي عن إكمال دراستي العليا الأنثى في عيون القرار ؟ ( لا تقول هي الأم والاخت والزوجة ترى شبعنا منها ) الجمال العطاء التضحيه الحب البسمه الفرحه الحنان يا أخي هالكائن يملك طاقه هائله وجباره ويخزن من المشاعر الكثير ويمد ويعطي بشكل رهيب من أعز اصدقائك , ولماذا ؟ الله يذكره بالخير ، تصدق ما شفته من سنه أو أكثر وتقريباً إنقطعت العلاقه مو لزعل ولله الحمد ولكن عاشر من تعاشر فلا بد من الفراق فرقتنا الدنيا ، أبو محمد ناصر السبيعي هل تتفق معي أن التوجهات الليبرالية التي نراها على الساحة هي ضرب في أساسيات الدولة السعودية والتي قامت على دعوة اسلامية واضحة في بداياتها ؟!! الصوت يا بن الحلال هذولا ما عندهم ما عند جدتي بس بربره وعلى بالهم منفتحين ومتطورين ومن يخالف رأيهم متحجر ومتخلف ، وصحيح كثر الدق يفك الحديد لكن عشمنا بهالشعب كبير وان لا يلتفتون لهؤلاء المرتزقه وأساس الشعب وليس الدوله أقوى منهم شعب تربى على الدين وثوابته ، فمهما رأينا من بعض المطبلين لهم فهم قله الصوت تدري ليش هم فاشلين يا أخي ما عندهم سالفه إلا المرأة يضربون على هذا الوتر ولكن النساء في بلادي ولله الحمد يعرفن أهدافهم الدنيئه ولا يعرنهم أي إهتمام ما رأيك في التقسيط ؟ وهل هو ظاهرة أيجابية ؟!! من الناحية الشرعيه ظاهره سلبيه ، بس يا أخي الشباب يقولك وش لون اتزوج وأركب سياره بدون أقساط ، مع أن اللي يرتب نفسه بدون أقساط أحسن وأنا أرى سلبيتها إلى جانب حرمتها الفؤائد العاليه التي تأخذها البنوك لو قيل لك صارح الصوت المسموع بعيوبه ( مثل ما سويت مع خويكم الي فالشقه ) ماذا ستقول له ؟!! محشوم ههههه أرسلها فالخاص بدون فضايح والله يالصوت ما شاء الله عليك ما شفت إلا كل خير عليك ، وفيه بعض الملاحظات عادي أقولها هنا ههههههههه لا أبي أرسلها خاص هل سبق لك يالقرار ان دخلت في مشادة بألأيدي (مضاربة ) ؟ ويش الي حصل فيها ؟ لا تستحي عادي شوف يابو الليد صارت لي هوشهات تعرف ما تخلا من هالسوالف ، لكن فيه هوشه ما راح أنساها والله هن كم هوشه لكن أبي أخبرك عن هذي لأن فيها عبره وعضه المهم أخوك ما هو عنتر قوي ولا شيبوب خواف يعني عادي مثل أكثر الناس ولاني قوي جسم عادي المهم ما أطول عليك إلا شكلي بطول إذا تبي السالفه المهم كنت أنا وأخوي بالسياره وكان واحد قدامنا غلط علينا المهم أنا كنت قبلها متعرض لإصابه بركبتي بمباراة وأخوي اللي معي مسوي حادث قبل فتره المهم أنا كنت ابي اقولهم عيب ياشباب أنتم كبار لأني بصراحه مانويت المشاكل وكنت الله حق خايف لأني أنا وأخوي إصابات المهم المقرود أخوي طبح من السياره ونزل عليهم وهم نزلوا المهم أنا وقفت بينهم وأحاول أفرق وكنت أقول يا شباب عينوا خير يالربع ما نبي مشاكل أنا ابي الفكه قلت لو تزل رجلي أطيح ما أقدر أقوم كانت الإصابه للحين ما ضبطت الركبه المهم الشباب حسوا إني خايف فقاموا يهايطون قلت يالربع خلاص وأخوي يتهدد وزعلان يقول لا تقولهم هدوا وش عندهم المهم مصخوها وأخذ واحد منهم القلم اللي بجيبي مخباي وقال باللهجة العاميه ترى أبي أفج راسك بهالقلم عاد أنا خربت وطفشت وسبحان الله لا كان الحق معك ينصرك الله ويمدك بقوه والله يالصوت ما أدري وشلون بعد ما تضاربت أنا وأياه أنواع البقسات على خشته طاح الرجال وما لقيت نفسي إلا ركبتي على صدره ولا الرجال قاعد يأشر لي وما يقدر يتكلم ويقول بالإشاره خلاص المهم أنا للحين أبي الفكه منهم وقلت يلا اركب سيارتك وخذ خويك وألتفت أبي أخوي إلا يلحق الثاني بالعقال هههههههه المهم اللي معي راح يركض للسياره وخفت إنه يجيب شيء ورحت معه لقيته ما أدري وش يسوي المهم خذيت مفتاح سيارته وكان فيه يمكن ألف مفتاح كثار مفاتيحه فمسكته بيدي اليمين وهو جاني وأنا أبقسه هههههه بهالمفتاح لين طاح وش فيه هذا كل شوي يطيح هههههه أتريني مركز بالضرب من خوفي لا يجيني شيء وأطيح من ركبتي فكانت ضرباتي مركزه المهم تاليها جت الإسعاف لخوينا هذا والثاني هرب لكن تفشلنا بالشرطه عند الضابط ولكنه درى بأنهم هم المخطين ومن بعدها قلت لو أيش ما ألتفت ، المشاكل ما بها خير ، المهم الصوت الولد هذا طلع يعرف عيال عمي يمرهم بالإستراحه وبالشرطه عرف اسمي وسألهم عني قالوا ايه ولد عمنا فالرجال قالهم والله ياناس ما شفت أشجع من هالرجال بلاه ما يدري ههههههه والمهم أعترف وقال مثل ما توقعت يقول أول أحسبه خايف ، المهم من هالسالفه أتقي شر الحليم إذا غضب والثاني إذا الواحد الحق معه يا أخي تجيه قوه ، المهم الصوت من بعدها وأنا اللي أشوفه يهايط أعرف إن ما عندك أحد واللي يجيك ساكت وحليم خف منه ، وعموماً الرجال تضرب وتنضرب بالهواش ، واللي ما يخاف ما يخوف الصوت طولت عليك لكن عشانك ذكرت هالسالفه أخيرا أشوه يازين هالكلمه لم أضع هذه الأسئلة لتعجيزك او للضغط عليك حاشا لله ولكنها فعلا أسأله نابعه من الخاطر يا زينك ويازين أسألتك ، بس لا تعيدها :p |
