تعال وتذكر معانا هذيك السنه

[مشاعر انثى]

من فتره بنت قرايبنا تسولف عن سالفة المدرسه
صار عندهم حدث طارئ وصفر جرس الانذار عندهم ..











تذكرت انا سالفة حرب الخليج والصفارات والشطرطونات اللي ملزقينها بالشبابيك { عن الكيماوي }:o
والفوط مبلله خانقينا فيها و المعلبات والراديو شغال على اهم الأخبار { وحتى انا هذيك الساعه ماسكه راديو ينقال عني افهم الأخبار هههههههه:D }{ والمذيع سليمان العيسى الله يذكره بالخير كنت اذا شفته طلع ناديتهم صاروخ جانا اركضوا اركضوا عاد يجون وراي مساكين يحسبون كلامي صحيح وحصلت كم زفّه منهم:rolleyes: .
وأذكر اني انبسط اذا صفرت الصفارات مره ثانيه عشان انحاش للحوش واشوف يمكن القى صاروخ منسدح فيه :p
الأخت تبي تحلل كيف وقع الصاروخ هل بالنبيطه او بسهم هههههههههههههههه.


المهم
طولتها عليكم
طيب انتم ياحبايبي ماتذكرون شنو يذكركم سنة 1411 يوم الخميس شنو صار مع { الأباتشي اللي صدعت روسنا }
يلله اليوم خلونا نتعايش مع الكمامات وصفارات الإنذار ونشوف ايامكم هذيك شنو ذكرياتكم فيها
{ يااااااااااااادافع البلا يامشاعر صفارات انذار مره وحده }
ربي سترك:D

[الصوت المسموع]

والله فعلا ذكريات ..

كنت أيامها في المرحلة المتوسطة ..

تعرفي أني سرحت مع هذا الموضوع كثير وخرجت عن نفسي ؟ لماذا ؟

لأن الوالد توفي في تلك السنة . طبعا وفاته كانت مرض ومالها علاقة بالأحداث (رحمة الله عليه )

أذكر مثل ما قلتي قالوا أختاروا غرفة وضعوا لاصقات على نوافذها ويحذرون من هجوم كيماوي بالصواريخ

حنا بحكم اننا بعيد شوي عن منطقة الخطر ما جاء تحذير على مدينتنا الا مره واحده فقط ... وكنت في المطعم طالب طلب وانتظره يخلص عشان اوديه للبيت وفجأه يخرج (سليمان العيسى ) على الشاشة ويقرأ التحذير

بصراحة ما تحرك ولا واحد من المطعم هههه جالسين ياكلون ويتفرجون فيه

وأن انتظرت الين خلص الطلب وأخذته للبيت ,

جدتي رحمة الله عليها كانت أذا شافت مثل هذي الأمور تقول انتم ذالين (خايفين ) من الموت ؟ يبي يجيكم الموت ههههه

الله يرحمها توفيت قبل سنتين من الأن عن عمر يتخطى المئة وعشر سنوات تقريبا ...!!

الذكريات كثيرة

ولكن وللحقيقة أستمتعت بوجود ابناء خالي الكويتيين عندنا هههه
مصائب قوم عند قوم فوائد , كنا فرحانيين انهم جالسين عندنا لمدة ثمان شهور وما رجعوا لديرتهم

ذكريات نتمنى أن لا تعود على أبناء المنطقة العربية

تحياتي وتقديري لك

مشاعر انثى

[مشاعر انثى]

هلاوالله اخوي الصوت المسموع
هاذكرتك بهذيك الذكريات ههههههه:)
بس ااااااااسفه اني تذكرتك بوفاة الوالد ووفاة الجده الله يرحمها
بس
تبي الصراحه { ايام الغز كانت روعه مدري ليش؟ }
الكل شاف ربعه اللي مادرى عنهم
والكل تنقل هنا وهناك..

بس شغلتك انت حلوه { الأخ ينتظر المطعم ههههههه }
هذيك الايام ماكنا نحس بالخوف كثير{ ماغير تريقه على الصواريخ :dوعلى اهالينا اللي يدسون فينا الكمامات وغيرها}

الصوت المسموع
لك التحيه الطيبه بمرورك الطيب .

[مشاعر انثى]

بس حبيت اسألك يالصوت
انت بأي سنه دراسيه بالضبط يوم الغزووووووو:d
سؤال زاحف خخخخ