[QUOTE=توته;14616] السلام عليكم ............... مرووووور سريع وعليكم السلام ، مرور ولا دفاع مدني لإلقاء التحية ................... فقط نشوف كلهم يقولون كذا أول :D خلااااااااااااااااااااااااااص أرحموه ,,, يا ساتر شوفوا وتعلموا الطيبه والحنيه من جد ................ يامن شرا له من حلالة .....................بيزنطية .. ههههههههه شفتي شلون:p بس من جد أستمتعت كثيييييييييييييير بالحوار الرائع مع الرائع القرار ................ وليس بمستغرب فأنظر كم من القلوب تحمل لك من صــــــــــــــــــــادق الأخوة يستمتعون بالتحاور معك وبأجوبتك ............ التي والله تشرح الخاطر والله اللي يشرح الخاطر وجود حروفك بأي مكان بس الي متأكدة منو وشو بعد أنك ساااااااااااااااحب على الدوام اصصصصصصصص بعد ما وقعت حضوررر بالمدرسة البيزنطية شكلك غبت اليوم (^_^) لا والله رحت اليوم للمدرسه الله يكوون بالعون يا رب أسعد الله قلبك وقلوبهم أجمع ,, ولكي مثلها يارب بس راح أعفيك من جد هالمرة (حاسة حروف الكيبور ... ممحية .. من كثر الطق ..) كلك نظر ، وشاكر لك كرم عفوك سلام من أخيتكم تودكم ... وتغليكم وحنا نودك ونغليك حتى أجد وقتا .. أعود حياك ، وأنصحك هاليومين تضبطين تحاضيرك أول بأول:) كونوا بخير .. تكن التوت كذلك نحن بخير ونأمل أن تكون التوت كذلك |
[QUOTE=خالد العبدالله;14662]
السلام عليكم وعليكم السلام ورحمة الله وبركاته أخوي القـرا عاد كمل الراء هلا أخوي خال:p باقي لك ساعه ونص بس على بالك تبي تعدي على خير !! أنا شخصيا" .. أتمنى ذلك أنا لو أفتك منك ما أحد جابي العيد إلا أنت وانت اللي مددلي وسبب بتمديد الثاني لا وحاس إنك سبب ولك يد بالثالث ههههههههههههههههههههههههههههههههههه <--- يقهقه بخبث هههههههههههههههههههههههههههههههههههههه هههههههههههههههههههههههه حتى انا مستانس أيه يهن:mad: 1 الجنـون .. كثيرون يظنونه شئ لايستحق ذكره بين الناس متى تحس أنك مجنون !! وهل فعلتها مره .. وتحسفت عليها أو ( نقدت على روحك ) هههههههههههههههههههههههههههه لا يكاد يخلو أحدنا من جنون قام به ولو لمرة واحده في حياته أحس إني مجنون وأنا قاعد أرد على بعض الأسئله هنا هههههه كثيرة مثل أول ما تعلمنا السواقه مره سويت حركه بغيت اقلب ههههههه بجيب أبوي بس ربك ستر ومنها توبت ههههههههه لا تعلم أبوي ههههه 2 بحكم طولي .. موقف تمنيت فيه لو كنت طويلا" بـ ( مقاسي ) <--- فانيله مو آدمي ههههههههههههههههههههههههههههههه مره لعبنا طائره برمضان وكان الفريق اللي ضدنا أنت معهم وقهرتن هههههههههه يوم تنكسر إصبعك صكيتك عين هههههههههههه 3 أبو غلا .. تذكر مره سألتني عن المطرقه والسندان حتى سولفنا فيها بـ ( بيت الشعر ) حقنا ممكن تعلمني وش معناها !! :p أنا سالتك متأكد ههههههه المطرقه والسندان يا الحبيب يعني مثلاً نقول من يبني منزل ما بين مطرقة غلاء الأراضي وسندان غلاء أسعار مواد البناء ، والسندان هو الحداد والمطرقه هي مطرقته يعني اللي بينهم الحديده رايحه فيها ولا مفر لها ولا خيار من هذين الشيئين وطبق المثال السابق على ذلك وقس عليه ما شئت من الأمثله ، أعتقد إجابه نموذجيه :) 4 وش رأيك بالجزء المظلم من القمر .. ليه طافي ! لأنه ما يشوفك عشان ينور:eek: قويه صح هههههه 5 القرار .. جرب الغربـه كثيرا" ما الذي استفدته منها .. ! ولو رزقك الله بـ ( خالد ) ولدك الصغير هل ستدع له فكرة التفكير بالغربه .. مهما كانت ! أكثر شيء إستفدته وتعلمته بحياتي هو في الغربه في الغربه يكون الإعتماد على النفس أكثر ووقع الامور على الواحد أصعب فيكتسب ملكه الصبر وقوة التحمل ، ومن ما إستفدته بالغربه هو أني ما أبتلش عند مخالطتي لأي شخص من أي الشعوب فالإختلاط بالشعوب وتعدد الثقافات و.... الكثير يابو وليد حسيت لو أكمل ما راح أخلص للصبح هههههه:) 6 طيب .. وش الفرق بين غربتك برا السعوديه .. وغربتك داخلها !! تبي الصراحه بما أن السعوديه قاره وفيها إختلاف وتعدد إلا أنها لا تختلف كثيراً إلا أن في السعوديه صح تحس إنك في بلدك بأي مكان لكن ما يميز السعوديه في أي مكان الجانب الروحي من الناحية الدينيه يستمر معك 7 اذا حطيت راسك على مخدتك .. تفكر وإلا على طول تخمد !! على حسب التعب تكون الخمده بتفكير ولا بدون 8 وش مشتهي تآكل ( أثناء قراءتك للسؤال ) !! والله الحين مشتهي أحلي أبي لي لو سنيكر أي شيء ، اليوم نمت بدري وصحيت الساعه وحده ونص تقول جني الحين وش أسوي تخربط نومي بس من بكرى راح أعدله 9 توم وجيري .. أيهم اللي فاك القرار معه !! يا أخي فيني طبع أحب اللي الناس ما يحبونه البسه أيهم توم صح أحبه أكثر من الفاره يا خي الفاره ملعونه وهالبس مسكين ومظلوم مثل البرازيل ما أحبهم دايم مع أن لعبهم ممتع ، بس اللي ما رحمتهم وهم ضعاف النصر ما أدري ليش ههههههه<< إنقهر إنقهر ههههههههه 10 رقم عشره بالنصر ( محمد السهلاوي ) هذا كل مباراه يلعب بها ضد الهلال يسجل هدف هذا وهو أول سنه يلعب مع النصر ( بإستثناء المباراه الأخيره اللي اصيب فيها ) برأيك .. لو استمر السهلاوي بالتسجيل في مرمى الهلال كل مباراه هل ستتأثر طبقة الأوزون !! طيب لو ماتأثرت .. وش الحل إنها تترقع هالطبقه !! يا حليلكم الظاهر مصيره يبي يلحق اللي قبله الذابح ههههههههههههههه هذا حتى ما أثر بفريقه ولا جاب لهم بطوله تبيه يأثر بالأوزون هههههه الحل أنك تجيب لك سلم صغير وتصعد عليه وتاخذ لك رقعه من البنشري وترقع طبقة الأوزون . خ.ألـد خالد خالد أدري صرعتني بإسمك الظاهر على بالك إنت الوحيد بالعالم اللي إسمه خالد ههههههههههههه |
[QUOTE=الــوجـــــــيه;14664] وأنقلب السحر على الساحر :) ماشاء الله هالجمله جازت لكم ههههههه هلا والله بزعيم البيزنطيين الحبيب الغالي / القرار أي زعيم حبيبي الوجيه هذاك أول ، عموماً هلا بك الوجيه كان ودي أسالك الحين بس للأسف ماعندي وقت اطرح سؤالي أيوه أجل وش جايبك وش المطلوب ولكن بما أن خالد مدد استضافتك يوم وقبلتها طيب ونايف مدد استضافتك يوم وقبلتها اخلص :) فاتوقع كرمك ما بيضيق عن اخوك الوجيه فاعطيني من وقتك يوم ربي يعطيك من خير الدنيا وخير الأخرة ولله يا بيزنطيين :( ههههههههههههههههههههههه :eek::eek: حرام عليكم لحين أعود كن بألف خير وكن مبتسماً لك تحيتي يا حبيبي الوجيه تامر أمر أبشر طال عمر بس كنت أمزح انت تدري ما يحتاج تشاورن تمون ، وبكل محبه ووناسه موافق:mad: هين أوريك |
[quote=خالد العبدالله;14665]
السلام عليكم عليكم السلام ورحمة الله وبركاته أخوي القرار أبوي أنت :) كم بقى على الساعه 12 تقول !! وش أقول وش فيك قمت تخورا هههههه عموما" .. تحيزم وانا اخوك .. تحيزم تحيزم ليه تبي تغزي ، الله يستر أه تحيزمت وتنيفذت بعد كلمات .. اول ماتقرأها اخبرني وش يطري عليك على طول بقولك على طول بحر الفجر بالكويت لحظة الزراق دفتر ابو 40 هههههههههههههههههههههههههههههههه هههههههه واحد الله يستر عليه عطوه هديه ههههههه كاسة شاهي بجنبي وطريتوه علي وهه الحين أبي أصبلي كاسة طوخ نغمة رساله قبولي بالمنشآت أذان صوت جميل ويطري علي تقصيري بالصلاة جماعه بالمسجد:( برد الحطب وشبة النار بحايل غيمه مطره:) بوري سياره ( هرن ) تكاسي مصر أنواع الكلاكسات على قولتهم :d اللون الأحمر دم كل مسلم أهدر دون وجهة حق عبايه طهر وعفاف وعزه لها خ.ألـد لا حوووول ممكن سؤال لأول مره المستجوب يسأل السائل أنت تبي تحفظ إسمك كل شوي كاتبه تحت هههههههههههههههه |
اقتباس:
أدري أنه كله من تحت راسك يالنيص هههههههههه حبيبي أنت وأياه أوما مية سؤال خالد لا تصير خبل لا يرفعون بك الشباب ههههههههههه |
[QUOTE=خالد العبدالله;14668]
السلام عليكم وعليكم السلام أخوي القرار أخوي خالد 1 وش موقفك بعد ما مدد الوجيه لك يوم سادس !! موقفي أحسد عليه بصراحه أول تمديد يخطر على البال والثاني هه يجي أما ثالث مره :eek: ما أقول إلا الله يسامحكم عز الله أنكم خذوتوا حقكم مني صح 2 أي الجرائد تقرأها صباحا" !! الوطن غرامي هالجريده مع أني أدري أنك تكرها عشان كذا أبي أغثك واتغزل فيها يازينها ويازين كتابها ويازين طرحها لا عاد الوطن أفضل صحيفه سعوديه وأجرأ جريده وفيها كتاب لهم مقالات ممتازه 3 بعدما تجهزنا للصيف .. قرر الشتاء زيادة أيامه .. وهب علينا بهبوب بارده هل هناك ( صلة قرابه ) بين الوجيه و الشتاء تتوقع !! ههههه سؤال جميل نعم توجد صلة قرابه وتشابه بينهما كلهما أتو على حين غفلة منا وغره ودون توقع لهبوبهما ههههه 4 وش تعشيت اليوم !! خفايق صاحي تالي الليل وش أتعشى قمت مو مشتهي فتعشيت خفايف الحمد لله نعمه ، اللهم أحفظها من الزوال 5 أبو غلا .. من اختار اسم غلا !! <-- صدق مايدري ودي أقولك أرجع وتلقى الجواب بأحد الصفحات لكن ما أبي أتعبك حنون مو مثلك هههههه جدتها لأمها ، خالد بالله لما أقول جدتها لأمها ما أذكرك بهذولا القدماء لويس التاسع عشر ولورانس الأول هههههههههه خ.ألـد وبعدين معاك وش اسوي فيك تعاند أنت ولا معجب بأسمك هههههه |
[QUOTE=رونــــق;14671] القرار حالتك صعبـة .. وتكسر الخاطر .. طيب حسي فينا بس هذا مايعني أني ماراح احط لك سؤال .. هذا وأنا كاسر خاطرك وش لون لو حاقده علي:) / \ / \ سؤالي هذا أعتبر تفاحـة صغيرة .. تتسلى فيها على مانحط لك العشـــا .. شكراً رونق متعشي يكفي هالتفاحه نقرمشها هل تفضل أن تكون شاهدا ً مراقبا ً للسلوكيات الغريبة للآخرين كما لوكنت تفعل ذلك من على قمة جبل ..؟ يا حبيبي وش هالمخمخه والروقان مراقبه ومن على قمة جبل :eek: تبين الصراحه وإن كنت أناقش بعض من هذه السلوكيات وأطرحها أحياناً للنقاش ولكن هذا لا يعني أني أراقب وأتضايق بمثل تلك السلوكيات ، وأؤمن كثيراً بأن من راقب الناس مات هماً ولكن لا يمنع من نقدنا لمثل تلك المظاهر والسلوكيات ومثلك عارف:) ولي عودة قريبة .. لن أطيل عليك . يا هلا يا هلا بإنتظارك بشوق ، ما تجيك سفره اليوم لحد بكرى هههه فقط أستمتع بالتفاحة . مستمتع هم :p |
[QUOTE=صمْت الجروُح;14696] السلام عليكم ورحمة الله وبركآآآآآته وعليكم السلام ورحمة الله وبركاآآآآته مسآء / صبآح الخير آخوي القرار مساء/صباح الإشطه يا عسل هلا أخوي صمت والله شفت الشله مستلمينك اسئله يا حبي لك أكيد رحمتن وقلت حرام اطوف الفرصه من عاشر القوم صار منهم :) يعني لو سمحت خذ لك كم سؤال ع الطآآآير ...! كلكم تقولون على الطاير يعني خفيفات يطلعن دسمات وش أسوي :confused: السؤال الاول / هل يحب القرار تسلق الجبال .؟ أول يوم كنت صغير وهل تعتبر التسلق غريزه انسآنيه أم ماذا ؟ بالنسبه لنا حنا عشان نعلق فنايلنا بقمة الجبل يعني تحدي أما غريزه لا أعتقد وماهو الشعور الذي يدور في نفسك اثناء التسلق ؟ لو طحت أموت على طول ولا أتعذب هههههههههه السؤال الثاني / هل يكتب القرار بكلتا يديه ع الكيبورد ؟ نعم وماهي الاصبع التي تستخدمها بالضغط على انتر ؟ خلني أجرب لحظه أيه الإصبع الوسطى وماهي الوضعيه التي يرتاحلها القرار بالجلوس ؟ القرفصاء هههههههه عادي جلسه عاديه اهم شيء على الأرض وبجنبي مركا السؤال الثالث / ( بما انك مربي اجيال ) ، ماذا يرى القرار مستقبل الاجيال التي خرجها ؟ إن شاء الله كما نضن ونحسن بهم وما نود لهم وما نعمل ونغرس بهم ، وإن شاء الله نخرج جيل صالح يحب مجتمعه ووطنه والإسلام بشكل عام وهل تتوقع منهم النجاح في مسيرة حياتهم؟ إن شاء الله خصوصا انك انت قدوتهم ومعلمهم ؟ إذا علي الله يستر هههههه لا أمزح لكن يا صمت هذا راجع لهم وتوفيق ربهم وإن شاء الله نكون قدوة حسنه وسبباً لنجاح الآخرين السؤال الرابع / هل تعرف حسن كراني ؟ ما يحتاج هذا أشهر من نار على علم الحين يجي خالد ويقول وش معنى نار على علم هههههههه السؤال الخامس / على حسب ماسمعت عنك بالمنتدى انك شخصيه مرموقه ومشهوره ... شوي شوي إرتفعت الحين أصبخ السقف فهل يحلق القرار ذقنه عند اطرف حلاق . لفتره قريبه عند أطرف واحد أهم شيء ما فيه زحمه لكن الحين تعرفت على واحد مصري ونيس وانواع النقاشات حتى بالحلاق نقاشات عاد تعرف إخواننا المصريين يونسون ونكته وراعين نقاش ممتع المهم بعد ما أحصل زحمه أدق قبل ما أجيه ام لاتسمح لك شخصيتك وشهرتك بالحلاقه في الاماكن العامه ؟ لا لا عادي تعودنا هههههههههههه وهل معك عدة حلاقه ؟ أيه منزلها عند محمد المصري أبو جاسم أسميه وماهو معجون الحلاقه الذي تفضله ؟ الحين يستخدمون جل للحلاقه ما فيه نوع معين كله نفس الشيء وهل معك رخصة قياده ؟ تصدق منتهيه يمكن لها ثلاث سنسن أو أكثر عندك واسطه تجددها لي بدون لا أراجعهم أكره المراجعه ورغم ان عندي اسئله كثيرره .. لكي اروي فضولي بمعرفة .. شخصيه مثل شخصية سعادتكم . ولكن ...! الوقت لم يسمح لي ... وسأحاول ان انتهز اقرب فرصه ... لكي اتشرف بمعرفتك اكثر .! بعد .. رغم عندك كل هذا ما كفاك ، على الرحب والسعه :mad: وانا اسف ع الاطاله واتمنى اكون ماثقلت عليك لا عاد حبيبي كنت على قلبي زي الريشه حبيبي انت إستمتعت معك وبالنقاش معك كما ادعوك للحظور متى شئت ونحن كسبناك معنا بالمنتدى ومثل ما انت شايف الأمور بسيطه والبساط أحمدي وشكرا العفو أخوي حياك |
[QUOTE=رونــــق;14729]
اقتباس:
:eek: ههههههههه شكثرهن المهم كفشتيني صحيح رونق هذا سلمك الله لا بغيت أختصر سالفه وصعب إختصارها كل شوي تلقيني أقول المهم أبي أحاول أختصرها وأعجز وخاصة لا كنت مستعجل هههههههههههههههههههههه بس يا كثرهن ما توقعت هالكثر أما اللي فيها واو ههههههههههههههههههه |
السلام عليكم أخوي القـرار 1 ليه حاقد على ( خ.الـد ) .. وإلا عشان ماعندك نقطه !! 2 يقولون العقرب إذا حدتها النار من كل الجهات .. تلدغ نفسها وتموت تتوقع ليه .. ! 3 تدري اني اكتشفتك بالمنتدى أكثر من أي مكان ثاني ! طيب ليه كل هالسنوات ماعرفتك زي ما انت هنا !! 4 الحفر يافرنسـا .. يا بلاد العطور كان قبل السنين الاوليـه .. نهر جف ماه .. وتصحر .. وهجرته الطيور واندفن في مضاميه العنا .. والشجـر الشاعر هذا .. وش يحاول يربط بين فرنسا والحفر !! 5 الساعه تسع البارح .. وين كنت !! 6 على طاري البارح .. البارح عشانا فطور وفي ظل هذا التوافق الزمني بين الفطور والعشا من اللي طلع أول .. التمره وإلا النخله !! 7 ماذا لو تقدم أحدهم بـ ( مليون ) ريال وبيت بحايل بشرط أن تقبل زواجه من غلا .. رغم أنه على دين وخلق عالي ولا عليه اي زله لكنه تقدم لها وهي بعمر الـ 16 وش بتسوي وقتها !! 7 أنت ويتينق على رحلة الخطوط السعوديه .. وفجأه قالوا لك تعال .. جاء لك كرسي وصل الدور عندك وانت آخر راكب يختارونه .. لكن وراك حرمه شلون بتحكم عليها .. إذا بتخليها تركب بدالك أو تسحب عليها ! يعني وش المعطيات عشان تقرر خلال 7 ثواني !! 8 كم بقى على نهاية دوامك البيزنطي هنا ؟ هههههههههههههههههههههههههههه 9 طيب .. تتوقع يجي مدير ( قوقل ) ويمدد لك يوم اضافي ! 10 لو تم التمديد لك .. وش بتسوي !! خ.ألـد |
السلام عليكم أخوي القـرار ياخي من غلاك .. لازم ارجع و أسأل <---- موصي العيال يدبرون له أسأله ههههههههههههههههههههههههه 1 أحد الأخوات هنا .. قالت إنها كانت تزرع ( شجرة ببسي ) وش رآيك !! 2 اخترت احد بعدك .. وإلا قفلت خلاص ؟؟ 3 لو كنت أمريكي .. وشفتني صدفه بتقول عني ( عربي حقير ) أو ( مسلم حقير ) !! 4 بيني وبينك .. ودي أسوي إنقلاب على الوجيه وأستلم المنتدى تساعدني !! 5 على طاري الوجيـه .. وش رايك فيه من ناحية الإداره للمنتدى ؟ 6 يقولون عقارب الساعه تتحد باليوم مرتين .. متى !! 7 تذكرت جوابك على سؤالي عن ( خلف المشعان ) أذكره بنفس هذيك القصيده قال عرب سات .. وعرب شات .. وعرب تطرد ورى الستـّات وعرب ألهتهم اسعار التداول .. وإسر يا ساري !! ممكن تشرح لي رايك بهالبيت !! 8 لو تمت محاولة الإنقلاب المذكوره آنفا" .. وتخيل إني عينتك ( الأب الروحي ) للمنتدى وقررنا نغير إسمه .. وش بتحطه !! 9 طيب .. من بتختار ( ثالوث ) معنا !! 10 ليش تكره النصر !! :( خ.ألـد |
السلام عليكم أخوي القـرار أحبك ياخي .. وماودي تخلص ماتشوفن كل شوي ناط هنا وأسألك يالبى قلبك بس (^_^) 1 شلون شكلك بعد 20 سنـه .. إذا إنت من الأحياء 2 تخيل تعود الأزمنه للخلف 340 سنه .. هل ستتعايش مع ذاك الزمن .. ؟ 3 لو تعايشت معه .. هل انت قادر انك تغزي ربع النيزك وتهاجم قوم مشاعر أنثى .. ! وهل بتآخذني معك ! 4 لو حكمت المملكه لـ ( نصف ساعه ) وش أول قرار تصدره !! 5 الثوب السعودي .. لو بيغيروه كزي رسمي وش بتختار انت يكون زينا الرسمي ! 6 بيت شعر يمر عليك بين فتره وفتره !! 7 وش طموحاتك !! 8 كم عمرك ! 9 وش إسمك !! 10 تتوقع أبرجع لك !! خ.ألـد |
هبّل فيه المجنون هذا هههههه
الله لا يوليك على مسلم يا خالد |
3
لو تعايشت معه .. هل انت قادر انك تغزي ربع النيزك وتهاجم قوم مشاعر أنثى .. ! وهل بتآخذني معك ! أحم أحم من هم قوم مشااااااااعر { ياخالد}http://www.barbandgreg.com/images/Em...twithchair.gif http://www.barbandgreg.com/images/Em...twithchair.gif |
السلام عليكم أخوي القـرار تعرف واحد إسمه مهـدي !! يهدي لك هالأسئلـه 1 من وين تتنفس السلحفاه !! 2 كم عدد اسنان البعوضه !! ( لاحظ البعوضه مو البعوض ) 3 وش كبر قلب الحوت !! 4 وشو اصغر حيوان يقتل الفيل !! 5 ليه القمر لونه أبيض .. ماهو أصفر !! خ.ألـد |
السلام عليكم أخوي القـرار الشعب متجمعين عندي .. ياخي حتى هم يحبونك أبو شوق يقول لك 1 وش الرساله رقم 3 بجوالك !! 2 الرساله رقم 3 ببريدك الوارد هنا بالمنتدى انتهى أبو شوق .. وجاء دوري 3 لو حطوا لك جدار أو سلم عشان ترقى به لأي مكان تبي .. وش المكان اللي ودك ترقى له !! 4 اذا لبست قميص النوم .. ليه تحس إنه خفيف !! 5 متى نحرر فلسطين .. ! 6 الصينييين يتشابهون .. طيب هم يشوفون اننا نتشابه بعد !! 7 فجأه وانت تمشي انت وأم غلا .. جاك واحد وسطرك كف .. وش بتسوي !! 8 طيب فجأه وانت تمشي لحالك .. جاء واحد وسطرك كف .. وش بتسوي !! 9 ليه خفيت بالمواضيع علينا بالمنتدى !! 10 شاعرك المفضل !! 11 تتوقع أرجع لك !! خ.الـد |
السلام عليكم أخوي القـرار والله للحين متأمل إن أحد يجي ويمدد بيزنطيتك ههههههههههههههههههههههههههههههههههه 1 ام نايف تقول ( منهم قوم مشاعر ) وش أقول لها !! 2 لو تبي تغير اسم (القرار ) لإسم جديد .. وش بتختار !! 3 4 متى تكابر على جروحك !! 5 متى يبكي القرار ؟؟ 6 هل تظهر دموعك لأحد .. ومنهو هالأحد !! 7 مادري وش اسأل .. بس ماودي أوقف تتوقع ليه ؟؟ 8 كم برصيدك ألحين !! 8 متى تهطل أمطارك بالـ ( شعر ) !! 9 وش يعني لك رقم تسعه ( غير سامي ) !! 10 تحبني !! خ.ألـد |
....
هو أنتا لسه مسجون هنا يا إبني :( عنجد لا تعليق الله يكون في عونك :o ... تحيتي هيام |
:eek::eek: يؤيؤيؤ وش هذا يؤيؤيؤ:eek::eek: كله بكوم وهذا بكوم خالد وش فيك عسى ماشر لحين أن أروق سأعود ولكن ليكن بمعلوم الجميع :mad: أن الوقت إنتهى للأسئله خلاص ما بعد هذا الرد لن يجاب عليه خلاص يا جماعه عينوا خير:( ســـــــــــأعود للإجابه على ما سبق |
[QUOTE=خالد العبدالله;14790]
السلام عليكم وعليكم السلام ورحمة الله وبركاته أخوي القـرار هلا أخوي خالد 1 ليه حاقد على ( خ.الـد ) .. وإلا عشان ماعندك نقطه !! عندي ثلاث مو وحده :) 2 يقولون العقرب إذا حدتها النار من كل الجهات .. تلدغ نفسها وتموت تتوقع ليه .. ! من القهر عشان ما تتعذب وشكلي ابي أسوي نفسها:) 3 تدري اني اكتشفتك بالمنتدى أكثر من أي مكان ثاني ! طيب ليه كل هالسنوات ماعرفتك زي ما انت هنا !! يمكن كنت صغير أنت :p 4 الحفر يافرنسـا .. يا بلاد العطور كان قبل السنين الاوليـه .. نهر جف ماه .. وتصحر .. وهجرته الطيور واندفن في مضاميه العنا .. والشجـر الشاعر هذا .. وش يحاول يربط بين فرنسا والحفر !! ما عنده سالفه قال إيش الحفر يا فرنسا إي هين 5 الساعه تسع البارح .. وين كنت !! بالفراش نيم 6 على طاري البارح .. البارح عشانا فطور وفي ظل هذا التوافق الزمني بين الفطور والعشا من اللي طلع أول .. التمره وإلا النخله !! تقبل الله ... أكيد النخله :confused: 7 ماذا لو تقدم أحدهم بـ ( مليون ) ريال وبيت بحايل بشرط أن تقبل زواجه من غلا .. رغم أنه على دين وخلق عالي ولا عليه اي زله لكنه تقدم لها وهي بعمر الـ 16 وش بتسوي وقتها !! والله امهاتنا كان كثير منهن يتزوجن بهالعمر عادي لكن بوقت غلا ما ادري وش يصير والله يجيب الله فيه الصالح والله هذا عريس لقطه ما ينفوت:rolleyes: 7 أنت ويتينق على رحلة الخطوط السعوديه .. وفجأه قالوا لك تعال .. جاء لك كرسي وصل الدور عندك وانت آخر راكب يختارونه .. لكن وراك حرمه شلون بتحكم عليها .. إذا بتخليها تركب بدالك أو تسحب عليها ! يعني وش المعطيات عشان تقرر خلال 7 ثواني !! تبي الصراحه أبو خلود بخليها تركب مكاني وأنقهر هههههههه 8 كم بقى على نهاية دوامك البيزنطي هنا ؟ هههههههههههههههههههههههههههه أنت وخر بس وهو ينتهي ههههههههههههههههههههههههه 9 طيب .. تتوقع يجي مدير ( قوقل ) ويمدد لك يوم اضافي ! ما بقى إلا هو على حظي يسويها :eek: 10 لو تم التمديد لك .. وش بتسوي !! تصدق عاد إستوت معي وتوبه :( خ.ألـد خالد خالد خالد خالد ذبحتن :) |
[QUOTE=خالد العبدالله;14792]
السلام عليكم وعليكم السلام ورحمة الله وبركاته أخوي القـرار هلا أبو الوليد ياخي من غلاك .. لازم ارجع و أسأل يا أخي أغلن بس لا ترجع <---- موصي العيال يدبرون له أسأله ههههههههههههههههههههههههه بعد موصي العيال أنت عن عشره هههههههههه 1 أحد الأخوات هنا .. قالت إنها كانت تزرع ( شجرة ببسي ) وش رآيك !! هذي إذا ما خانتني الذاكره الأخت المنى ههههه والله ضحكت على سالفتها وش رايي خيال أطفال ، عاد دايم إلا تفكيرهم وخيال غريب تلقاهم لما يكبرون يبدعون 2 اخترت احد بعدك .. وإلا قفلت خلاص ؟؟ مختار لي واحد يحبه قلبك أنت والأعضاء وهالله هالله فيه لكن بعد فتره لأننا نبي نقفل الموضوع مؤقتاً 3 لو كنت أمريكي .. وشفتني صدفه بتقول عني ( عربي حقير ) أو ( مسلم حقير ) !! أولاً لا يشرفني أن أكون أمريكي حتى لو بلو كنت 4 بيني وبينك .. ودي أسوي إنقلاب على الوجيه وأستلم المنتدى تساعدني !! عاد حاقد عليه أنا عقب التمديد ، يالله قدام 5 على طاري الوجيـه .. وش رايك فيه من ناحية الإداره للمنتدى ؟ يعجبني فيه أن الكل إداره أعضاء ومشرفين ومراقبين كلهم إداريين ، ومتفهم ويسمع من الكل وياخذ رايهم دائماً ما يشاور الجميع بكل شيء ويقدر ، بالعربي مرن 6 يقولون عقارب الساعه تتحد باليوم مرتين .. متى !! 12 7 تذكرت جوابك على سؤالي عن ( خلف المشعان ) أذكره بنفس هذيك القصيده قال عرب سات .. وعرب شات .. وعرب تطرد ورى الستـّات وعرب ألهتهم اسعار التداول .. وإسر يا ساري !! ممكن تشرح لي رايك بهالبيت !! ما يحتاج رأيي بأبو مشعان أنه مبدع 8 لو تمت محاولة الإنقلاب المذكوره آنفا" .. وتخيل إني عينتك ( الأب الروحي ) للمنتدى وقررنا نغير إسمه .. وش بتحطه !! بسميه قطرات أدبيه مسروق ههههههههههه 9 طيب .. من بتختار ( ثالوث ) معنا !! أبو شوووووق :) 10 ليش تكره النصر !! :( بسبب جمهوره وأنت أولهم:rolleyes: خ.ألـد يا بابا درينا إنك خالد منو قالك أنت النيزك ههههههه |
[QUOTE=خالد العبدالله;14796]
السلام عليكم وعليكم السلام ورحمة الله وبركاته أخوي القـرار هلا هلا أبو خلود أحبك ياخي .. وماودي تخلص ماتشوفن كل شوي ناط هنا وأسألك يالبى قلبك بس يالبى كلك وحبك ربك حياك مستانس بنطنطتك:mad: (^_^) يحق لك تبوسم 1 شلون شكلك بعد 20 سنـه .. إذا إنت من الأحياء تبي تشوف شكلي بعد 20 سنه كأنك شايف أبو حسين يعني لا تنتظر شوف أبوي كأنك شايفني 2 تخيل تعود الأزمنه للخلف 340 سنه .. هل ستتعايش مع ذاك الزمن .. ؟ كنت راح أقولهم والله إنكم متخلفين أكيد راح اتعايش أبو وليد وبعدين هكالوقت على كيفك 3 لو تعايشت معه .. هل انت قادر انك تغزي ربع النيزك وتهاجم قوم مشاعر أنثى .. ! أغزيهم ويغزوني هكالوقت أنواع الحنشله وهل بتآخذني معك ! تنفع للفركه أنت آخذك:p 4 لو حكمت المملكه لـ ( نصف ساعه ) وش أول قرار تصدره !! أسجنك عشان اللي سويته فيني هنا:) 5 الثوب السعودي .. لو بيغيروه كزي رسمي وش بتختار انت يكون زينا الرسمي ! فانيله علاقي وجنز هههههههه 6 بيت شعر يمر عليك بين فتره وفتره !! غربه لأن قلوبنا ما بها أوطان حيره لأن أوطاننا ما بها قلوب شكلي جبت العيد بالبيت:cool: 7 وش طموحاتك !! إكمال الدراسه والإستقرار بحائل 8 كم عمرك ! 31:cool: 9 وش إسمك !! ح س ي ن 10 تتوقع أبرجع لك !! الحتسي رجعت ما بها توقع :o خ.ألـد صدق خالد تصدق على بالي الصوت :p |
اقتباس:
تقوله صادق يالصوت مو صاحي هذا:) |
[QUOTE=خالد العبدالله;14800]
السلام عليكم وعليكم السلام ورحمة الله وبركاته أخوي القـرار هلا بك يا هلا يا هلا ويا مسهلا أبو سليمان تعرف واحد إسمه مهـدي !! إبن عمي يهدي لك هالأسئلـه ما أعرفه خلاص <<< جحده ههه مقبلوله بس لا تعيدها مهدي 1 من وين تتنفس السلحفاه !! أوما من وين تتنفس السلحفاة من أصبح رجلها الصغير وش دراني يمكن من إبطها هههههههه 2 كم عدد اسنان البعوضه !! الحين وين ألقالي بعوضه أصيدها وأعد لك سنونها يمكن خمسته ههههههههههه ( لاحظ البعوضه مو البعوض ) لا إذا بعوضه بنيه استحي أعد سنونها عيب :p 3 وش كبر قلب الحوت !! هالكبر 4 وشو اصغر حيوان يقتل الفيل !! الظاهر النمله مدري هي حشره صغيره وهو يخاف من الفاره ، وش دراني وش هالأسئله والله لو أشتغل بحديقة حيوان:confused: 5 ليه القمر لونه أبيض .. ماهو أصفر !! عشان ما يصير نصرواي ههههههه <<< الحين ينقهر مهدي ههههههه خ.ألـد بالله عليك أنت خالد يا حظي وش أسويلك أدري إنك خالد ههههههه |
[QUOTE=خالد العبدالله;14801]
السلام عليكم وعليكم السلام ورحمة الله وبركاته أخوي القـرار هلا أخوي أبو وليد الشعب متجمعين عندي .. ياخي حتى هم يحبونك حتى أنا أحب الشعب أنا من الشعب وللشعب << وش عنده هتلر أبو شوق يقول لك بعد أبو شوق وش يقول 1 وش الرساله رقم 3 بجوالك !! الرساله رقم ثلاثه بجوالي ياطويل العمر لحظه أبي أشوفها وأكتبها لكم www.moi.qov.sa وضائف بوزارة العدل علموا الشباب الله يرزقهم لازال التقديم مستمر يبون دبلومات وثانوي مراتب حلوه الله يوفق الجميع وخصوصاً الشباب العاطلين عن العمل 2 الرساله رقم 3 ببريدك الوارد هنا بالمنتدى دقيقه اشوفها وأنسخها لكم القرار هل يحق لي أن أستضيفك من بعدي بالبيزنطية إن كان كذلك اتمنى عليك أن تمنحني شرف القبول وإن كان مرفوض وجودك كمعتقل رهن الأسئلة فاعذرني على إزعاجك دمت خفيف الظل رائع التواجد كريم الحرف غدق العطاء كل الود والإحترام والمحبه سبحان الله هذي الرساله اللي نكبتني من الأخت الرائعه الفاضله متاهة الأحزان شفت الصدفه هههههههههههه انتهى أبو شوق .. وجاء دوري وش عندكم تقول صافين سرى عند خباز كم تبي ريال ولا ريالين هههههه 3 لو حطوا لك جدار أو سلم عشان ترقى به لأي مكان تبي .. وش المكان اللي ودك ترقى له !! راسك عشان أبوسه وأقولك خلاااااااااااااااااااااااص :) 4 اذا لبست قميص النوم .. ليه تحس إنه خفيف !! عشانه نص كم :p يعني خف شوي منه الاكمام 5 متى نحرر فلسطين .. ! لا تحرر المسلمين كلهم مما هم فيه من رضى بالذل والخنوع وعودت الغيره في قلوب المسلمين 6 الصينييين يتشابهون .. طيب هم يشوفون اننا نتشابه بعد !! لا هم حاله شاذه 7 فجأه وانت تمشي انت وأم غلا .. جاك واحد وسطرك كف .. وش بتسوي !! أقوله شكرن تبي شيء بعد ولا أمشي 8 طيب فجأه وانت تمشي لحالك .. جاء واحد وسطرك كف .. وش بتسوي !! اقولك يا أخي وش تبي توك قبل شوي ساطرن هههههههه 9 ليه خفيت بالمواضيع علينا بالمنتدى !! بالعكس عادي ومرات أحس اني مزودها ههههههههه 10 شاعرك المفضل !! كشخص طلال الرشيد الله يرحمه وكشعر كثيروخلف منهم وضيدان إبن قضعان وعبد الرحمن الشمري 11 تتوقع أرجع لك !! يمكن ترجع ويمكن ما ترجع ما ينقال عليك ما إنتبهت الظاهر خلصت ما أدري:cool: خ.الـد هه خالد ، يا إبن الناس درينى صجيتنا بإسمك منو قايلك إسمك حلو هههه |
[QUOTE=خالد العبدالله;14802]
السلام عليكم وعليكم السلام ورحمة الله وبركاته أخوي القـرار هلا بك أبا الوليد والله للحين متأمل إن أحد يجي ويمدد بيزنطيتك ههههههههههههههههههههههههههههههههههه ههههههههههه لا خلاص حبيبي إنتهت المده 1 ام نايف تقول ( منهم قوم مشاعر ) وش أقول لها !! قل لها هم قوم أم نايف 2 لو تبي تغير اسم (القرار ) لإسم جديد .. وش بتختار !! حسين الشمري 3 وين السؤال الثالث :rolleyes: 4 متى تكابر على جروحك !! حينما أحس بانها تظهرني بالضعف أمام من جرحني 5 متى يبكي القرار ؟؟ بصلاة التراويح وعند سماعي لتلاوة الشيخين ياسر الدوسري والقطامي 6 هل تظهر دموعك لأحد .. ومنهو هالأحد !! مستحيل وصعب 7 مادري وش اسأل .. بس ماودي أوقف تتوقع ليه ؟؟ لأنك موذي:) 8 كم برصيدك ألحين !! بالبنك تقصد خير من الله 8 متى تهطل أمطارك بالـ ( شعر ) !! أزما تهطل وبالشعر بعد إنسى:cool: 9 وش يعني لك رقم تسعه ( غير سامي ) !! ههههههه ضحكتن يعني لي المرعب جاسم يعقوب 10 تحبني !! ودي محتاجه سؤال أيوه متجي نتمشى شوي عالنيل خخخخخخ خ.ألـد وتاليتها معاك وش سالفتك إنت ، توك تدري إن إسمك خالد هههههههه |
[QUOTE=الهيــام;14852]....
هو أنتا لسه مسجون هنا يا إبني :( أيوه ياماما لسى:o عنجد لا تعليق الله يكون في عونك :o مشكوره على تعاطفك:mad: ... تحيتي هيام هلا بك أختي شرفتي وما كلفتي توك تتعاطفي:( الهيام سعيد بمرورك أختي وتحية تغشاك .:) |
[quote=رونــــق;14943]ويـن النـــــــــاسـات ..؟؟؟!!
على قولـة بعض النــاســات ..[/] خلاص ما فيه لا ناس ولا ناسات المعتقل فاضي .. تحية طيبة لك أخت رونق :) |
بكل حب ومودة أشكر جميع من شارك في هذه الأسئلة البيزنطية التي هدفت من خلالها أن يكون هدفها قائم بالأساس على إعادة بعض المبتعدين عن أجواء المنتدى وبعض من ليس لهم إحتكاك في الأعضاء للأجواء الأخويه وفعلاً هذا ماكان وبصراحة لم أكن أتوقع هذا التفاعل بهذه المشاركات الكبيره والمشاهدات الضخمه للموضوع مما يعني أنه لقي إستحساناً وقبولاً لدى المتلقي هنا سنتوقف قليلاً لإلتقاط الأنفاس لبعض الأيام ومن ثم العودة لكم بمفاجئة بإستظافة أحد الأعضاء لنكتشف سوياً سعة صدره وأفقه وفكره من خلال كم هائل من الأسئلة من النوع البيزنطي الذي لن أشرحه لكم فما فعلتوه بي جعلني تلميذ عندكم سيتم إيقاف موضوع أسئلة بيزنطية مؤقتاً مرة اخرى شاكر لكل من تواجد وأخص بالشكر لك من تم إعتقاله وتحملنا ولكل من سأل وتفاعل لإضفاء جو من المرح المصاحب للفائده بطريقة راقية لا تخدش الذوق العام من الأعماق لكم من أخوكم كل محبة وتقدير وإحترام وإن بدر مني تقصير أو إساءة فأعلموا أنها بغير قصد وبنية طيبه ، مودتي. |
السلام عليكم ورحمة الله وبركاته أسعد الله أوقاتكم بالحب والخير والمسرات آل قطرات سيعود بإذن الله موضوع الأسئلة البيزنطية من جديد قريباً ليواصل المسيرة بجزئه الثاني وببعض التعديلات على طريقة الإستظافة والوقت فلن نغير من المضمون ، لأني لمست إستحسانكم له ، عموماً طلب مني البعض منذ فترة إعادة الموضوع وها أنا (كرمالهم) أعدهم بقرب عودته بجزئه الثاني ، وكذلك لتواجد العديد من الأسماء التي إنضمت لنا مؤخراً والتي يسعدني مشاركتها لنا لإضفاء مزيد من جو الأخوة والتآلف من خلال هذا الموضوع . عموماً اللي مأخرني شيء واحد وهو إنتظاري للضحية لأنه مشغول هاليومين ولن أتركهه لأن بيني وبينه ثار وكذلك هو مفاجأة للجميع ، لكن من الحين ما أوصيكم فيه . للجميع تقبلوا فائق الإحترام والتقدير :). [glint] إنتظـرونـا قـريبـاً [/glint] |
سننتظر .............. وبشغف ..(^_^)
أسعدكم الله .. كم تسعى لسعد الجميع .... |
حجزت المقعد الأمامي ننتظر وكلنا شوق ايها { القرار } |
توته ،قريباً جداً سنعاود الإعتقال
ولمن سيقع بين أيدي البيزنطيين أعانكم الله توته مرورك أسعدني هنا . |
مشاعر ما يحتاج ولا أوصيك فيهم
هالله هالله عاد إنتي بيزنطيه من الطراز الأول وياويله اللي يطيح بيدينك . مشاعر كعادتك التفاعل هو عنوانك وحمدالله على سلامتكم وعساها أمطار خير وبركه عليكم . |
| الساعة الآن 06:31 PM. |
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق محفوظة لموقع قطرات أدبية 2009